في البداية أحب أقولك شيء مهم في التعامل مع الناس فيه أشياء انتي نفسيتك وطبعك تتقبلها كهزار لكن غيرك ممكن ميقبلوش أو كلمة برضه بعشم ممكن غيرك ميقبلهاش وانتي نفس الشيء ممكن هزار وتصرفات تانية ناس تقبلها وانتي متقبليهاش ربنا خلقنا مختلفين عن بعض فاحنا نفهم اللي حوالينا ونحاول نحافظ على العلاقة إذا كانت علاقة مفيدة في حياتنا، واعتبري الناس اللي فقدتيهم في حياتك دروس مش أكتر وأكيد فيه ناس شبهك تفهمك وهتلاقيهم ، وأنا متفهمة معاناتك في حياتك دا أكيد الأشياء اللي حصلت معاكِ تركت أثر سلبي فيكي وفي حياتك، وأكيد الأهل كانوا فاكرين إنهم بيعملوا اللي فمصلحتك، أتمنى منك إنك تتعاملي مع نفسك على إنك شخص جميل وأن اللي زيك أشخاص جمال كمان انظري لنفسك بشكل إيجابي عشان تكوني انتي الشخص الايجابي الاول في حياتك وأجواء الجامعة هي بيئة خصبة لتكوين صداقات جديدة والتعرف على ناس جديدة فمن وجهة نظري حاولي تجددي في حياتك والناس حولي تكوني دايما في صورة انتي تحبيها لنفسك وأنا متأكدة انك تستاهلي الحب وهتلاقيه
هحاول اتعامل واجرب
تم النشر الاثنين، ١١ نوفمبر ٢٠٢٤
لعرض الإجابة في فدني اضغط هنا