شوفي عدم الثقه بالنفس ده بيجي لما الانسان تكون نظرته الى نفسه ان امكانياته وقدراته اقل من غيره.. او شكله اقل... مهاراته الاجتماعية مثلا اقل.... وهكذا.... ممكن يكون ده صحيح لكن مهم تفهمي ان محدش كامل.. وان كل انسان فيه ميزات وعيوب.. وربنا وزع على الناس بعلمه وحكمته الصفات والارزاق وان احنا في الدنيا ربنا اوجدنا عشان نتحط في اختبار... واعطانا اشياء ومنع عنا اشياء... وكل ده من ضمن الاختبار... فعلى الانسان انه يحمد ربنا على اللي اعطاه له ويشكره عليه ... ويصبر على اي نقص او شيئ ربنا حرمه منه ويقول الحمد لله كذلك... ويفهم ان ربما لو ربنا اعطى الإنسان الحاجة اللي هو اتحرم منها ربما كانت له فتنة او تتسبب في ضرر له في المستقبل... او ربما الحاجة اللي عندك وانتي شايفاها عيب تكون ميزة غيرك بيتمناها لنفسه او لاولادة بس انتي مش واخدة بالك... زي الحياء مثلا.. ممكن حد يفسره عن نفسة انه جبن او قلة حيلة.. بينما الناس هتبقى شايفاه ذوق وأدب واحترام وتربية حسنة ويتمنوها لنفسهم او اولادهم... يعني اقصد ان ممكن تكون نظرتك لنفسك مش دقيقة.. وده بيحصل كتير.. لما تفهمي الحاجات دي وقتها هتصلي الى مرحلة الرضا عن الله والرضا عن نفسك... ثانيا بعض الامور ربنا اعطى الإنسان مفاتيحها... يعني اعطى الانسان قدرات ممكن يستعملها لتحسين نفسه واحواله ... حاولي تزيدي من قيمة نفسك بانك تتعلمي اكتر.. تبقي شاطرة في حاجة.. ... تتعلمي شيئ يناسبك..تكتشفي هواياتك.. في ناس بتتعلم فوتوشوب. ناس بتتعلم خياطة..ناس بتلتحق بمجموعات تحفيظ قرآن. وهكذا... شوفي ايه ايه اللي يناسبك.. الشعور بالانجاز هيساعدك تحبي ذاتك وترضي عنها ويرجع لك الثقة بنفسك ويخرجك من الاكتئاب ربنا يوفقك
لعرض الإجابة في فدني اضغط هنا