شعورك كتير طبيعي، احنا بهيك جيل شوي في تساؤلات كبيرة مثلا شو ممكن يصير كمان عشر سنين وين بدي اكون؟ كيف حياتي رح تكون؟ لانه اصلا فترة العشرينات خصوصة اولها هي فترة انتقالية، يعني الشخص الي عمره مثلا ٥٠ سنة اقل بيفكر بالمستقبل المهني والعاطفي وكل هاي الأمور... لانه حياتو صارت واضحة اكثر بينما بالعشرين الاشي مختلف ، كل اشي مجهول الطريق مجهول وكل اشي... اكيد مش رح اقلك متفكريش لانه التفكير مش بإيدنا ، بس بدي اقلك ما تحرقي وقتك بالتفكير، ما تتعمقي بالتفكير، عيشي اللحظة واشتغلي على اهدافك الحالية... وطبعا توكلي على ربنا.. انا من عمر ١٧ سنة وانا كتيير بفكر، بالمستقبل، بالحياة، وبقلق .. لهيك فاهمتك منيح.. لدرجة اني بعمر ١٧ سنة كتبت خطة حياة وبرنامج لحد عمر ٢٥! وجديد صرت ٢٥، و ولا اشي من الي كتبتو صار😂 وهاد طبعا مش اشي سلبي ، ليش؟ لانه رحت طريق تانية كليا! بعد مكان حلمي اكون طبيبة مثلا، فحسب الحساب الدقيق المفروض اخلص تعليم بهاد الوقت.. بس الحمد لله تعلمت وخلصت قبل ونجحت، وهاد بفضل ربنا. (وحاليا بضحك على حالي اصلا، كيف كنت بدي اصير دكتورة وانا اصلا بخاف وبصير قلبي يدق لما اشوف جرح ؟!) باختصار، ما تشغلي تفكيرك بالفشل، انت اعملي واشتغلي على اهدافك وتوكلي على ربنا، وتذكري انت مش مطلوب منك تخططي لكل تفصيلة بحياتك؛ والله حرام على وقتك، خططي بشكل عام واذا مشي بطريق مختلفة شوي معلش ، يمكن الطريق مكنتش خير الك... بس داومي على الدعاء والاستغفار طبعا. وكل اشي بهون ما تخافي♡ لما تتوكلي على ربنا وتحسني الظن فيو الأمور بتتيسر بإذنه تعالى... □ بالنسبة لنقطة الوحدة... ممكن تكون جاي من الخوف من المستقبل الي كنتي تحكي عنو؛ من القلق وتخيل سيناريوهات صعبة.. وممكن تكون بسبب موقف او خذلان صار معك، وممكن تكون مزيج من هاد وهاد.. فإنت حددي شو السبب عشان تصلحيه، ودايما استعيني بالله لانه صعب تمشي بالطريق بدون الاستعانة بالله .. يمكن تواجهي صعوبة ب "كيف بدي ابدأ؟" "أي لحظة رح تكون نقطة التغيير؟"، خليها تكون هاي اللحظة، اشكي لربنا كل اشي عم يقلقك، واحكي كل اشي بقلبك، بالسجود او بعد الصلاة؛ او بقيام الليل.. وبعدها اصلا رح تستغني عن الشكوى للبشر... هاد ما بعني انو ما نتعامل معهن ولا نكون اجتماعيين، لا طبعا.. بالعكس هيك بتزيد الاجتماعيات لانها ما بتقتصر على مشاكل وشكوى (والبشر مين مكان يكون مش كفؤ انو يحمل هم انسان؛ او يضل يسمع لشكوى انسان، وهاد لانه الانسان ضعيف اصلا) وبس لهون🌼 اذا حابة تحكي اشي بسمعك🤝🏻❤
لعرض الإجابة في فدني اضغط هنا