و عليكم السلام ورحمه الله وبركاته بصي يا بنت الحلال إنتي مش فاشلة ولا بتدلعي خالص كل الحكاية إن جسمك وعقلك جابوا آخره من كتر الضغط والتفكير في اللي ضاع وسقف التوقعات اللي أهلك حاطينهولك وده اللي مخليكي علطول تعبانة وعايزة تنامي ومش قادرة تستوعبي وطالما الدكاترة بتوع الفيتامينات منفعوش يبقى التعب ده نفسي مش عضوي ومحتاجة تفكي عن نفسك وتدوري على دكتور أو أخصائي نفسي يساعدك تطلعي من حالة الاكتئاب دي والخطوة السريعة اللي تعمليها دلوقتي إنك تمسحي كل برامج السوشيال ميديا من تليفونك عشان بتزود طاقتك السلبية وبتخليكي تقارني نفسك بغيرك وتكتئبي أكتر ولما تيجي تذاكري متصدميش نفسك بالمنهج كله قولي لنفسك أنا هقعد أذاكر صفحة واحدة بس أو أسمع ربع ساعة أونلاين ولما تخلصيها كافئي نفسك الإنجازات الصغيرة دي هي اللي هترجعلك شغفك بالتدريج وافتكري دايماً إن صحتك وعافيتك بالدنيا كلها وأهلك يهمهم يشوفوكي بخير قبل الكلية ومفيش حاجة اسمها الدنيا هتقف لو مجبتيش طب ياما ناس مدخلتش كليات قمة وحياتهم زي الفل وناجحين جداً اهدي كده واستعيني بالله وابدأي من دلوقتي خطوة خطوة من غير ما تجلدي في ذاتك ودوسي في اللي جاي وربنا هيكرمك ويفرح قلبك بإذن الله
موفقه باذن الله تعالى.
تم النشر الأربعاء، ٢٧ مايو ٢٠٢٦
انا نزلته مخصوص للمشكله دي بس وهمسحه بإذن الله ، ولا يهمك مفيش داعي للإعتذار
تم النشر الأربعاء، ٢٧ مايو ٢٠٢٦
ولا تعب ولا حاجه ربنا يحفظك ويوفقك... لو في اي حاجه ممكن أفيدك بيها اتفضلي ... ولو تمام كدا ختدتي كفابتك من التطبيق .. امسحيه عشان بيضيع وقت وانتى كل الالي محتاجه الوقت ... وانا اللي بعتذر عن الإطالة
تم النشر الأربعاء، ٢٧ مايو ٢٠٢٦
حاضر المهم استمر بس وربنا ييسرها جزاك الله خيرا تعبت حضرتك
تم النشر الأربعاء، ٢٧ مايو ٢٠٢٦
اه تمام .. انتي ممكن تبدائي فيزياء و كيمياء مع بعض وبعدها فيزياء وأحياء .. لو في كتير في الفيزياء مش متظبط معاكي ... ؟؟
تم النشر الأربعاء، ٢٧ مايو ٢٠٢٦
فيزياء بس بجد لو بدأت بيها هتعقد لان انا ضعيفه فيها بسبب ان لميتها ف فتره صغيره فبشوف ان ان الم كيميا ع السريع دلوقتي وبعدين اول ٦ ادخل على الاحياء والفيزيا
تم النشر الأربعاء، ٢٧ مايو ٢٠٢٦
أقل ماده مذاكراها اي .. فيزياء..كيمياء.. أحياء..؟
تم النشر الأربعاء، ٢٧ مايو ٢٠٢٦
اه بس حرفيا محتاجه درجات نهائيه وانا بوضعي الحالي معتقدش ابدا ان اقفل مواد! انا بفكر ان اضغط شويه واخلص الكيميا مراجعه وحل من مندليف ع الأبواب ف اليومين اللي قبل شهر 6 دول واول 15 يوم من شهر سته هيكون نفس النظام للفيزياء والأحياء والنص التاني من 6 هحل استرشادي كيميا وسنوات سابقه و15 شامل من مندليف وفي اسبوع قبل الفيزيا اللي هو يعتبر ليالي امتحان احل استرشادي وسنوات سابقه ونفس الكلام الاحياء
تم النشر الأربعاء، ٢٧ مايو ٢٠٢٦
طيب تمام يعني الكليه في ايدك ... عارفه تعملي اي ولا اقلك على جدول .. ؟
تم النشر الأربعاء، ٢٧ مايو ٢٠٢٦
مش اووي يعني بس ماشي الحال نقصت 11 عربي و 5 انجليزي
تم النشر الأربعاء، ٢٧ مايو ٢٠٢٦
جبتي فيهم درجه حلوه ؟
تم النشر الأربعاء، ٢٧ مايو ٢٠٢٦
خير بإذن الله لا انا الانجليزي والعربي امتحنتهم السنه اللي فاتت فدي المواد اللي عليا السنادي
تم النشر الأربعاء، ٢٧ مايو ٢٠٢٦
خلاص مش مشكله ممكن توعدي حد من اهلك يكون فاهمك ومقدرك تعبك .. وممكن يتابع معاكي لو يعرف يكون حاجه حلوه .... ربنا يوفقك ويكرمك......طيب وباقي المواد تمام ؟؟
تم النشر الأربعاء، ٢٧ مايو ٢٠٢٦
انا محتاجه اراجع كيميا وأحياء والفيزياء يعني مش كويسه فيها بس خير يعني هحاول وأن شاء الله تظبط
تم النشر الأربعاء، ٢٧ مايو ٢٠٢٦
لا لا انا مش هتواصل معاها بصراحه انا شخص بتوتر جامد وببين دا للي حواليا بالذات ان علاقتي بيها كويسه فمش عايزه يعني اكون سبب ف ان اضرها او تاخد مني طاقه سلبيه كدا ف انا هحاول احل مشاكلي مع نفسي وربنا يعين
تم النشر الأربعاء، ٢٧ مايو ٢٠٢٦
مش مشكله انتي حاولي تتواصلي معاها واوعديها انك تعملي كل اللي تقدري عليه عشان تدخلي الكليه ... وهي تعمل كل اللي عليها برضو ... المهم يبقى في وعد بينك وبينها ... واللي بتحبطك دي بلاش منها خالص دلوقتي ... هل في مشاكل في المواد معاكي ؟؟
تم النشر الأربعاء، ٢٧ مايو ٢٠٢٦
اه هي كويسه جدا ربنا يوفقها يارب بس احنا دروسنا اونلاين فمش بتقابل وهي شايله فونها مع مامتها عشان تركز ف مذاكرتها اكتر يعني ف انا اكيد مش بتواصل معاها دلوقتي لان هكون بعطلها كدا
تم النشر الأربعاء، ٢٧ مايو ٢٠٢٦
ونفسكم في نفس الكليه..؟
تم النشر الأربعاء، ٢٧ مايو ٢٠٢٦
اه تمام .... طيب الشاطره دي بتحبك وليكي علاقه حلوه معاها ؟؟
تم النشر الأربعاء، ٢٧ مايو ٢٠٢٦
حاضر دعواتك ، اه معايا اتنين واحده شاطره بس مفيش تواصل حاليا بينا ومش عايزه اشغلها بيا يعني و واحده قريبه مني بس انا للأمانه مش عايزه اتواصل معاها لان بتحبطني جامد ومش عندها طموح يعني كل م بتقدم ف حاجه واحكيلها بتخرج حرفيا ف اتعقدت وماشيه مع نفسي
تم النشر الأربعاء، ٢٧ مايو ٢٠٢٦
عايز بس اقول لحضرتك حاجه بسيطه بس ... اعملى اللي عليكي ...ومتشيليش هم اي حاجه تاني ..ركزي على قدر ما تستطيعي.. والفترة دي مهمه جدا جدا .. في حد معاكي من صحابك في نفس السنه ..؟؟
تم النشر الأربعاء، ٢٧ مايو ٢٠٢٦
لا مفيش مشكله ولا حاجه .... لو في اي حاجه مع حضرتك اتفضلي ...
تم النشر الأربعاء، ٢٧ مايو ٢٠٢٦
خير بإذن الله شكرا لحضرتك اخدت من وقتك كتير
تم النشر الأربعاء، ٢٧ مايو ٢٠٢٦
و المتابعه مع دكتوره نفسيه ده طريق الشفا باذن الله اللي هيخليكي ترجعي تقفي على رجلك وترجعي ثقتك في نفسك وتشوفي قدراتك الحقيقية من تاني اهدي خالص وبطلي خوف إنتي قدها وهي مجرد فترة وهتعدي وهتبقى مجرد ذكرى وربنا معاكي ويقويكي...
تم النشر الأربعاء، ٢٧ مايو ٢٠٢٦
وإنك ماسحة الفيس والانستا ده حاجه حلوه ودليل انكمسؤولة وبتحاولي تاخدي خطوات جد في حياتك وكلية الطب دي لسه في معامي وبأيدك ومفيش حاجة ضاعت بس عشان توصليله لازم تشيلي من على كتافك حمل الخوف من المستقبل ركزي بس في يومك النهاردة وبس
تم النشر الأربعاء، ٢٧ مايو ٢٠٢٦
بصي يا بنت الحلال الخوف اللي جواكي ده طبيعي بس هو مجرد وهم مش حقيقة خالص إنتي بقالك سنتين في ساقية ضغط وتفكير وجلد ذات وده اللي مخلّي طاقتك صفر ومحسسك إنك مش قد المسؤولية لكن الحقيقة إنك بني آدمة وجسمك وعقلك محتاجين فترة يتعافوا فيها مش أكتر ويثبتك ده إن الناس الأكبر منك واللي بيفهموا شهدوا ليكي إن قدراتك عالية يعني العيب مش فيكي ولا في شطارتك العيب في البنزين اللي خلص منك ومحتاجة تشحنيه
تم النشر الأربعاء، ٢٧ مايو ٢٠٢٦
شكرا جدا لرد حضرتك انا بالفعل ماسحه اكونت الفيس والانستا نهائي ويعتبر معنديش سوشيال ميديا غير تليجرام ويوتيوب ، موضوع الطب هو مش بس اهلي انا كمان كنت دايما بشوف نفسي فيه بس انا دلوقتي خايفه افضل كدا يعني هكون دايما كدا معنديش قدرة على تحمل المسؤوليه! اديلي اكتر من سنتين بحاول أنجز حاجه لكن مش بقدر مع ان قدراتي كويسه بشهادة ناس أكبر مني وأكثر خبره مني ف انا خايفه من فكرة اني افضل مش قد المسؤوليه ومعرفش اعمل حاجه ف حياتي وحاضر هحاول اشوف دكتورة نفسيه
تم النشر الأربعاء، ٢٧ مايو ٢٠٢٦
مش ظاهر التعليق... هو حضرتك علقتي على حاجه ؟؟
تم النشر الأربعاء، ٢٧ مايو ٢٠٢٦
لعرض الإجابة في فدني اضغط هنا