انا عاوزه حد يكون مر بنفس تجربه و ينصحيني نصيحه لوجه لله بجد عشان انا تعبت انا بنت عندي ٢٤من وانا عندي ١٨بيجيلي عرسان كنت برفض لغاية في مره وافقت و رفضت بعدين لكن انجبرت اكمل مكملتيش اسبوعين عملت مشاكل دنيا سيبته حاول يرجعلني بكل طرق سيبته برضه بعدها كملت تعليمي و جالي شخص حبيته جدا حصل خلافات كتير اووي بسبب اهل سابني عشان اهله خلاف مع اهلي خطوبتنا كانت اربع شهور بعدها جالي شخص تاني اتغصبت برضه عليه سبته في خلال اسبوعين كان معقد و بخيل بس ده كان تعارف بس و قرايه فاتحه مش خطوبه انا بصراحه زي اي بنت عاوزه اتجوز وفرح نفسي و اهلي لكن بقع في بخيل و نطع و ابن امه انا دلوقتي مخطوبه لشخص هو بابه و مامته ماتوا في حادثه مامته كانت قاسيه عليه جدا و علطول بتضربه و بابه كذلك شخصيته مضضربه انا مكنتيش واخده بالي من اول لكن هو علطول معهوش فلوس مش بيخرجني غير تلات مرات وبس للعلم مخطوبين بقالنا تلات شهور بيوعدني انه يخرجني مش بيوفي بوعد ده غير انه طلب مني فلوس بيطلب مني وانا مسافره اجبله حاجه و يحاسبني عليها بس طبعا بتحرج و بديهاله علي انها هديه معنديش مانع اجبله بس ميطلبيش علطول بيسالني اجبله شكولاته ايس كريم بطل يسال حتي لانه بيحرجني هو للعلم جابلي حاجات زي شبسي شكوتلاته بس مرتين و لا حاجة بحسه بتضايق لما بيجيب انا دلوقتي محتاره اعمل ايه هل اسيبه و رجع اعاني من وحده و خوف من مستقبل تاني و اخلي اللي سبتهم واجوزوا يشمتوا فيا ولا اعمل ايه انا بقت اخاف منه ده غير حاجات كتير حصلت منه خوفتني غير كل ده هو في كليه اداب كان فاضله سنه و مخلصهاش سايب كليه بقاله سنتين ونص قالي مأجل و متقلقيش لما نتجوز هكمل بس عشان فلوس عرفت بعدين من اهله انه بيكدب عليه ميعرفيش عنها حاجه زمانه اترفد يعني مش هيكمل تعليه وانا معايا شهاده عاليه مش عارفه الدنيا امته هتنصفني و امته هتجوز واعيش زي خلق الله طب وكلام ناس هل عادي هل اللي انا فيه ده عقاب من ربنا و ذنب اول واحد رفضته و لا انا مش مكتبولي واجوز استقر و هل بعد تالت خطوبه لو سبته هل ربنا هيعوضني انا تعبت موضوع بقا مقرف اووي انصحوني و ادعولي
أنا آسفة جدا إنك بتمري بكل ده، وده فعلاً موقف صعب. أول حاجة، لازم تعرفي إن قرار الانفصال أو الاستمرار في العلاقة هو قرار صعب، خصوصاً لو كان عندك تجارب سابقة مخيبة للآمال. من الواضح إنك مش مرتاحة في العلاقة الحالية. هو مش قادر يلبي احتياجاتك العاطفية والمادية، وده طبيعي تخافي من المستقبل. فترة الخطوبة المفروض تكون وقت للتعرف على بعض بشكل أعمق، ومش لاقية منه الدعم اللي تستحقيه. لو حاسة إنك مصدومة ومش قادرة تكمل، ممكن تفكري في الانفصال. وصحيح، الناس هيتكلموا لكن في النهاية، راحتك وسعادتك هم الأهم. وافتكري، اللي بتحسيه مش عقاب، دي تجارب في حياتك وده طبيعي. وبالنسبة لمستقبل، لكل واحد نصيب، وما تحطيش ضغوط على نفسك. اتعلمي من تجاربك السابقة وكوني قوية. لو قررتي تمشي، ربنا هيعوضك إن شاء الله في الوقت المناسب، وكوني متأكدة إنك تستحقين الحب والاحترام. إنتِ مش لوحدك، ومش اللي حصل معاك هو النهاية. خدي قرار بقلب مفتوح ويريحي بالك. عايزة أي مساعدة إضافية، أنا هون!
تم النشر السبت، ١٠ أغسطس ٢٠٢٤
انتي عندك استعداد تكملي مع شخص انتي مش طايقاه ولا طايقة عيوبه لمجرد إنك خايفة من كلام الناس وشماتة اللي كنتِ مخطوبة لهم قبل كده؟! هل انتي فاهمة معنى الزواج والمسؤوليات المطلوبة منك لما تتزوجي؟ مدركة إنه شراكة بين طرفين لازم يكون بينهم قبول واحترام متبادل وهيبقى فيه مودة ورحمة والطرفين مسؤولين عن بعض وعن أطفال لازم يتربوا في جو أسري سليم يطلعهم أشخاص متربيين صح من غير عقد نفسية واجتماعية؟ هل الزواج بالنسبة لك مجرد مهرب من الوحدة والخوف من المستقبل؟ وهروب من كلام الناس؟ الناس مالهم بأي حاجة في حياتك؟ الناس مش هينفعوكِ ولا اللي كنتِ مخطوبة لهم هينفعوكِ لما تعيشي تجربة فاشلة وترتبطي بشخص انتي رافضاه للدرجة دي... الناس مش هينفعوكِ لو فاض بكِ بعد كده وقررتِ تنفصلي بعد كده والله أعلم وقتها هيكون فيه أطفال ولا لأ؟ فكرك وقتها مش هيتكلموا ويشمتوا بعد ما تبقي مطلقة في نظرهم؟ انتي محتاجة تحبي نفسكِ أكتر وتفهمي رسالتك في الحياة وهدفك الصحيح من الزواج والمواصفات اللي انتي مش هتتنازلي عنها في شريك حياتك مهما ده خلاكِ تتأخري ومهما كان عدد اللي هتقابليهم وترفضيهم. ونقطة أخيرة... مفيش حاجة اسمها ربنا بيعاقبكِ عشان رفضتِ شخص... الخطبة معمولة عشان نشوف هل فيه قبول وهينفع نكمل ونرتبط في زواج نحترم فيه بعض ونؤسس أسرة صح ولا لأ؟ من حقكِ ترفضي... من حق الشخص التاني يرفض... مفيش ذنب على حد، كل شيء قسمة ونصيب. ربنا يكتب لك الخير ويرضيك به. تحياتي.
تم النشر الأحد، ١١ أغسطس ٢٠٢٤
لا أفهم ما دمتِ تمتلكين القوة للخروج من علاقة خطبة لا تريحك ما الذي يدخلك فيها من الأساس؟ أعتقد أنك تتسرعين في أخذ القرارات سواءً الارتباط أو الانفصال. الزواج عامة خطوة ارتباط بشريك حياة، إنسان، له مميزات وله عيوب، مثلك تمامًا. لكن هناك عيوب لا تنازل فيها، هذا عائد لطاقتك ومدى تحملك ووجهة نظرك في السلوك نفسه. يعني قابلتني مشكلة تشتكي الزوجة من تناول زوجها للحشيش، وكانت إجابة 75% من السيدات: ما المشكلة! إذًا هناك أمور تتقبليها وهناك أمور لا تتقبليها، وبالمناسبة أنا أتحدث عن الطباع الشخصية وليس الحلال والحرام. تأني، وانظري هل أنت مستعدة لمواصلة حياتك مع شخص بالمواصفات المذكورة؟
تم النشر السبت، ١٠ أغسطس ٢٠٢٤
اول حاجة حبيبتي انتي بنت مينفعش تكوني بتبدأي في أي حاجة خصوصا لو في علاقة لازم الطرف التاني هو اللي يبادر خصوصا لو في الموضوع الفلوس وده مش لان انتي اسمك بنوته وكدة ولكن لأن البنات تستحق حياة جميلة ومرفه كمان مفيش راجل كداب لأن ده ضعف وبالنسبة الرجالة كمان بيكون ضعف قوي تاني حاجه انك حاطه ايدك علي مشكلة خوفك من المستقبل والوحدة ده لوحده كويس ويخليكي قادرة علي الاقل تبحثي عن حل انتي حاسه بالوحدة وانتي معاكي ناس أو لا خوفك من المستقبل ناتج عن القلق فأنتي مشكلتك الأساسية في القلق وعلشان المشكلة القلق تهدأ و تقدري تعيشي حياة مستقرة نسبيا ممكن تدخلي شوية عادات من العادات دي في يومك زي المشي كل يوم في الطبيعة ، عمل اعمال فنية ، التدوين ، الرسم والتلوين وخصوصا فن الماندلا ، تربية حيوان أليف ، تقضي وقت لطيف مع بنات تانيين ، تدي وقت لنفسك كل يوم وده هيخليكي مستقرة نسبياً علشان تقدري تشتغلي بعد كدة علي مشكلتك واي مشكلة محتاجة انك تحتويها وتتحملي اللحظات اللي هتبقي مؤلمة فيها ومتهربيش منها أحكام ربنا في السماء احنا منعرفاش ومتفكريش ده بذنب مين ولكن مفيش مانع انك لما يحصل مشكلة في أي حاجة انك تراجعي نفسك ومتجريش ورا حاجة وكل حاجة هتجليك لحد عندك بدون مجهود ومتتكلميش عن حد بكلمة وحشة لأن ده ذنب كبير
تم النشر السبت، ١٠ أغسطس ٢٠٢٤
لعرض السؤال في فدني اضغط هنا