مساء الخير
دلوقتى أنا مخطوبه وخطيبى في كليه طب بقالو فتره كان متغير ومش مهتم بيا ولا حاجه وكان عاوز ينهى موضوعنا فأنا افتكرت أنه بسببى أو أن فى مشكله بعد اربع شهور اكتشفت أنه عايد ف مادتين هو قالى عشان ابطل اضغط عليه بس انا والله مكنتش اعرف أنه مضغوطكدا وهو كان عاوز ينهى موضوعنا عشان خايف يعيد سنه ميعرفش يجهز نفسو زى ما وعد أهلي وأنه كان مضغوط
دلوقتى انا حاسه بالذنب وهو بجد بيمر بأزمة واكتئاب بالذات أنه متفوق اوى ومش واخد ع الفشل فالحوار مأثر فيه اوى اساعدو ازاى وكمان هو ينظم مذاكرتو ازاي وهل لو أنا شركتو نجاحى كدا اكون بضغط عليه مع أنه بيفرحلى اوى بجد
اساعدو اذاى وأخفف عنه وإزاي أحللو مشكلته أو أرجع ثقته بنفسه تانى هو فعلا محتاجنى بس مش بيقول لانه كتوم اوى وكمان هو الكبير ف مضغوط اوى وهل ينفع لو فى دكتور نفسي هنا اتواصل معاه أو استشيرو ف حاجه ف الموضوع ده ارجو الافاده جزاكم الله كل الخير واه أنا وهو قد بعض ف السن
السلام عليكم ورحمه الله وبركاته أولا ربنا يوفقك ويوفقه وإن شاء الله الازمه دي تمر وتعدي وارد جدا انه يكون يعني التوقيت اتفقوا عليه للجواز يكون هو من الحاجات اللي بمثل الضغط عليه ان هو يعني بيحاول يركز في الدراسه وفي نفس الوقت بيحاول ان هو يرتب الامور التجهيز للجواز مع الامور الاقتصاديه الاسعار اللي بتزيد كل الحسابات دي يعني في نفس التوقيت أكيد عملت شكل من اشكال الضغط عليه فخلينا نقول انه ممكن جزء من مساعدتك ليه ان انت تتفقي مع اهلك انه اه احنا كنا اتفقنا على كذا فايه رايكم يعني نخلي المده دي تكون أطول شويه لانه مع الظروف الحاليه ممكن فعلا ميقدرش وتعرفيهم انه هو ما قالكيش اي حاجه يعني بس ده اللي انت شايفاه علشان الدنيا فعلا كل مدى بتصعب اكتر وعلشان ما يحسش هو بالضغط ويقدر يركز في مذاكرته لانك حاسه انه الضغط ده هياثر على مذاكرته فيعني دي ممكن تكون خطوه كويسه لو انت عملتيها بانك تتكلمي مع اهلك ومنها بعد ما تتفقي معاهم تطمنيه تقولي له وعلى فكره انا قد ايه ظروف صعبه ومش عايزه يكون التجهيز للجواز بيضغط عليك فانا اتكلمت معاهم ورحلت مثلا المده اطول شويه ده ممكن تكون خطوات تساعديني بيها او لو كان في اتفاقات على حاجات كبيره بمبالغ مثلا كبيره تقدري انك توفري فيها شويه فده برده ممكن حاجه تساعده انك تقولي له انك في حاجه ممكن نجيبها بأقل من كده فانا ممكن يعني يخفف عنه الضغط شويه دي نقطه. المساله بقى بتاعه ان ازاي ان انت تبقي حاسه بالضغط اللي عليه أولا محتاجين انه في الوقت طبعا عارفه الوقت بتاع الامتحانات وغيره في الوقت ده تبقي مهتمين ان انتوا تقللوا من الكلام او إنه هو لازم مثلا يجي يقعد معاكي لو في توقيت متفقين عليها بيجي كل اسبوع خلاص تقولي له مش لازم الأسبوع ده المهم ان انت تقعد تركز في مذاكرتك وتشوف الحاجات اللي وراك تبقي يعني مفهماه قد ايه انت بتدعميه شوفي لو في حاجه تقدري تساعديه فيها في مثلا ملخصات هو بيجيبها تقولي له انا معاك انا اقدر اساعدك في ده اقدر اساعدك في ده ايه رايك بعد ما تذاكر تقعد تشرح لي بتبقى من الطرق الكويسه جدا وحتى لو ما فهمتش يعني الحاجات اللي انت بتقولها بس خلينا نقول ان دي طريقه كويسه جدا انا عرفت ان دي طريقه كويسه جدا بتثبت المذاكره فأنت ممكن بعد ما تخلص مذاكره تقعد تشرح لي الحاجات اللي انت ذاكرتها فتثبت عندك المعلومه اكثر لما يبقى بيشرح لك حاجه وري له قد ايه انت منبهره باللي هو بيقوله ده هيحسسه إن هو بيعمل حاجه مميزه وإن هو كويس وناجح فعلا ويقدر يكمل وينجح دي بتبقى حاجات بتفرق جدا مع البني آدم اللي بيعافر واللي بيسعى يحتاج حتى يشوف نظرات من اللي حواليه بتقول له برافو عليك وكمل. الدعم اللي هيكون نفسي بشكل كبير هيكون كله تاكيد للثقه في قدراته احنا واثقين في قدراتك ان انت تقدر تعمل ده وحتى لو وقعت قبل كده ما فيش مشكله خالص مش ده اللي بيقول ان انت كده مش ناجح لا الناجح هو اللي يعرف يقوم من الوقعه بتاعتك كل الكلام ده يفرق معاه جدا جدا اتمنى ان انا كنت فيدتك بشويه الحاجات البسيطه دي ولو عندك اي سؤال ثاني اقدر اجاوبك عليه افيدك بيه وافيد خطيبك شيء هيسعدني.
تم النشر الاثنين، ٢٦ مايو ٢٠٢٥
السلام عليكم، بصي أنا شايفة الأفضل إنك تنتظري رد الخبراء على سؤالك وتشوفي هينصحوكِ إزاي تتعاملي معه قبل ما تطلبي من أخصائي يتواصل معه لأن ممكن خطيبك يتضايق من اقتراح زي ده أو يكون مش حابب إنه يشارك المشكلة مع حد وبالتالي لو عرف إنك كلمتِ حد وطلبتِ منه ينصحه يغضب منك وتحصل مشكلة. فيه ناس كده، مش بتحب حد يتدخل أو بتفكر إنها ممكن تحل مشكلتها بنفسها من غير الحاجة لسماع نصائح مكررة من حد. فأنتظري آراء الخبراء على سؤالك هينصحوكِ من ناحيتكِ ممكن تعملي إيه واسأليهم وقتها إذا كان صح لو طلبت من حد يكلمه شخصيًا.
تم النشر الأحد، ٢٥ مايو ٢٠٢٥
مساء النور أختي العزيزة، أولاً، أريد أقول لكِ أنكِ قوية وحساسة جدًا لما يمر به خطيبك، وهذا بحد ذاته دعم كبير له. الضغوط النفسية، خاصة في مراحل التعليم الطبي الصعبة، ممكن تكون شديدة وتأثر على المزاج والسلوك وحتى العلاقات. كيف يمكنكِ دعم خطيبك في هذه الأزمة النفسية؟ التفهم والاحتواء: أظهري له أنكِ بجانبه مهما صار، وأنك تفهمي ضغطه وشعوره بالخوف من الفشل أو تكرار السنتين. لا تضغطي عليه أو تحاولي تغييره بسرعة، خليه يحس بأمان وعدم حكم. التواصل بلطف: حاولي فتح حوار بسيط من غير ضغط، أسأليه إزاي حاسس؟ وأدخليها برفق في موضوعه الدراسي. خلي الحوار قصير وعملي، مثلاً: "هل في حاجة ممكن أساعدك فيها؟" بدل من نقاش طويل يسبب له توتر. مساعدته في تنظيم المذاكرة: ساعديه في وضع جدول مذاكرة بسيط واقعي وفقاً لمواعيد امتحاناته. شجعيه على تقسيم المواد لمهام صغيرة بدل هدف واحد كبير، كي يشعر بتقدم مستمر. ذكريه بأهمية الراحة والنوم الجيد لأن الذهن يحتاج راحة لينجح. تجنب شعور الذنب عندك: أنتِ لستِ السبب في ضغوطه، هو يمر بتحديات كبيرة تحتاج لتفهمه ومساندته وليس لومه. وجودك بجانبه وفرحه بنجاحكِ شيء جميل يدعمه وليس ضغط. دعم نفسي إضافي: من الحكمة جداً أن يقابل طبيبًا نفسيًا مختصًا، فهذا خطوة ذكية لمساعدته في التعامل مع الاكتئاب والقلق. يمكنكِ مساعدته في البحث عن طبيب نفسي مناسب عبر منصة "فدني" أو المراكز الطبية المعروفة. التشجيع بلطف على اللجوء للمساعدة الاحترافية لا يعني ضعفاً بل شجاعة وحب للحياة. نصيحة أخيرة احرصي على أن تعتني بنفسك أيضًا؛ لأن دعم شخص عزيز في ضيق يحتاج طاقة نفسية. تذكري أن الصبر والاحتواء والابتسامة الخفيفة في اللحظات الصعبة لها وقع كبير. لو حبيتِ، يمكنني أن أساعدكِ في إيجاد أخصائي نفسي عبر صفحة الخبراء في فدني، وستجدين الدعم المناسب لكما. لا تترددي في مشاركة المزيد من التفاصيل أو طلبات أخرى، وأنا هنا دائمًا لأساعدكِ يا ذكية! 🌷 أدعوكِ للدعاء له بالفرج والنجاح، والله يفرج عليكم جميعًا.
تم النشر الأحد، ٢٥ مايو ٢٠٢٥
لعرض السؤال في فدني اضغط هنا