السلام عليكم ورحمة الله وبركاته
مشكلتي اني بقتش اثق في حد خالص ولا بقيت احب اقعد مع حد بخاف من الناس وبتوتر بسرعه مش بعرف اتكلم مع عيلتي خالص ولا هما حاسين بيا ولا بيتكلموا معايا معنديش الجرأه اصلا اني اتكلم مع حد حتي صحابي بيبقو عايزين يجو يقعدو معايا نلعب لعبة صراحه ببقاش عايزة يمكن بقا عايزة اقعد لوحدي.او يمكن مش عايزة العب لعبة صراحه عشان بقتش اثق في اي حد ولا قادرة اقول لحد اي أسرار
ومشكلتي بردو اني لما بقعد مع اي حد جديد صاحبه جديده ناس جديده لازم اقولهم أسراري ولازم احبهم مش عارفه دا هبل مني ولا انا طيبه ولا اي مش فاهمه
خليكي مقتنعه بقرارك متمشيش ورا حد خلي نفسك هيا ال تقرر تصرفاتك وحاولي تكوني قريبه من حد من عيلتك حتي اختك اخوكي اي حد واتكلمي معاهم وشاركي برأيك حاولي تدي نفسك فرصه يكون ليكي صوت وتكوني قريبه من ال حواليكي مش لازم كله يكون موافق ع رإيك بس تكوني شاركتي وقللتي من التوتر ال بتحسي بيه والطيبه حاجه مش وحشه بالعكس دي حاجه مبقتش موجوده دلوقت اعتزي بنفسك
تم النشر الخميس، ١٤ مارس ٢٠٢٤
خلي عندك صحبة او اتنين تبقي واخده راحتك معاهم وبيحبوكي زي م انت وده هيزود ثقتك ف نفسك وادعي ربنا برضوو
تم النشر الخميس، ١٤ مارس ٢٠٢٤
وعليكم السلام ورحمة الله وبركاته.. ليه مبقتيش تثقي في حد؟ هل حصلت مشكلة قبل ما تبقى معاكي المشاكل ديه حاليا؟ ليه بتحسي انك لازم تقولي لهم اسرارك .. بالنسبة لأي شخص جديد؟
تم النشر الثلاثاء، ١٢ مارس ٢٠٢٤
حواليه ناس قريبه مني كتير يوم معايا ويوم ضدي كل يوم يحصل موقف يخليني مكلمش حد تاني زي اقول سر لواحده صحبتي مثلا ويجي تاني يوم بلاقي الدنيا عرفاه لاء وببحصللي مشاكل من بعدها بشك في صحبتي دي عشان هي الوحيده اللي تعرف حاجه زي دي بس بردو بفضل اقول لاء دي عمرها متعمل كدا وهكذا بقا مع كل صحابي والناس داخلين في حياتي وبيحاولو يتحكمو فيا كل يوم كلام والمشكله اني بتأثر فيا جامد ساعات بسمع اني عملت مصايب وانا قاعده في البيت وبيجو يواجهوني بيها وانا بقا بعرفش أواجه حد ومش اجتماعيه انا
تم النشر الجمعة، ١٥ مارس ٢٠٢٤
ايه المواقف الي حصلتلك خلاكي تفقدي ثقه فيهم
تم النشر الجمعة، ١٥ مارس ٢٠٢٤
طيب ايه السبب الي خلاكي تبطلي تثقي في الناس
تم النشر الجمعة، ١٥ مارس ٢٠٢٤
لعرض السؤال في فدني اضغط هنا