بحس علطول اني مكتئبه ومتضايقه المشكله ان احيانا بتكون بدون سبب وضيقه شديده لدرجه الخنقه
ساعات الفراغ أو أن الواحد يكون مش بيعمل حاجات مهمه أو مفيدة بتخلينا نحس بكدا الافضل انك تشغلي يومك فرحي نفسك اعملي الحاجات الي تريحك لو حته مكالمه مع صاحبه ليكي أو حته تتفرجي علي مسلسل أو أن حته تتعلمي مهارات جديده و اعرفي عن دينك اكتر و حطي لنفسك اهداف و بإذن الله توصلي ليها انا حاسه بيكي و بقولك انتي بإذن الله تتخطي الاحساس دا و تبقي احسن و في أفضل حال
تم النشر السبت، ٢٤ يناير ٢٠٢٦
ممكن يكون بسبب عدم قربك من ربنا او مثلا بتعمل ذنوب خلوات او انت في مشكلة مع اهلك او حاجة قرب من ربنا صلي وادعي ربنا يفك الخنقة خلي عندك ورد قران كل يوم اعمل اعمال خير اخرج مع صحابك كل متحسي بخنقة ممكن تعملي حاجة جديدة زي انك تشربي حاجة بتحبيها تتفرجي ع اي حاجة بتحبيها
تم النشر الخميس، ٢٢ يناير ٢٠٢٦
لو على طول حاسه انك متضايقه ومكتئبه بدون سبب ده باذن الله بيكون ليه ثلاث اسباب راجع نفسك وشوفي انت انهي واحد فيهم او الثلاثه اول حاجه علاقتك بربنا سبحانه وتعالى لو انت بعيده عن ربنا سبحانه وتعالى فده طبيعي يسبب الاحساس بالاكتئاب طيب تعملي ايه محتاجه تقربي من ربنا سبحانه وتعالى تبتدي بتعلم اسماء الله الحسنى وصفاته هتساعدك جدا باذن الله تقربي من ربنا سبحانه وتعالى وتبتدي تتدبري القران وتتعلمي العلم الشرعي ثاني سبب ممكن يخليكي كئيبه او متضايقه هو عدم وجود هدف يعني تكوني عايشه الحياه كده وخلاص بدون معنى انت مش عارفه انت عايشه ليه وكده ده حله ايه حله باذن الله انك تعرفي انت هدفك ايه من الحياه وشغفك الحقيقي فين لو مش عارفه ايه هدفك من الحياه وشغفك فين وحابه اني اساعدك عرفيني وممكن ناخد مع بعض جلسه خاصه واساعدك تعرفي هدفك من الحياه وشغفك الحقيقي ايه السبب الثالث ممكن تكون بسبب الام الماضي يعني ايه الام الماضي يعني مواقف كثير حصلت لك في الماضي لسه مضايقاك وماثره عليك لحد دلوقتي حتى لو انت شايفه ان الخنقه ملهاش سبب ممكن تكون سببها المواقف اللي حصلت زمان وانت ما عبرتيش عنها طيب لو عندك السبب الثالث ده تعملي ايه ادخلي على صفحتي هنا على فيدني وهتلاقي لينك القناه بتاعتي قناه اليوتيوب ادخلي عليها واتفرجي على فيديو ازاي تتشافي من الام الماضي ولو عندك اي سؤال اكتبي لي وانا هرد عليك على طول باذن الله
تم النشر الأربعاء، ٢١ يناير ٢٠٢٦
يا حبيبتي، أنا آسفة جدًا إنك بتحسي بالضيقة دي على طول، وده شعور صعب أوي خاصة لما يجي بدون سبب واضح زي الخنقة. ده ممكن يكون علامة على اكتئاب خفيف أو توتر متراكم، بس أنتِ قوية وهنعديه مع بعض خطوة بخطوة. خلينا نبدأ بنصائح عملية تساعدك دلوقتي: 1. قوي علاقتك بالله أول حاجة : صلي الفرائض في وقتها، ولو تقدري زودي ركعتين نافلة كل يوم (زي ركعتي الضحى). الصلاة بتفرغ الضيق زي ما قال ربنا: "أَلا بِذِكْرِ اللَّهِ تَطْمَئِنُّ الْقُلُوبُ". اقرئي قرآن يوميًا ولو 10 دقايق فقط. 2. روتين يومي بسيط يغير المود : حركي جسمك : امشي 20-30 دقيقة يوميًا في الشارع أو البيت، ده بيفرز هرمونات السعادة طبيعيًا. اكتبي يوميات : كل صباح، اكتبي 3 حاجات شاكرة عليها (زي الصحة أو عائلتك)، وبالليل اكتبي إيه اللي ضايقك وازاي هتحليه غدًا. نظّمي أكلك ونومك : كلي وجبات منتظمة غنية بالفواكه والخضار، ونامي 7-8 ساعات في موعد ثابت. تجنبي القهوة الزيادة مساءً. 3. خطوات صغيرة للتحكم : لما الضيقة تجي فجأة، قولي "أعوذ بالله من الشيطان الرجيم" وقومي اغسلي وشك أو اشربي كوباية مية باردة ببطء. حددي هدف صغير يومي: زي "النهارده هقرأ صفحة كتاب مفيد" أو "هصلي وأدعي لنفسي". لو الضيقة شديدة ومش بتروح، روحي لدكتور نفسي متخصص، وفي Fedni عندنا خبراء رائعين في الصحة النفسية على https://www.fedni.net/experts – شوفي اللي يناسبك وخدي استشارة أونلاين. ابحثي في Fedni عن أسئلة مشابهة هتلاقي إجابات كتير تساعدك. أنتِ مش لوحدك، وهتقدري تتغلبي عليها إن شاء الله.💕
تم النشر الثلاثاء، ٢٠ يناير ٢٠٢٦
هل جو البيت متوتر
تم النشر الخميس، ٢٢ يناير ٢٠٢٦
الشعور بالضيق بدون سبب بيكون من الشيطان وكمان بسبب تراكمات كتير حاولي تدعي ربنا كتير وتصلي وتقرأي قرآن
تم النشر الأربعاء، ٢١ يناير ٢٠٢٦
الشعور بالضيق أو الكتمة بدون سبب واضح بيكون غالبًا نتيجة ضغط نفسي متراكم أو قلق مكبوت حتى لوالشخص مش حاسس إنه زعلان بشكل مباشر الجسد أحيانًا بيعبر قبل العقل حاولي أولًا تهدّي نفسك وقت الإحساس ده تنفّسي ببطء وعمق ابعدي عن أي مثيرات توتر وغيّري مكانك لو تقدري لو الإحساس بيتكرر أو بيبقى شديد درجة الخنقة مهم تراجعي طبيب أخصائي نفسي لأن ده ممكن يكون نوبات قلق أو هلع وعلاجها بسيط ومفيد والأهم علاقتك بربنا وصلاتك وقرآنك ووردك وما تهمليش إحساسك ولا تلومِي نفسك الضيق رسالة إنك محتاجة راحة واهتمام بنفسك
تم النشر الأربعاء، ٢١ يناير ٢٠٢٦
علاقتك بربنا اي 🤔
تم النشر الأربعاء، ٢١ يناير ٢٠٢٦
لعرض السؤال في فدني اضغط هنا