بصي طالما الموضوع وصل لدرجة إنه مأثر على دراستك وحياتك بالشكل ده فلو في الإمكان تتواصلي مع مختص يبقى أفضل عشان الموضوع ميزيدش أكتر من كده..وبالمناسبة مجرد إنك واعية بالمشكلة ومعترفة بيها دي خطوة مهمة جدًا في طريق حلها. بس عندي سؤال..انتي عارفة التوتر ده سببه إيه؟ يعني مثلًا بتتوتري من الدروس والامتحانات ليه؟ هل بسبب خوف من إن مستواكي ميبقاش كويس أو إنك متكونيش مذاكرة كفاية؟ ولا بتتجنبي الدروس عشان مقابلة الناس أو كلامهم؟ ولا خوف من إن المدرس يسألك ومتعرفيش تردي؟ ولا هو قلق عام من غير سبب واضح؟ وكمان هل فاكرة إذا كان في موقف أو تجربة معينة حصلت قبل كده ومن بعدها الموضوع بدأ يزيد؟
سعيدة إني قدرت أفيدك، ربنا يكتبلك اللي فيه الخير.💗
تم النشر الخميس، ٢٥ يونيو ٢٠٢٦
اللهم آمين وإياكِ ♥️ ، حقيقي استريحت لما اتكلمت معاكِ واستفدت ، جزاكِ الله خيراً 🫂🩷
تم النشر الخميس، ٢٥ يونيو ٢٠٢٦
كونك بتقولي إنه الأول كان مرتبط بمواقف معينة ودلوقتي بقى موجود معظم الوقت دي نقطة مهمة جدًا، وعشان كده شايفة إن استشارة مختص هتبقى خطوة كويسة بدل ما تفضلي تحاولي تتعاملي معاه لوحدك. ربنا يطمن قلبك ويخفف عنك ويعينك🤍.
تم النشر الخميس، ٢٥ يونيو ٢٠٢٦
على حسب الموقف ، وفي العادي بيكون مصاحب لوجع بطن وصداع ، تطور وبقى مصاحب لضربات قلب سريعه وتوهان ، الأول كان في مواقف معينه حاليًا بقى موجود معظم الوقت ، تقريباً بقى شئ أساسي وده شئ مرهق جدًا .
تم النشر الخميس، ٢٥ يونيو ٢٠٢٦
هتلاقي فوق عند التلات شرط قائمة فيها الخبراء والمختصين، ادخلي عليها وشوفي الشخص المناسب ليكي وابعتيله. وفي كمان ناس هنا كانت بترشح موقع فيزيتا للبحث عن مختصين، ممكن تبصي عليه وتشوفي لو فيه حد مناسب. و هل القلق ده بيظهر عندك في صورة تفكير وخوف بس؟ ولا بيكون معاه أعراض زي ضربات قلب سريعة أو صداع أو وجع بطن أو رعشة مثلًا؟ وهل بتحسي إنه موجود معظم الوقت ولا في مواقف معينة أكتر؟
تم النشر الخميس، ٢٥ يونيو ٢٠٢٦
التوتر بدأ بكل الأسباب اللي انتي قولتيها دي وحاليًا بقى قلق عام من أي حاجه ، حصل مواقف مش موقف معين ، طب أنا مش عارفه أتواصل مع مختص ازاي ؟
تم النشر الخميس، ٢٥ يونيو ٢٠٢٦
لعرض الإجابة في فدني اضغط هنا