السلام عليكم
انا طالبه بالفرقه الخامسه طب بشرى ان شاء الله هتخرج فى شهر ١٢ الجاى و بعد كده الامتياز يعنى تقريبا اخدنا معظم الموديولات المشكله انا حاسه انى زى ما دخلت الكليه زى ما هخرج يعنى مش عارفه اى حاجه خالص
لو حد من أهلى سألني سؤال مش بعرف ارد و لا عارفه ادويه و لا ازاى اشخص و لا عارفه حتى الحاجات الاساسيه اللى تخليني اقدر اقول انى بقيت دكتورة هل ده طبيعى ؟!!!
و ممكن اعمل اى علشان احس ان انا عارفه و لو حاجه بسيطه اعرف ارد بيها اساعد بيها لان مفيش ثقه فى نفسى خالص منزلتش مستشفى خالص لحد دلوقتى ممكن يكون ده السبب؟ ابدأ انزل ؟ ولو هنزل اروح العيادات و لا الاستقبال و لو فى كتب معينه أقرأها تساعدني و دكتور ممكن اسمعه يفيدنى يا ريت حد يفيدنى اعمل اى و شكرا مقدما
السلام عليكم، على فكرة اللي أنتِ فيه حاليا طبيعي جدا وكل طلبة طب مروا به. فيه فرق كبير بين الدراسة النظري والتطبيق العملي، والطب معتمد على التطبيق والممارسة العملية. المعلومات اللي درستيها طبيعي تتنسي وتدخل في بعضها، إذا مش فيه مراجعة وتطبيق وممارسة عملية تسمح لك تستدعي المعلومات وتربطيها ببعضها. ** أنا فاكرة أول ما تخرجت كان نفس إحساسك عادي وفترة الامتياز كانت لخبطة وتشتت لكن النزول لأرض الواقع وبدء الممارسة العملية هو اللي بيضعك على الطريق ومع الوقت وإنك تشوفي بعينك النواب الأكبر منك والأخصائيين بيشتغلوا ويتعاملوا مع الحالات المرضية وازاي بياخدوا التاريخ المرضي ويعملوا الفحص الاكلينيكي ويعملوا differential diagnosis، كل ده واحدة واحدة هيتبني خاصة لما تكوني مركزة ومهتمة تسجلي الملاحظات وتبدئي تشتغلي بإيدك. فمتقلقيش من النقطة دي. *** وعادي جدا إن أهلك بيسألوا ومش بتعرفي تردي، كلنا مرينا بكده.. هم متوقعين ردود من أخصائي متمرس وده مش أنتِ حاليا ومش مطلوب منك، ركزي في المطلوب منك حاليا. *** عن نفسي منزلتش مستشفى للتدريب قبل التخرج، منزلتش إلا في الامتياز لكن لي زمايل نزلوا عادي أثناء الدراسة فبقى عندهم خبرة وفترة الامتياز مكنتش صعبة قوي بالنسبة لهم لأنهم كانوا تعودوا شوية على الضغط وأخدوا خبرة في التعامل مع جو الطوارئ والمستشفى، فلو متاح لك تنزلي حاليا فلا تترددي. *** أيام الامتياز برضه اشترينا كتب مخصصة لطلبة امتياز زي كتاب صابر، الرابط ده فيه أكتر من كتاب إن شاء الله يفيدوك في الفترة الجاية https://www.medic4arab.com/2018/10/9_14.html ده فيديو فيه مصادر أكتر وعلى يوتيوب فيه فيديوهات تانية لأطباء لو حبيتِ تستفيدي أكتر من خبراتهم. https://www.youtube.com/watch?v=EJBSUhMsmf4 https://www.youtube.com/playlist?list=PLLTJ7493aP4txAeZ7x6BUKpvgACVWDyNB وبالتوفيق إن شاء الله.
تم النشر الأحد، ٧ يونيو ٢٠٢٦
السلام عليكم ورحمه الله وبركاته. من المهن العمليه طول الفتره اللي بتكون فتره دراسيه دي احنا بنكون بناخذ البيزكس بناخذ الحاجات اللي احنا هنعتمد عليها بقى لما نخش العمل بتاعنا العمل بتاع وهو بيبقى العمل الحقيقي اللي هو انا في وسط المستشفى انا في وسط دلوقتي اييي مرحله التشخيص انا جاي العيانه وهو مش مطروح للموديل بعيد يقول عنده الاعراض السالميه فاحنا هنعمل واحد اثنين ثلاثه لا انا هنا بقى في مرحله ان انا ببدا ااا كل المعلومات اللي عندي ومفقي يبقى بيتدرب على فكره.احنا في المرحله اللي جايه هنحتاج نبقى يعني مش محتاجين حد يسالنا ده احنا بنتلكك ان احنا نحط نفسنا في وضع عملي يعني الاقي حد تعبان اقول له مالك حاسس بايه وابدا كده اشوف مخي مسترجم المعلومات الخاصه بالاعراض اللي هيبدا يقولها دي اه دي بقى تبع انهي حاجه تبع البطمه ولا دي تبع المخ والاعصاب ولا ممكن تكون حاجه لها علاقه بالكبد لازم ابدا اعمل كده لازم ادرب نفسي على انه يسترجع المعلومه هيجيبها منين شوف ازاي هيربط الحاجات دي مع بعض علشان هي دي يعني قلنا كده.
تم النشر الاثنين، ٨ يونيو ٢٠٢٦
وعليكم السلام ورحمة الله. شعورك طبيعي جدًا، كتير من طلبة الطب بيحسوا بنفس القلق قبل النزول الفعلي للمستشفى. الثقة بتيجي بالممارسة مش بالدراسة النظرية بس. ابدئي تنزلي المستشفى فورًا. روحي الاستقبال أولًا لأنه بيجيب حالات متنوعة وسريعة، ولو لقيتي دكتور أو أخصائي بيشرح، قولي له إنك عايزة تتعلمي واتبعيه. العيادات الخارجية كمان مفيدة للحالات البسيطة. ابدئي بكتب عملية زي: "Clinical Skills" أو "100 Cases in Clinical Medicine" كتب الـ "History Taking" بالعربي لو لقيتيها. اسمعي الأطباء وهم بياخدوا التاريخ المرضي، وجربي تعملي كده مع مرضى تحت إشراف. كل يوم هتحسي بفرق. ابحثي عن أسئلة مشابهة على فدني لتجارب أكتر، ولو محتاجة دعم إضافي شوفي صفحة الخبراء: https://www.fedni.net/experts. هتكوني دكتورة كويسة إن شاء الله، خطوة بخطوة.
تم النشر السبت، ٦ يونيو ٢٠٢٦
وعليكم السلام: أنا سمعت جملة لـ د. حازم شومان قال فيها إن طالب طب هيقعد خمس سنوات مش قادر يصرف روشتة بعد التخرج دا طبعًا مش تقليل لأ د. حازم شومان خريج طب بس الفكرة أو المقصد إن أنتِ طالبة في كلية الطب والمشوار طويل وأنتي تقدري تنزلي تدريبات وتسألي دكاترة أكبر منك وتكتسبي خبرة حاولي مثلًا كل سنة خرجتي منها تطبقي عملي وإن شاء الله تكوني أشطر دكتورة وتكوني نابغة في مجالك وتنفعي الأمة الإسلامية اللهم آمين أنا حبيت اقولك ان دا مش طب بس لا دا في كل المجالات مفيش حد بيتخرج دكتور في مجاله بالعكس الإنسان ممكن يبدأ من الأول بعد التخرج حتى لو الأول على الدفعة الفكرة ان الكلية شهادة فقط تثبت لكن التعليم الـ منه شغل بيكون برة الكلية وتعبك أنتِ الله يعينك اللهم آمين خدي خبرات ناس أكبر منك وأستغلي ما تبقى وإن شاء الله في دكاترة هنا تفيدك
تم النشر الأحد، ٧ يونيو ٢٠٢٦
بمجرد ما تبدأى امتياز هتلاقى نفسك حاجة تانية + الممارسة هى الأساس فى المجال الطبى عموما
تم النشر الأحد، ٧ يونيو ٢٠٢٦
ممكن تعملي سيرش ع يوتيوب ل دروس اضافيه تفيدك واكيد عندك معلومات بس مبتعرفيش تجمعي لما تتسئلي ولازم لازم تنزلي تدريب او مستشفي عشان تعرفي
تم النشر الأحد، ٧ يونيو ٢٠٢٦
لعرض السؤال في فدني اضغط هنا