السلام عليكم
أنا كنت محتاج اعرف ازاي أتعامل مع صدمه وفاة امي حبيبه قلبي اللي لسا فيا من أنا وصغير هي توفت وانا عندي 7 سنين الموضوع أول سنه كان صعب جدا بعد كده هدي شويه بس آخر فتره الموضوع مآثر عليا جامد صراحه بالذات أنا في تالتة ثانوي مأثر على مذاكرتي ونفسيتي وكده مش عارف اعمل ايه صراحه
موضوع متعب بالذات أنا كنت متعلق بيها جدا زي اي طفل عادي وقتها بس الموضوع اثر عليا اني بقت انطوائي وصعب اني اتكلم مع حد مش بدي ثقة ولا أمان لحد مهما كان وغير حاجات تانيه كتير كنت فاكر نفسي اني عديت الموضوع لكن هو الموضوع قفل من غير ما يتعالج فمش عارف اعمل ايه معاه اتمني تفيدوني
وعليكم السلام - اصعب شيء في الدنيا فقدان الام ومهما مرت السنين هيفضل الم فقدانها موجود في كل رمضان يعدي وكل عيد وهي مش موجودة وعدم وجودها وقت الامتحانات ولما تفكر انك هتدخل الجامعة من غير ما تدعيلك وانت ماشي ولما تتخرج وتتجوز وتخلف وكل دا من غيرها هتفضل تعيط عليها طول عمرك ومهما عرفت ناس عمر ما حد هيملا مكانها - يمكن انت بتفكر في كل دا انا عارفة احساسك كويس وعارفة بتفكر ب ايه وبتمر ب ايه لاني مكانك وفي نفس سنك وفي نفس المرحلة المهمة دي من حياتي ومستقبلي - مظنش اني عندي نصيحة ليك لاني المي جديد و انا كمان مش قادرة اتخطي بس الحاجة الوحيدة اللي بعملها بحاول اخليها فخورة بيا بذاكر علشان ارفع راسها وكل الناس تقول الله يرحم فلانة عرفت تربي - ادعي ربنا كتير انه يهون عليك ويريح قلبك وادعيلها كتير وانت ربنا يصبرك ويقويك وربنا يرحمها يا رب هي وامي ويجعلهم بصحبة الحبيب المصطفي صلي الله عليه وسلم
تم النشر الاثنين، ٩ فبراير ٢٠٢٦
اول حاجه لازم تعرف انها فى مكان احسن وتكون عارف اكيد ان اى حاجه بتحصل خير باذن الله. لازم تكون بتصلى واحسن حاجه لو الصلاه فى وقتها ويبقى تمام اووى لو فى نوافل واوعى تنسى القرآن ده صحبك اللى هيهون عليك لو صاحبته كل ما تضايق اقرا بس مش على حساب مذاكرتك ويفضل تعمل لنفسك ورد يومى من القرآن واخيرا ادعى ربنا انه يصبرك ويوفقك ويعينك ادعى فى كل وقت واحسن وقت قيام الليل
تم النشر الثلاثاء، ١٠ فبراير ٢٠٢٦
وعليكم السلام ورحمة الله وبركاته يا أحمد، أول حاجة، أنا حزينة جداً لفقدانك لحبيبة قلبك أمك رحمها الله، وده مش سهل خالص، خاصة إنها راحت وأنت صغير وكنت متعلق بيها زي أي طفل. اللي بيحصل معاك دلوقتي ده حزن متأخر أو "صدمة غير معالجة"، وده طبيعي جداً في علم النفس، بس الخبر الحلو إنك قادر تتعامل معاه خطوة خطوة، وأنت قوي كفاية عشان كده. خطوات عملية عشان تتعامل مع الصدمة: ابدأ بالروتين اليومي الإسلامي : صلي الخمس فروض في وقتها، واقرأ قرآن يومياً ولو صفحة واحدة، وادعي لأمك بالرحمة والمغفرة. ده هيبني أمان داخلي ويخفف الضغط. كمان، صيام يومين في الأسبوع (الإثنين والخميس) هيساعدك تركز وتشعر بقوة. اكتب اللي جواك : خد دفتر صغير واكتب كل يوم 3 حاجات: ذكرى حلوة معاها، إيه اللي بيخيفك دلوقتي، وخطوة صغيرة هتعملها النهارده (زي "هكلم حد واحد بس"). ده هيفتح "القفل" تدريجياً بدون ما تحتاج تتكلم مع حد، وهيرجع ثقتك بنفسك. للمذاكرة في الثالثة ثانوي : حدد جدول بسيط – ساعة مذاكرة مركزة كل يوم، مع مكافأة صغيرة بعدها، فكر إن نجاحك ده تكريم لأمك، هي هتفرح بيك في الجنة. لو الدماغ مش راضية، ابدأ بـ5 دقايق بس وهتستمر. بناء الثقة والأمان : ابدأ بأفعال صغيرة زي مساعدة أبوك أو أخوك في حاجة بسيطة يومياً. مع الوقت، هتحس إن العالم آمن شوية. وتذكر قول الله: "وَمَنْ يَتَّقِ اللَّهَ يَجْعَلْ لَهُ مَخْرَجًا" أنت مش لوحدك يا بطل، كتير ناس عدّوا اللي أنت فيه وطلعوا أقوى. لو عايز دعم أكتر، دور في فدني على أسئلة مشابهة عن "فقدان الأم" هتلاقي إجابات كتيرة، أو روح على صفحة الخبراء https://www.fedni.net/experts واستشر متخصص نفسي هناك – هما هيساعدوك بشكل شخصي. استمر، أنت هتعديها وهتبقى فخور بنفسك. ربنا يصبرك ويفتح عليك. 💕
تم النشر الأحد، ٨ فبراير ٢٠٢٦
@Nehal Nassar انا قريت الكومنت بتاعة وأثر فيا شخصيا لاني عارفة الاحساس ده وفي الثانوي حسيت اوي بالفقد مع انه من وانا عندي عشر سنين. بس لأن الواحد الفترة دي بيكون محتاج حد جمبه يحسسه بالأمان ويشجعه ويمكن انا مش لاقيت ساعتها فاضطريت اركن كل مشاعري على جمب. انا مش سوبر هيرو لا كانت بتيجي اوقات ومشاعري تتحكم فيا بس الاغلب لا كنت بذاكر وانا بعيط. كنت بصحي بدري لان الصبح المشاعر مبتنكونش كبيرة زي الليل. واحط جدول واخلصه مهما كان. ومكنتش بفكر كتير يعني مبسبش دماغي للذكريات لأنها بتدمر نفسيتي والحمدلله كنت بدعي كتير اوي فوق ما تتخيلي ان ربنا يكرمني ويعوضني واصلي الوتر وانام. أما بالنسبة لموضوع مشاعري بقت في تلاجة بقت صفة سلبية فيا تخيلي الناس بقت تقولي انتي معندكيش دم ولا احساس انا اضطريت اعمل كده عشان متوجعش. بقيت مبعرفش احس اصلا والله بقت اي حاجة مش فارقة معايا، كل حاجة بقيت اقنع نفسي انها هتروح مني مش لازم اتمسك بحاجة اصلا وارتحت من فكرة ان ده كله رايح فبلاش اتعب نفسي . مش حاجة كويسة صدقيني انتي تقدري تذاكري و تتحكمي في مشاعرك بطريقة إيجابية ولو عايزه اي مساعدة قولي والله وهساعدك بكل اللي اقدر عليه. اهم حاجة في ده كله بقا انك تحطي الجدول بتاعك وتخلصيه مهما كاان وبعدها باقي اليوم راحة بلاش تضغطي على نفسك. الراحة مهمه زي الدراسة والاتنين لازم تاخديهم وربنا يوفقكم يارب ويكرمكم بالدرجات اللي تفرحكم.
تم النشر الأربعاء، ١١ فبراير ٢٠٢٦
عملتيها ازاي دي (ركنتي مشاعرك في التلاجة ) علميني يمكن الدنيا تظبط معايا بس انا عايزاها في ديب فريزر او قوليلي ازاي افقد الاحساس اصلا (بتكلم بجد ) @Dareen 🌷
تم النشر الأربعاء، ١١ فبراير ٢٠٢٦
احمد ربنا على اللي انت فيه غيرك شايل القرف وانت متأثر متجمد لو امك عايشه مش حترضى تشوفك كده لكن ربنا ابتلاك علشان يقويك مش يضعفك سائب شيطانك يسيطر عليك وانت بتقول سبع سنين دا نفس الوقت اللي خسرت فيه زى ما انت خسرت مش معقول انا عديت وانت لاء انت مضغوط علشان مش موجوده وفى مذاكره نفس اللي انا فيه بظبط الفرق انى عندى مشاكل كتيره ومضغوطه اكتر منك ومفتحتش كتاب
تم النشر الثلاثاء، ١٠ فبراير ٢٠٢٦
عارف انا فى تالته ثانوي برضو عارف مفتحتش كتاب انتكست انتكاسه انا فى حاجه جوايا لازم تصدق عارف يعنى جوايا حد تانى وانا اعرفه وهو عارف بسببوا بيضغط عليا ويتحكم فيا ومش عارفه اذاكر انا حجيب ملاحق مش عارفه اعمل ايه الموضوع معقد مش عايزين نحل العقده لا انا عايزه اللي فيا يتحل هو قريبنا ولد عمتي يعنى بنتكلم كتير بس لا رسائل ولا وش لوش عارف انت زى ما فى حد قدامك وساكت وبتبص عليه بس انت بتتتحاور معاه وهو بيرد مش عارفه ايه دا بس الله ما عارفه اطلع من اللي انا فيه عارف زى الجن لما يلبس انسان لا انا لبسنى انسان الكلام حقيقى والله ومش عارفه اذاكر الكلام دا عايز شيخ مع انو مش جن
تم النشر الثلاثاء، ١٠ فبراير ٢٠٢٦
سيبك من اللي فات وبص لمستقبلك انا عارفه دى امك بس بعد اربع سنين خمسه او سته حتنساها لازم تحط كده فى دماغك خليك فى مذاكرتك واطلع اتنفس اتفسح فسح نفسك دبس نفسك مع صحاب كويسين تتفقوا على معاد تخرجوا تشيلوا اللي عليكوا مش حيفرق الوقت المأثر معاك لانك خسران وقتك ليه متطلعش فيه وتتنفس تروح مطعم فول وطعميه لحالك أو لو عايز تجري مطعم جديد وحتى ولو غالى يعنى لو ابوك مش حيدفع اشتغل على كد فلوس المطعم اللي عايز تروحه اشغل تفكيرك فى المهم صدقنى حتستنفع روح لربنا واشكيلوا اشغل نفسك فى اي حاجه صدقنى حتندم على الوقت اللي ضيعته احمد ربنا انا مشاكلى اكتر منك وامك اللي ماخد فيها صدمه انا ماخده اكتر منك وندمت على الوقت اللي راح انت داخل كليه خليك فى الصح قوى نفسك علشان باين انك ضعيف وهش وكنت زيك وبعديت بمراحل مش عايزه اقول لحد ما وصلت لربنا وكسبت، اعرف ربنا فى الشده اللي انت فيها والرخاء فى الراحه
تم النشر الثلاثاء، ١٠ فبراير ٢٠٢٦
للاسف انا مش عايزة مشاعري تكون في تلاجة مع الناس لاني كدا كدا مش ببين اي رياكشن يعني مهما كان الموضوع ببقي ثابتة والموضوع مش بيهمني ودا قدام كل الناس حتي اهلي لغاية مع خلاص متاكدين اني معنديش دم وبتتقال ليا كتير في الضحك والجد لدرجة اني رجعت مرة من برة تعبانة علشان كنت متبرعة ب دم ومقولتش لحد ولما اكتشفوا بعدها بيومين ضحكوا وقالولي هو انتي عندك دم اصلا وكالعادة بينت ان الكلام ولا همني يعني من الاخر كتومة لدرجة مرعبة حتي لو تعبانة مش بقول لحد ولا بتكلم مع حد لكن انا من جوايا بصراحة بتاثر وانا مش عايزة كدا انا عايزة اجمد قلبي واخليه فعلا ميحسش مش عايزة اي حاجة تاثر عليا بس مش عارفة ازاي وهنا مش قصدي ان اي حاجة زي الهزار وكدا لا عادي بتقبله لاني عارفة اني اهلي بيحبوني وبيحاولي يخرجوني من العزلة اللي انا فيها بس فعلا من وقت وفاة ماما الله يرحمها بقي ياثر فيا حاجات معينة بتكون في الاغلب متعلقه بيها او باخواتي وجدتي @Dareen 🌷
تم النشر الخميس، ١٢ فبراير ٢٠٢٦
هجاوبك لاني مريت غالبا بنفس الشئ وخلصت ثانوي على خير. اللي عملته في ثانوي اني ركنت كل مشاعري في التلاجة حرفيا كأني مبحسش. بقيت لو مضايقة اذاكر لو مبسوطة اذاكر وهكذا. الموضوع صعب مش هنكر لكن مستقبلك يستاهل.
تم النشر الأربعاء، ١١ فبراير ٢٠٢٦
تابع صفحة قصص الإستغفار وقناة الشيخ محمد حجازي وانت بإذن الله ربنا هيفتحها عليك إن شاء الله بإذن الله تعالى 💗
تم النشر الأربعاء، ١١ فبراير ٢٠٢٦
لعرض السؤال في فدني اضغط هنا