السلام عليكم ورحمه الله وبركاته
لو سمحت أنا عندي أخ ولد في 2 إعدادي طول الوقت بيتكلم معانا أن هو عايز يسيب المدرسة و يروح يشتغل أحسن المشكلة أن احنا اتكلمنا معاه كتير ومش راضي يقتنع أن ده غلط .
المشكلة أن بابا مش قريبه منه ومتزوج واحدة تانية وعنده أولاد وكل شويه يقالوا روح شوف اخواتك.ياريت اشوف ارائكم
أخوكي شايف الدنيا من خرم إبرة .. ومش عارف إيه أبواب الشغل اللي بتتفتح له لما ياخد شهادة ووعيه هو نفسه بيتغير ازاي بالتعليم .. الحل أنك تحاولي تقنعيه أن الشغل بشهادة أعلى من الإعدادي والثانوي أحسن له م...
خلوه يجرب شغل يكون بيعتمد على المجهود البدنى ...عشان يبدأ يقيم لوحده انه مش طول العمر هيقدر يكمل فى نفس الشغل اللى بيعتمد على المجهود البدنى ...والتعليم هيخليه يشتغل حتى لو جسمه لاقدر الله بقت طاقته ض...
شوفي هو غالبا حاسس بالغضب من بباه والغيره انه قاعد مع اخواته التانين ومش موجود معاه بنفس المقدار ومش مهتم بيه زيهم وففتره المراهقه وتأثير اراء الأصدقاء بيفرق جدا معاه لانهم بيحتوه ف الفتره دي بأفكارهم...
هو حبيبي من كتر إهمال الاب مش آكتر لكن ولا مقتنع ولا حاجه هو بس النفسيه و المراهقه فحاولو تساعدوه يشتغل ويجرب بس من غير ما يسيب الدراسه.. سهلوا عليه التجربه بلاش يفضل قاعد جايز نفسه ف حاجات عاوز يحوشل...
اولا لازم متعرضيهوش ولازم تفهمي وجهه نظرة ولازم تدعميه كمان لان كل مرة هتعرضيه فيهاهيعند اكتر . الشباب في السن ده بيشوف عن كدا كدا محصلا بعضها اخدت شهادة ماخدتش كدا كدا مش هشتغل بشهدتي دي الدنيا من وج...
غلط كبير ان الشاب اللي مقتبل العمر يترك التعليم ، حرفيا كده بيقضي علي اي فرصة مستقبلية محترمة ممكن تجيله في اي مجال عمل ، ثانيا لو حصل اي حاجه هيفكر يشتغلها هتبقي مجهدة و متعبة و العائد بتاعها مش مجزي دا لو حلال .. او هيضطر يشتغل شغل شمال .. ياريت توصل الموضوع لحد كبير في للعيلة و هو يعقل اخوك ده و يفهمه علشان هو فاكر الموضوع سهل و مالوش اي اثار جانبية ، ثانيا فرصة انه يتقدم لعروس علشان يتزوج و معاه شهادة غير لما تدخل علي الناس و تقولهم انا سايب المدرسة من اعدادي ، برضه فرص انك تتعين في اي شركة او عمل حكومي هتنزل بنسبة كبيرة ، النصيحة واجبة اتعب في الموضوع و انصحه و هات ناس تنصحه و تنصح والدك حتي لو هيلوم عليك او هيعتابك او هيضربك بس انت لازم تعمل كده لانه اخوك .. علشان لو صمم علي قراره يبقي عارف هو داخل علي ايه و كمان علشان يبقي علي نور و يتحمل مسؤولية نفسه فيما بعد و ميرميش اللوم عليكم .
طيب انا عندي حل ، تقعد معاه وتحاولوا كده تفكروا لسنين قدام ، ان اخواتك كلهم خلصوا تعليم واشتغلوا في اماكن كويسه وفي مراكز مرموقة ، قوله وانت فين بقي ، معقول هتبقي لسه واقف في نفس السوبر ماركت ، او المكتبة ، لا بتقدم ولا بتأخر ، ده المستقبل اللي انت شايفه لنفسك ، انت كده هتبقي مبسوط بوضعك ده ، وحاول تحتويه خرجه وفسحه وغيرله نفسيته تماما واتكلم معاه دايما بهدوء وحاول تقنعه بالعقل واحده بواحده ان شاء الله ربنا يهديه للخير
إيه اللي جاب لاخوكي القناعة دي .. وهو عايز يشتغل إيه بالضبط بالشهادة الابتدائية؟
عايز يشتغل في سوبر ماركت
أو في مكتبه
• إذا كان يُريد العمل فلا بأس دعيه يُجرب ، ولكن بدون ترك المدرسة ، واشترطي عليه ذلك أن يعمل ويُذاكر وينتبه لمُستقبله ، هذا أفضل من أن يستغل فراغه في معصية.
لعرض السؤال في فدني اضغط هنا