مش عارفه أبدا منين بس لو حد عندو معلومات عن ازاي احب شكلي بالحجاب.
انا لبسته عن طريق اهلي من كتر ضغط الكلام لكن دلوقتي انا اقدر اخلعه بعد سنتين..بحس ساعات أن مشكلتي مش اني خايفه اقلعه عشان ربنا لكن ان انا خايفه من نظره الناس انا مش حابه شكلي خالص بيه ومش عارفه اعمل ايه حاسه أن هو مش مخليني ابقى على شخصيتي الحقيقة بحتاج البس لبس معين و اللبس دا مش قصير او كده لكن بيبرز شخصيتي بيحسسنس اني انا. لكن الحجاب دائما بلبس حاجات بحس اني مش انا مش هي دي الانسانه الي في البيت كأني فيك عارفه أن دا شئ سطحي لكنه مأثر عليا
في نقطة مهمة حابة ألفت نظرك ليها لو إنتي من فعلا عاوزة تقلعيه مكنتش هتسألي أو تحتاري فعلا بس انتي من جواكي مش عايزة وفكرة الحيرة دي وساوس من الشيطان أول حاجة هنقررها إننا نفكر بجد هو ليه بنلبس حجاب؟ أهم حاجة إنه أمر من ربنا زيه زي الصلاة والصيام وفرض زيه زيهم نتحاسب لو معملنهوش بنعمله علشان نتقرب من ربنا وأه الحجاب بيفرق في قربك من ربنا وعلاقتك بيه وأي حاجة صالحة نعملها عامة زي ما لما نلتزم في الصلاة ويفرق معانا طب نقنع نفسنا بقى أول حاجة المجتمع حوالينا هل الناس اللي حوالينا دول ينفع أتشاف قدامهم وأنا في أجمل حالاتي؟ يعني مثلا الحجاب اتفرض في وقت ما اللي كانوا موجودين الصحاابة والرسول يعني انتي متخيلة مين اللي كان حواليهم ورغم كدا ربنا فرض عليهم الحجاب بردو؟ ف شايفة الفرق ربنا فرض الحجاب وسط مجموعة مليون في المية هيغضوا بصرهم على قد ما يقدروا واحنا دلوقتي في زمن أغلب اللي فيه ناس زبالة الا من رحم ربي فدي حاجة أشد بالنسبة لينا اننا نداري نفسنا أكتر هدف الحجاب مش اظهار الجمال بس هدفه ستر الجمال ودا طبيعي اللبس اللي انتي عاوزة تلبسيه الحجاب مش بيقيدك في اللبس غير بشروط ان اللبس يكون " لا يصف لا يشف ويكون ساتر لجميع البدن" إلبسي اللي نفسك فيه في البيت عادي لما تتجمعي مع صحابك في بيت عادي ابقى اقعدي بشعرك وباللبس اللي انتي عايزها عادي جدا وكلنا بنعمل كدا بس مع ناس نثق فيهم طبعا الحجاب مش بيفيك شخصيتك انتي نفس الشخص بلبسك اللي جوا البيت او اللي برا شخصيتك واحدة ايه اللي يغيرها يعني ! مش معنى إن شكلي مختلف ان شخصيتي بتختلف ملهاش علاقة بجد ومتوهميش نفسك بدا بجد لانه مش حقيقي ومش منطقي اصلا
تم النشر الجمعة، ١١ سبتمبر ٢٠٢٦
الحجاب يا حبيبتي فرض مش اختيار زيه زي الصلاة والصيام مفيش نقاش أما بالنسبة لشكلك بيه فهو بيتلبس علشان يداري جمالك يا حبيبتي ويحفظك من أي بصه وحشه وبردوا مش لازم يكون شكله وحش ومبهدل أنا لبست الخمار ولبس شرعي ولبسته ل رضا الله بس بصراحه مكنتش حابه شكلي بيه في الأول وكمان البس الشرعي واسع أوي وأنا بحب الفستان واللبس يكون مضبوط عليا مش ضيقه بس بعد فتره اتعملت لفات خمار جديده وحبيت شكلي فيه وكمان حبيت لبسي واسع إني أمشي براحتي وباخد أجر من ربنا ومحدش بيبص عليا نظره وحشه وافتكري انه من ترك شيئا لله عوضه الله خيرا منه وفي بيتك ياروحي البس وادلعي براحتك ❤️❤️🫂
تم النشر السبت، ١٢ سبتمبر ٢٠٢٦
حولي تشوفي اكتر من لفه حجاب و لو انتي شايفه ان شكلك متغير و شخصيتك و حاسه إن حدا تاني ليه انتي حاسه ب كده اول حاجه ان حدا يشوف شكلك من غير الحجاب و لبسك اللي مكشوف شويه ف مش كل الناس تستاهل تشوف ده انتي غاليه و خبي جمالك لي نفسك ❤️
تم النشر السبت، ١٢ سبتمبر ٢٠٢٦
أول حاجة، أنا فاهمة إنك بتمري بصراع داخلي حقيقي، وده طبيعي جدًا. إنك لبستي الحجاب بسبب ضغط الأهل، وبعدين حسيتي إنك مش مرتاحة في شكلك بيه، وكمان خايفة من نظرات الناس، ده مش ضعف، ده شعور إنساني جدًا. المهم دلوقتي إنك بتفكري في الموضوع بصراحة مع نفسك، وده خطوة كويسة. لو عايزة تتقبلي الحجاب وتحبي شكلك فيه، جربي تبدئي بخطوات صغيرة تركزي فيها على راحتك الشخصية مش على إرضاء الآخرين. مثلاً، جربي أساليب مختلفة للف الحجاب تناسب شكل وجهك ولون بشرتك، زي الألوان الهادية أو الطرح اللي بتدي إحساس بالأناقة بدون تعقيد. كمان، اختاري ملابس تناسب الحجاب وتخليكي تحسين بثقتك، زي القطع اللي بتبرز شخصيتك. الهدف هنا إنك تشوفي الحجاب كجزء من أسلوبك الشخصي مش مجرد التزام. بالنسبة لخوفك من نظرات الناس، حاولي تذكري إن رأي الآخرين متغير ومش بيحدد قيمتك. ابدئي بتمارين بسيطة زي كتابة الصفات اللي بتحبيها في نفسك (مش مرتبطة بالشكل بس)، وكل يوم ركزي على حاجة إيجابية في يومك وأنتِ محجبة. لو حسيتي إن الضغط الاجتماعي بيأثر عليكِ بقوة، ممكن تفكري في اختيارك الشخصي دلوقتي بعد السنتين دول، سواء استمريتي أو قررتي تغيري رأيك، المهم يكون القرار من جواكِ. أنتِ مش لوحدك في الشعور ده، وكتير بنات بيمرّوا بنفس التجربة. لو عايزة أفكار أكتر أو نصائح عملية عن أساليب الحجاب اللي بتناسب أشكال الوجوه، قوليلي تفاصيل أكتر عن وجهك أو ذوقك. ولو حابة تشوفي تجارب مشابهة، ابحثي عن أسئلة مشابهة على فدني. أنا هنا معاكِ في أي خطوة.
تم النشر الأربعاء، ٩ سبتمبر ٢٠٢٦
ربنا يغفر لصديقتك وأيوة لو عايزة تعرفي طرق شوفي التيك توك أو اليوتيوب
تم النشر السبت، ١٢ سبتمبر ٢٠٢٦
بصى انا لبست الخمار فى فتره بس لقيت نفسى كبيره فيه و مش لائق على وشى وفى وحده من صحابى حرفيا كانت قمر فيه و بتعد تلف لفات متنوعه جميله بس بعد كده قلعته و رجعت للبسها اللى هو بنطلون وتبين رقبتها و تحط ميكب وصراحه دا شجعني على انى اقلعه اللى يخليها هى و كانت حلوه فيه و قلعت بس بعد كده ماتت بعد اسبوعين بس بصراحه انا اترعبت و قولت لنفسى انا مش ضامنه و فى القبر مش هيهمنى شكلى انا مش بحكى كده عشان تترعبى ولا حاجه قسما بالله ده اللى حصل و فكرت لو انا فى مكانها اكيد هتمنى ارجع عن اللى فى بالى لو بتتكلمى عن الاستيلات روحى اليوتيوب هتلاقي مليان تنسيقات و بس كده ياريت تدعو لصدقتى بالمغفرة وادعولى بالهداية
تم النشر الخميس، ١٠ سبتمبر ٢٠٢٦
طيب ما الحجاب اصلا معمول عشان كدا .. عشان شكلك بره غير جوه .. واى حد من غير الحجاب اجمل واحلى طبعا .. لو بتعملى حاجه عشان شخص مش بيهمك اى حد من الناس .. ف ده ربنا وامرنا بحاجه هل هيهمنا الناس او غيره ؟
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا