السلام عليكم،
أنا محتاجة أشارك مشكله شخصية مرهقاني نفسيًا جدًا، ومش عارفة أحدد هدفي من عرضها، غير إني فعلاً تعبت وبقيت مش فاهمة مشاعري ولا قراراتي.
أنا مخطوبة لشخص يجي من سنه وكام شهر، وكنت بحاول بكل طاقتي أنجح العلاقة دي.
سامحته كتير، وعديت حاجات ما تتعداش، واتعودت أبرر له كل غلطة على أمل إنه يتغير.
لكن للأسف، كل مرة أديه فرصة، ألاقي نفسي بتأذي أكتر بس هو حرفياً مبيبقاش قصده عمره ما يبقي ف إيده يأذيني وياذيني د ع طول واخدلي حقي من اي حاجه تزعلني بس حرفيا كل حاجه أنا كنت بعقب له عليها يعني مش من اول مره واتخانق وعمل الحاجات ال ممكن تخلي اي بنت تسيب شريكها
عيبه أنه مش ناضج كفايه اي حد حواليه قادر يؤثر عليه هو مغترب بقاله سنه الا شهرين اكتشفت أنه بيكلم بنات كتير ف اي فتره أنا وهو متخانقين فيها مبنتكلمش ووصل الموضوع أنه بيكلم ولاد عفانا الله متحوله جنسياً كمان ولما واجهته قال كنا بنهزر هنا وكنا كنا كنا ع طول واحد من صحابه يبعتله ارقام بنات ويدخلو يحوروا سوا ويتعملهم بلوك .. البنات وصلت لدرجة أنهم بقوا في محيطي هنا
اتكسر جوايا كل شعور بالأمان، وبقيت مكسوفة من نفسي قدامهم، ومكسوفة من أهلي، ومكسوفة من إني فضلت متمسكة بيه.
الأكتر وجعًا؟
إنه الوحيد في صحابه الخاطب، لكن هم بيغفلوه، ويخلوه يتكلم مع بنات، وهو بيتأثر.
وفي الآخر، لما قررت أمشي، قاللي: "بالسهولة دي عاوزة تبعدي عني؟"
وبيبرر أنه د طبيعي بين الشباب
الحقيقة مش بالسهل، أنا اتكسرت بما فيه الكفاية.
بس اللي جوايا دلوقتي مش غضب… هو حزن، وندم، وخجل من نفسي،
إني ساعدت في إيذاء نفسي بإيدي.
أنا مش عارفة أروح فين بعد ده، ومش عارفة أعمل إيه…
مشكلتي مش بس معاه، مشكلتي دلوقتي مع نفسي.
هل أنا غلطانة إني مشيت؟
هل المفروض أدي فرصة تانية؟
ولا خلاص القرار ده هو اللي يحافظ على كرامتي ونفسيتي؟
وهو حرفياً بيحبني لو يطول يعمل اي عشان اسامحه هيعمل هو حبه واضح اوي لكل ال حوالينا
بس أنا حرفيا بقيت شاكه أنه حب اصلا
أنا تايهة، وحقيقي محتاجة رأي متخصص يقدر يفهمني ويوجّهني…
وشكرًا على وقت حضرتك @Yasmine Tawfik
السلام عليكم انتى وهو اتعرفتوا ازاى فرق السن بينكم اد ايه انتى سنك كام رأى اهلك فيه ايه اول ما اتقدم
تم النشر الأربعاء، ١٦ يوليو ٢٠٢٥
أنا فعلا مش عارفه ارجع
تم النشر الجمعة، ١٨ يوليو ٢٠٢٥
اولا انتي مش غلطانه انك مشيتي وانتي كمان اتاخرتي لما سبتيه المفروض كان حصل من بدري محدش بيتغير عشان حد استحالة لازم يكون هو مقتنع الاول بالفكرة عشان يتغير ولو هيتغير مش عشانك ..انتي صح ومتتديقيش نفسك محدش يستاهل الزعل د أو انك تتعبي عشانه انسي الوقت هينسيكي وان شاء الله ربنا هيعوضك بحد احسن منه 🤲🏻😊
تم النشر الجمعة، ١٨ يوليو ٢٠٢٥
لعرض السؤال في فدني اضغط هنا