بصي يا بنت الناس من الآخر كدة طول ما قلبك واجعك كدة يبقى إنتي فيكي خير كبير والوجع ده هو اللي هيفوقك بصي إنتي مشكلتك إن الموضوع قلب معاكي عادة يعني إيدك بتروح للموبايل لوحدها فالحل إنك تملي وقتك بجد مش مجرد كلام يعني لو فاضية انزلي اتمشي أو ذاكري أو اعملي أي حاجة تهد حيلك عشان متلاقيش وقت تفكري أصلاً وبعدين بطلي تفتحي لنفسك أبواب مواربة مفيش حاجة اسمها بكلمه عادي عشان أسلي وقتي مفيش شات بيدخل فيه شيطان وبيطلع منه خير أبداً وافتكري دايماً إن ربنا شايلك الأحسن بكتير بس لما تسيبي الغلط عشانه هو وقربك من ربنا ده خليه سند ليكي بجد مش مجرد ركعتين وتخلصي ادعي وانتي ساجدة وقولي يا رب كرهني في العادة دي ونقي قلبي وخليكي واثقة إن اللي يقدر يغير حالك في ثانية هو اللي خلقك فاستعيني بيه واستقوي على شيطانك واستغفري كتير طول ما إنتي قاعدة ومع الوقت هتلاقي نفسك بقيتي أقوى والموضوع مبقاش فارق معاكي خالص .. وجد والله ربنا يحفظك ويسعدك
إنتي شكلك شيلة الهم فوق طاقتك ومصعبة الدنيا على نفسك بزيادة بصي يا ست البنات إنتي في تالتة ثانوي يعني في مفرمة طبيعي جداً تلاقي عقلك بيدور على أي مخرج يهرب فيه من ضغط المذاكرة والكتب فبتلاقي في الكلام ده المسكن اللي بيفصلك ثانية عن وجع الدماغ فمتحمليش نفسك فوق طاقتك وتفكري في الموت والكلام اللي يزعل ده الموضوع أبسط من كدة بكتير ومحتاج صبر مش انتحار إنتي بتعملي بلوك وبترجعي تاني وده معناه إنك بتحاولي وده في حد ذاته جهاد كبير ربنا بيأجرك عليه الفكرة كلها إنك محتاجة لما تقفلي الباب تقفليه بترباس مش مجرد بلوك يعني يوم ما تنوي ارمي الموبايل ده خالص وقت النوم بالذات عشان ده والقت اللي الشيطان بيلعب فيه في دماغك وخليكي عارفة إن الحدود اللي إنتي حطاها دي حاجة كويسة بس الشيطان شاطر وبيدخل من باب أنا كلامي محترم أهو فبيخليكي تستمري لحد ما تضيعي وقتك وطاقتك النفسية في الفاضي إنتي شاطرة ومجتهدة بدليل إنك لغيتي كل السوشيال استهدي بالله كدة وكل ما تحسي إنك عايزة ترجعي قولي اللهم اعصمني واتوضي وصلي ركعتين وافتكري إنك بكرة هتبقي مهندسة ولا دكتورة قد الدنيا والحاجات دي هتبقى بالنسبة لك ذكريات تافهة إنتي قدها ومية مية بس اهدي على نفسك شوية وربنا هيعينك ويعوضك خير والله ... على فكره انا كنت زيك كدا والله مش بتفاخر ولا بجاهر بمعصيه لا انا بس حابب اعرفك انك تقدري زي ما انا قدرت .. اللي انا عملتو انا عملت الحجات اللي بحبها زي انا أنصح حد أو اعمل محتوى على السوشيال ميديا.... لو الموضوع صعب عليكي ممكن ابعتي رساله هنا او تكتبي سوال وهتللقي ناس بتتفاعل معاكي بكل احترام ومنغير خاص والتطبيق جميل ... وجد والله هتلاقي بنات محترمه كتير هنا وناس واعيه ... وممكن تتكلمي مع بنت صحبتك قبل ما تنامي كل يوم تتكلمون في نفس المعاد المهم الوقت ده متبقيش لوحدك ... وجد والله ربنا يحفظك ويسعدك 🌷
تم النشر الخميس، ٧ مايو ٢٠٢٦
والله منغير مبالغه أنا تالته ثانوي وفعلياً بملي اليوم كله وفعلاً مبكونش فاضيه بس ف الاخر لازم يتختم ب اني ارد بس حتى أنا اكتر واحده بجحه ومش بتكسف ولودما بنوي اني هقفل بقول هقفل وبعمل بلوك منغير ولا كلمه وللاسف أقصى مده ايام تتعد علي الصوابع وبرجع اتكلم تاني ويشهد ربنا عليا أن كلامي كله حدود وحاطه حدود لا حد يقولي يحبيبتي بهزار حتى كلامي عادي بس ف الاخر حرام أنا والله حاولت اموت نفسي تعب من كتر ما مشغوله معنديش انستا ولا فيس ولا حتى تيك توك
تم النشر الخميس، ٧ مايو ٢٠٢٦
لعرض الإجابة في فدني اضغط هنا