أنا مش عارفه ازاي اخلص من فكرة اني بكلم ولد الموضوع ملازمني اكتر من 5 سنين غيرت خطي قطعت علاقتي باللي كنت اعرفهم سنين حرفيا ومحدش يعرف عني حاجه ولكن مكملتش فتره وعرفت حد جديد اصغر مني بسنه
وفعلياً بكلمهم لا عشان عاطفه أو عاوزه امان والهري ده أنا فعليا اي حد ادخل حياته بلاقيه بيعترف وبنسحب تلقائياً وبحس اني وصلت للي عاوزاه وحقيقي مش فاهمه ده ولا ايه وبجد تعبت
أنا بصلي الحمد لله جربت كل حاجه استغفار نيه صادقه أني فعلاً عاوزه اسيب الذنب ده بدعي كتير وبحاول اقرب من ربنا بس الموضوع بقا عاده حرفيا ومش عارفه اعمل إيه جربت كل الطرق اللي ممكن تخطر علي بال حد ياريت حد يفدني ويقولي اعمل ايه فعلاً لأن أنا تعبت
بصي يا بنت الناس من الآخر كدة طول ما قلبك واجعك كدة يبقى إنتي فيكي خير كبير والوجع ده هو اللي هيفوقك بصي إنتي مشكلتك إن الموضوع قلب معاكي عادة يعني إيدك بتروح للموبايل لوحدها فالحل إنك تملي وقتك بجد مش مجرد كلام يعني لو فاضية انزلي اتمشي أو ذاكري أو اعملي أي حاجة تهد حيلك عشان متلاقيش وقت تفكري أصلاً وبعدين بطلي تفتحي لنفسك أبواب مواربة مفيش حاجة اسمها بكلمه عادي عشان أسلي وقتي مفيش شات بيدخل فيه شيطان وبيطلع منه خير أبداً وافتكري دايماً إن ربنا شايلك الأحسن بكتير بس لما تسيبي الغلط عشانه هو وقربك من ربنا ده خليه سند ليكي بجد مش مجرد ركعتين وتخلصي ادعي وانتي ساجدة وقولي يا رب كرهني في العادة دي ونقي قلبي وخليكي واثقة إن اللي يقدر يغير حالك في ثانية هو اللي خلقك فاستعيني بيه واستقوي على شيطانك واستغفري كتير طول ما إنتي قاعدة ومع الوقت هتلاقي نفسك بقيتي أقوى والموضوع مبقاش فارق معاكي خالص .. وجد والله ربنا يحفظك ويسعدك
تم النشر الخميس، ٧ مايو ٢٠٢٦
بصي كل حاجه محتاجه وقت وانتى عشان تعرفى تبدأ لازم تغيرى نفسك من جوه الاول انك تجبرى هي دى الطريقه ديلوقتى.. قربى من ربنا اكتر واعرفيه اكتر واعرفى أن مش اي شخص يستاهل ان احنا نعصي ربنا عشانه.. وادعى وقولى ( اللهم احرمنى لذة معصيتك وارزقنى لذة طاعتك) وربنا معاكى ومادام انتى بتحاولى تتغيرى للاحسن دا افضل من اشخاص كتير سابوا نفسهم واستسلموا لواقعهم وظروفهم
تم النشر السبت، ٩ مايو ٢٠٢٦
يا حبيبتي، أول حاجة أقولك إنك قوية جداً وجهودك دي مش هتضيع، الحمد لله إنك بتصلي وبتستغفري ونيتك صادقة – ده أساس التغيير عند ربنا. العادة دي زي الدورة اللي بتتكرر لأنها بتملأ فراغ عاطفي أو إحساس بالوحدة، بس إنتِ قادرة تكسريها خطوة بخطوة. هقولك خطة عملية وإسلامية 100%، جربتيها كلها؟ خلينا نطبقها بشكل منهجي: 1. قطع الاتصال جذرياً (مش مؤقت) : احذفي كل التطبيقات اللي بتستخدميها للكلام ده (إنستا، سناب، واتساب إلخ) لمدة شهر كامل على الأقل. غيري رقمك تاني، واحظري أي حد جديد يدخل حياتك فوراً – حتى لو "بريء". استخدمي فلاتر على الجوال تحجب الرسائل من غير معروفين. قولي لنفسك: "ده اختبار من ربنا، وأنا هنجح فيه عشان الجنة". 2. املئي الفراغ بأشياء حلال ومفيدة : حددي جدول يومي: ساعة قرآن كل يوم، ساعة رياضة (مشي سريع أو تمارين منزلية)، ساعة هواية جديدة زي الطبخ أو الرسم أو تعلم لغة. اشتركي في دورات أونلاين إسلامية أو دراسة، ده هيبني ثقة بنفسك ويملأ الوقت. 3. تعزيز الإيمان والسيطرة على النفس : صومي يومين في الأسبوع (الإثنين والخميس) – الصيام قاتل الشهوات، زي ما قال الرسول ﷺ. اكتبي يوميات: كل ليلة، سجلي 3 أشياء شكرتي ربنا عليها، و3 خطوات نجحتِ فيها اليوم. لو فكرتِ في حد، قومي اغتسلي وصلي ركعتين توبة فوراً. ادعي بقوة: "اللهم إني أعوذ بك من الشيطان الرجيم، واجعل لي فرجاً ومخرجاً". 4. تابعي تقدمك وكافئي نفسك : استخدمي تطبيق زي "Habitica" عشان تتبعي الأيام بدون "كلام". كل أسبوع بدون انتكاسة، اشتري حاجة بسيطة تحبيها (كتاب أو عطر). لو استمر التعب، روحي صفحة الخبراء في فدني: https://www.fedni.net/experts – فيه معالجين نفسيين ومدربين حياة هيساعدوكِ بشكل شخصي. كمان ابحثي في فدني عن "التخلص من العادات السلبية" هتلاقي إجابات كتيرة. إنتِ مش لوحدك، وده هيعدي إن شاء الله – تخيلي نفسك بعد شهر حرة ومرتاحة، زي الطير! لو عايزة تحديثي بعد أسبوع، قوليلي. ربنا يثبتك ويغفرلك يا رب. 💕
تم النشر الخميس، ٧ مايو ٢٠٢٦
بصي أنتِ جميلة بجد وأنا عايزة أقولك أنتِ ممكن تقفلي الملف دا تمامًا وتكوني بخير وكمان العاطفة مش بس بالكلام مع الجنس التاني أهتمي بنفسك وصحتك وصدقيني لما أستمريتي في الموضوع هتفقدي لذة الحلال والفكرة أن دا إختبار صدق ليكِ يعني أول ما تتوبي ربنا هيختبرك في الموضوع وسبحان الله ساعتها هتعرفي أنتِ صادقة في توبتك ولا لا الله يعينك اللهم آمين توبي وأقفلي الملف نهائي وأفتكري لذة الحلال وأفتكري برضو إنك إنسانة كويسة ورائعة وتستحقي الأفضل وأعرفي إن العلاقات المُحرّمة مستنقع وحش جدًا جدًا ومدمر
تم النشر الجمعة، ٨ مايو ٢٠٢٦
ابعدي عن كل حاجه بتفكرك بالذنب وادعي ربنا كتير يبعدك عن الذنب ده ومن شروط التوبه: الاقلاع عن الذنب والندم علي فعله العزم على ألا يعود مرة أخرى ﴿ وتوبوا الي الله جميعاً ايها المؤمنون لعلكم تفلحون﴾ وادعي دايما اللهم اني علي ذكرك وشكرك وحسن عبادتك ومتمليش ( إن الله لا يمل حتي تملوا) واسال الله ان يعز قدرك ويرفع شأنك ويهديكي الي صراط مستقيم.
تم النشر الخميس، ٧ مايو ٢٠٢٦
ربنا يعافيكي ويبعد عنك الذنب ده
تم النشر الجمعة، ٨ مايو ٢٠٢٦
قد يكون مفيد تجربي تفرمتي تليفونك وتديه لحد محتاج ثم تستخدمي تليفون قديم مش سمارت مفيهوش غير خط التليفون فقط لا غير.
تم النشر السبت، ٩ مايو ٢٠٢٦
فعلاً وطول الوقت عندي احساس بالذنب ومخنوقه من ده أنا حتى والله مش ببالغه بعد ما كتبت البوست أنا مسحت الواتساب قفلت تلفوني وشلته فوق الدولاب وقولت كفايه وللاسف انهارده الصبح قولت همسك الفون اقرأ الاذكار لقتني اول ما لقيت حد رن تلقائيا رنيت واتكلمت مكملتش5 دقايق وقفلت حسيت بالندم وإني كارهه نفسي قومت صليت لقتني كارهه اتكلم وقولت أنا هقفل تلفوني بس لحد بعد الامتحانات علي الأساس بوهم نفسي أنه حاجه موقته ولكن للاسف بيجي وقت الليل حتى لو مش نايمه كويس بتكلم و بضعف جدا وحقيقي أنا مش عارفه إزاي اتخطى المرحله دي
تم النشر الجمعة، ٨ مايو ٢٠٢٦
لعرض السؤال في فدني اضغط هنا