السلام عليكم، الفكرة كلها في أساس المشكلة، غالبًا اللي بيحصل معك تسويف بسبب الضغط اللي أنتِ حاساه بسبب الدراسة وكل ما حسيتِ إن المواد تراكمت عليكِ هيزيد الهروب والتسويف وأي جدول مهما كان منضبط مش هتمشي عليه وهيزيد إحساسك بالذنب وهتفضلي في الدوامة دي. فالحل علاج أساس المشكلة. ** جربي ترتبي أفكارك وتبرمجي عقلك الأول وتتخلصي من إحساس الضغط. متفكريش في المذاكرة على إنها مهمة ثقيلة وفرض عليكِ. برمجي عقلك يتعامل معها إنك هتتعلمي حاجة جديدة وتكتسبي خبرات تنمي عقلك ومش مجبرة أو ملزمة بحاجة قصادها. يعني متفكريش في امتحانات ودرجات وكل المخاوف من إنك متعمليش كويس في الامتحانات. فكري بس في المطلوب منك حاليًا، إنك تتعلمي كأنك في رحلة، كل يوم عقلك بيزيد وأفكارك بتتطور وده هينفعك في حياتك بعيدًا بقى عن الدراسة وخنقتها. فيه أسئلة كتير على التطبيق عن تنظيم الوقت والنوم والتغلب على الإرهاق. ابحثي في شريط البحث وإن شاء الله تفيدك النصائح فيها. ** لكن مهم تعرفي إن كل النصائح دي محتاجة بس تبرمجي عقلك عشان يبطل تسويف وهرب. ومتفكريش تنتظري الشغف يرجع عشان ده مش صح... مش مطلوب شغف، مطلوب استمرارية مهما كانت خطوتك صغيرة كل يوم بس هتفرق. بالتوفيق إن شاء الله.
لعرض الإجابة في فدني اضغط هنا