انا خلال سنة و نص تقريبا عملت أخطاء كبيرة مش اي شخص يغفرها انا عندي ١٨ سنة بس انا حاسة اني عايزة اتغير لاني ضيعت وقت و نفسي مع أشخاص متستاهلش و في احتمالية عندي اني اكون فضيت غشاء البكارة بس الذنب دا انا توبت عنه بقالي شهور بس خايفة من اي آثار لي قدام و مقدرش اروح لدكتور او دكتورة
ضيعت تالته ثانوي اتفضل ع الامتحانات حوالي ١١ يوم و انا معرفش حاجة عن المناهج
انا عايزة نصايح و لو اي حد يقدر يساعدني في الفترة دي لاني عندي مشاكل نفسية أصلها مشاكل اسرية سببت احتياج عاطفي قوي
لا تقدري تغيري الماضي، لأن الزمن ما بيرجعش، لكن تقدري تغيري تأثيره على حياتك دلوقتي وفي المستقبل. اللي عملتيه خلال السنة ونص دي كان أخطاء، وده طبيعي في سن ١٨ سنة، والمهم إنك توبتِ عنها من شهور وده خطوة قوية. في الإسلام، التوبة الصادقة بتمحي الذنوب، والله غفور رحيم، فمتخليش الخوف من الآثار يسيطر عليكِ. ركزي على بناء نفسك من دلوقتي، وده هيخليكِ تشعري بالقوة بدل الندم. بالنسبة لامتحانات تالتة ثانوي اللي فاضل عليها ١١ يوم بس، ابدئي بخطة عملية سريعة: قسمي المناهج لأجزاء صغيرة، ركزي على المواضيع اللي بتيجي كتير في الامتحانات زي الملخصات والأسئلة المتكررة، واستخدمي وقتك بذكاء بدون ما تضغطي على نفسك زيادة. لو عندك مشاكل نفسية ناتجة عن مشاكل أسرية وإحتياج عاطفي، حاولي تشتغلي على تقوية ثقتك بنفسك من خلال أنشطة يومية بسيطة زي كتابة إنجازاتك الصغيرة كل يوم أو تحديد أهداف قصيرة المدى. ده هيساعدك تقللي الاعتماد على الآخرين وتبني علاقات صحية في المستقبل. ابحثي عن أسئلة مشابهة على فدني عشان تشوفي تجارب ناس تانيين وتاخدي أفكار إضافية. أنتِ قادرة تتجاوزي الفترة دي، وكل خطوة صغيرة دلوقتي هتكون بداية جديدة. لو عايزة نصايح أكتر عن أي جزء محدد، قوليلي.
تم النشر الثلاثاء، ٩ يونيو ٢٠٢٦
السلام عليكم، صحيح منقدرش نرجع للماضي عشان نغيره لكن مش معنى ده إنه مفيش أمل لتغيرنا ولا إننا هنفضل أسرى لأخطائنا. أنتِ تبتِ الحمد لله وطالما توبتك صادقة وعندك عزم على عدم العودة فخلاص ذنوب الماضي اتمحت عند ربنا وإن شاء الله ربنا يتقبل توبتك ويثبتك على الطريق المستقيم. بيدك حاليا إنك تخرجي نفسك من أسر الماضي ووساوس الشيطان لأنه هيفضل يوسوس لك ويفكرك بكل الذنوب ويحسسك قد إيه أنتِ سيئة ومفيش أمل فيك وربنا مش هيسامحك وهيفضل يخوفك من المستقبل وآثار اللي حصل. ربنا إن شاء الله تقبل توبتك فركزي على المطلوب منك دلوقتي، وهو إنك تحفظي الدرس اللي تعلمته من الماضي لا تكرريه وتقربي أكتر لربنا وتجتهدي في دراستك بعد تجديد النية. وخلي دايما فيه أنشطة وحاجات بتتعلميها كل يوم، ده هيقلل الفراغ اللي ممكن يرجعك للذنب، وهيبعد عنك الأفكار السلبية وكمان هيزود ثقتك بنفسك وإحساسك بقيمتك فهيقل فراغك العاطفي واحتياجك لاهتمام الناس. قومي صلي وادعي ربنا يثبتك على الهداية ويغفر ما مضى ويبارك في الجاي من حياتك. بالتوفيق.💚💚
تم النشر الثلاثاء، ٩ يونيو ٢٠٢٦
بالنسبة لغشاء البكارة فهو صعب يتفض بدون ادخال جسم صلب ف ان شاء الله تكوني بخير وماحصلش حاجة وتكوني اتعلمتي ان الفعل دا حرام شرعا وليه اضرار صحية ونفسية كتير. وبالنسبة لرغبتك في التغيير، ف الرغبة والإرادة فعلا اول خطوة في التغيير ودي حاجة جميلة؛ مش عيب ان احنا نغلط بس عيب ان احنا نكمل في نفس الغلط. وبخصوص التوبة من الذنب دا وندمك على الاشخاص اللي ماتستاهلش، فدي خطوة جميلة منك بس عايزة ألفت انتباهك لحاجة: سهل جدا ترجعي لو قعدتي فاضية كتير يعني لازم تشغلي نفسك بأي حاجة سهل جدا ترجعي لو اتعرضتي لأي trigger، يعني أي فكرة او أي حنين او سرحان لازم توقفيه اوقات كتير الشيطان بيوسوس لنا نعمل ذنوب فربيه بالصدقة بنية تكفير الذنب ولو حتى ب ٥ جنيه، فوسوسة الشيطان هتقل. وبالنسبة لتالتة ثانوي فحتى لو الإمتحان بكرة انا شايفة ان لسه قدامك وقت. وعلى قد السعي هتكون النتيجة، ف ابدئي اسمعي المراجعات وذاكريها وحلي امتحانات وادعي ربنا سبحانه وتعالى يرزقك باللي انتي عايزاه في كل صلاة وكل سجدة وصدقيني ربنا مابيخيبش ظن حد وبالتوفيق.
تم النشر الثلاثاء، ٩ يونيو ٢٠٢٦
بالنسبة ل سؤالك أنا عايزه أغير الماضى ف لازم تعرفى ان التوبة تجب ما قبلها بس الماضى مبيتغيرش ف حاولى تبعدى عن كل واى حاجة وصلتك للى انتى فية وقربى من ربنا اووى هو الوحيد اللى هيغفرلك عن ماضيكى ان صدقت توبتك ... ركزى فى تالتة ثانوى ورتبى أيامك ونظمى المواد ومتتوتريش ربنا يوفقك ويعينك وفيه مراجعات شاملة خليها هى الأساس فى مذاكرتك وفقك الله وأعانك
تم النشر الثلاثاء، ٩ يونيو ٢٠٢٦
اهدى ومتحكيش لأى حد أيا كان وركزى فى الفترة الباقية من الثانوية علشان تتطلعى بأقل الخساير .. أما بخصوص اللى انتى حكيتية ف دا حوار كبير اووى وذنب كبير اوووى يستلزم توبة خالصة وحوارات كتير حاولى بس تخرجى من فترة الثانوية بأقل الخساير وبعدين شوفى حلول لحالتك ربنا يهديكى ويعافيكى ويسترها علينا يارب
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا