لما قرأت مشكلة حضرتك تعجَّبت إزاي صبرتي واستحملتي ٣٠ سنة في هذه المعاناة ولكن أنا متأكدة إن عند حضرتك أسباب مقنعة ولربما كان منها تعاطفك معاه على الأقل في أول الزواج باعتباره ضحية تشتت أسرة من سن صغير جدا ومحتاج للدعم المعنوي والتعويض العاطفي .. إلى آخره زوج حضرتك مش بالضرورة يكون نرجسي ممكن يكون عنده خلل في تشكيل أسرة مستقرة لأنه عاش طفولته في ظروف غير مستقرة من الأساس وماتعودش يقدم الحب لأنه ماتقدملوش حب كافي وهو صغير وممكن بردو يكون نرجسي بالفعل ومنشأ نرجسيته هو محاولته لكسب الشعور بالإستحقاق زي حقه في الشعور بالأمان والحب ومحاولته لخلق وتعزيز قيمته وسط أقرانه ومحيطه ف بالتالي بقى عنده شيء من النرجسية والكِبر وحب الذات وبغض واستحقار أي حد بيحاول يخطف منه الأضواء وبقى دايماً منتظر الإلتفات ليه والمبالغة في الإعجاب بيه والتقديس لذاته لتعويض التهميش اللي عانى منه وهو صغير ومقارنته لنفسه بأخوته من الأب والتمييز اللي حصلوا عليه مقدرة إن حضرتك بقى عليكي عبء كبير عشان تعوضي ولادك ولو شوية عن إهمال والدهم وتحاولي تشبعي احتياجهم للحب والإهتمام ولكن انتي محتاجة تستحملي شوية كمان وتيجي ع نفسك وتحاولي تكسبي زوجك لهدف ألا وهو انك تقنعيه تروحوا لخبير علاقات أو طبيب نفسي وتحاولوا تحسنوا من جودة علاقتكم وجودة حياة أولادكم يمكن لما تنجحي توديه لمختص يبدأ يتغير وتكسبي فيه ثواب لأنه فعلاً محتاج للمساعدة والعلاج النفسي أنا عارفة إنه ظلمك كتير ومش شايل معاكي مسؤولية أولادك ومحملك فوق طاقتك ولكن المريض مش بيكون مدرك إنه مريض او محتاج للمساعدة والعلاج ف حاولي تكوني سبب ف إنه يتعرف على نفسه ويواجه عقد الطفولة اللي عنده ويتخلص منها ويقرب من أولاده ويكسبهم ومايبقوش هما كمان ضحية لجفاء والدهم وقادر ربنا يهديه ويصلح ما بينكم وبين أولادكم ♥️
اللي حصل حصل ماضي وعدى والحمدلله على كل شيء ربنا يهون على حضرتك ويصلح الحال ليكي ولأولادك ويهديلك باباهم ♥️
تم النشر الجمعة، ٢٧ ديسمبر ٢٠٢٤
وتعجبك من صبري لاني لم اتبصر بكل الصفات في البدايه وكنت بقول ان يمكن انا سبب او انه هيتغير مع الوقت و مع وجود الاولاد و احتياجهم لاب و اسره و بيت فضلتهم طبعا و معرفش دا كان صح ولا ايه وكمان موالدي رفض اني انفصل ومش كل التفاصيل و المشاكل الموجعة كتبتها بس انا مفوضه امري لله
تم النشر الجمعة، ٢٧ ديسمبر ٢٠٢٤
لعرض الإجابة في فدني اضغط هنا