انا حاليا في 3ث يعني عندي امتحانات و كدا لكن الشغال بالي جدا ان اكيد بنتقرب من ربنا اكثر في الفترات ديه بالصلاة و العبادة لكني خايفة اني ارجع و أقصر تاني و ابعد و مش حابة ان يكون لمجرد فترة الامتحانات بس و سعيدة ان الامتحانات قربتني اكثر بقيت أحاول انتظم فى الصلاة و لكن هل ده نفاق اني قربت وقت الامتحانات حتى لو ناوية اني استمر إن شاء الله و كنت بصلي قبل كدا لكن للاسف بنقطع
لا ابدا مش نفاق ما دام انت ناوية ان شاء الله تلتزمي حتى بعد الامتحانات... اذا ما توجهنا باصعب اوقاتنا لله لمين رح نتوجه؟ الله يثبتك وينجحك🤲🌹
تم النشر الأربعاء، ٩ يوليو ٢٠٢٥
السلام عليكم، طبيعي إننا في الأوقات الصعبة بنقرب لربنا أكتر وبنلح في الدعاء وعشان كده الصعوبات موجودة كجزء من اختبارنا في الدنيا عشان نفتكر ربنا دايما ومنتوهش ونغفل في الدنيا وننسى حقيقة وجودنا فيها. ففكرة إنك تقربي وتصلي أكتر وتحاولي تحسني علاقتك بربنا دي حاجة كويسة ومتفكريش إنها نفاق خالص لأن دي وسوسة شيطان عشان يخليكِ تتركي القرب ده وحتى لو حصل ورجعت الدنيا أخدتكِ وقصرتِ فمتخليش الشيطان يوسوس لك ساعتها إنك كنتِ منافقة. أخلصي النية من دلوقتي وادعي ربنا يثبتك على طاعته وحسن عبادته دائمًا وابذلي قصارى جهدك إنك تستمري على نفس النظام الحالي وكل ما تبدئي تحسي إنك بترجعي تقصري تفوقي نفسك بسرعة وترجعي لربنا ومتتركيش نفسك تغفل تاني. ربنا يثبتك على الهداية والطاعة ويوفقك في امتحاناتك.
تم النشر الاثنين، ١٤ يوليو ٢٠٢٥
السلام عليكم ورحمه الله وبركاته مش نفاق خالص اول ما تجيلك الفكره بتاعه ايه ده انت دلوقتي بتقربي من ربنا انت دلوقتي بتعملي كده انت اصلا وحشه انت كنت بتعملي ذنوب اعرفي ان الشيطان مش عاجبه اللي انت بتعمليه وعايزك عايزك تبطليه فما تسمعيش للفكره دي نهائي مش حاجه اسمها ان انا كده منافقه مع ربنا المنافقين هم بس الاشخاص اللي بيبقوا عمالين يمثلوا شخصيا قدام الناس وهما من جواهم فعلا مؤذيين وسيئين وما بيعملوش بكلام ربنا اللي هم بيقولوا قصاد الناس المنافقين الحقيقيه انما ان انا اكون لي اخطاء ومع ذلك بحاول طول الوقت استغفر وارجع لربنا ان انا بقرب من ربنا وقت ما بحس انه قد ايه انا محتاجه ربنا يقف جنبي ده مش نفاق تماما حتى لو بعد كده غفلنا وبعتنا وحاجه لاهتنا او حاجه شغلتنا او ضعفنا ايا كان ورجعنا تاني احنا كانوا مش منافقين فكره النفاق دي او من اكثر الافكار اللي بيخش بيها الشيطان عشان يوقفك انك تمشي في الطريق الصح اوعي تسمعيه.
تم النشر الخميس، ١٠ يوليو ٢٠٢٥
مرحباً بك أختي العزيزة، وأشكرك على صدق مشاعرك ومشاركتك هذه القصة المهمة. أولاً، لا أعتقد أن ما تشعرين به هو نفاق أبداً، بل هو بداية جميلة ورائعة لاقترابك من الله سبحانه وتعالى في وقت تحتاجين فيه إلى الدعم والقوة. وهذا شيء طبيعي جداً أن يكون الإنسان بالقرب من الله خاصة في الفترات التي يشعر فيها بالحاجة أو الضيق، مثل فترة الامتحانات التي تحتاجين فيها لصبر وتركيز وراحة نفسية. لكن من الجميل والمهم فعلاً أنك تتمنين الاستمرار على هذا القرب وطريقة حياتك الجديدة في الصلاة والعبادة حتى بعد انتهاء الامتحانات. هذا وحده دليل على نية صادقة ورغبة حقيقية في التغيير. إليك بعض النصائح التي قد تساعدك على الحفاظ على انتظامك ووقوفك مع الله مع مرور الوقت: اجعلي نيتك صافية: ذكر نفسك دائماً أن الهدف هو رضا الله والقرب منه، وليس الامتحانات فقط. ابدئي بخطوات صغيرة: إذا كنتِ تخافين من الانقطاع، فلا تضغطي على نفسك كثيراً بل واظبي على ما تقدر عليه يومياً. ربطي عبادتك بروتين يومي: مثلاً الصلاة في أوقاتها، وقراءة آية أو حديث يومياً، وبهذا يصبح الأمر عادة. ادعي الله يساعدك على الثبات: الدعاء هو سلاح المؤمن، واطلبي منه الثبات والتوفيق. تذكري أن الله رحيم وغفور، لا تحزني إن شعرتِ بأنك قصرتِ، فقط ابدئي كل مرة من جديد بنية صادقة. الاقتراب من الله لحظة امتحان هو بركة، ولا تجعليه عبئاً أو سبب خوف من نفاق، فالأهم هو النية والاستمرارية، والتغيير البطيء والمستمر أفضل من الاندفاع المؤقت. وأذكرك أن في تطبيق فدني يمكنك أيضاً البحث عن خبراء في التفريغ النفسي والروحاني يمكنهم مساعدتك بدعم إضافي. لو عندك أي تساؤل آخر أو تحتاجين إلى دعم مباشر، أنا هنا جاهزة لمساعدتك، ويمكنك دائماً الرجوع إلي أو البحث في فدني لتجدي قصص تجربة أخرى تعزز من عزيمتك. ربي يوفقك وينور دربك ويثبتك على ما يحب ويرضى 💖✨ ذكية
تم النشر الأربعاء، ٩ يوليو ٢٠٢٥
لا يا قلبي مش نفاق كلنا في وقت الامتحانات بنقرب من ربنا عشان يوفقنا ويكرمنا ولكن الشاطر فينا اللي بحاول يكمل حتي بعد ما الامتحانات تخلص مش معني اني الامتحانات خلصت يبقي علاقتنا بربنا تخلص دي علاقه دائمه لازم عشان نقدر نكمل يومنا وحياتنا فجاهدي نفسك يا قلبي انك تستمري دلوقتي انتي خلصتي ابداي بقي جاهدي وحاولي وده يكرر ده مش نفاق "نعم العبد أنه اواب" يعني مثير الرجوع الي الله لما بيعمل ذنب بيتوب منه ويرجع ومفيش حد بيسلم من فتن الدنيا
تم النشر السبت، ١٢ يوليو ٢٠٢٥
النفاق هو انك تصلي لأجل ان يراك الناس .. فده مش نفاق .. الشيطان بيحاول يقول لك ان ده نفاق .. وفي وقت الاجازة الشيطان هيخلي عندك خمول تجاه الصلاة ويقول لك شفتي انك بتصلي في وقت الامتحانات بس !
تم النشر الخميس، ١٠ يوليو ٢٠٢٥
لا دا مش نفاق.. بس انتي حاولي حتى بعد الامتحانات اسمتري.... مفيش احسن من انگ تتقربي من ربنا.. دا امورگ گلها هتتيسر. و دنيتگ بتبقى حلوة... 🤍
تم النشر الخميس، ١٠ يوليو ٢٠٢٥
لعرض السؤال في فدني اضغط هنا