أنا تالته ثاوي امتحاناتي خلاص ومعي اجزاء كبيره محتاجه اذاكرها بس خايفه جدا جدا ومش عارفه اسيطر على خوفي ومش قادرة اذاكر وحاسه اني بضيع 😭😭😭
الحمد للّه بصلي وقرأت قرآن بس برضو مش عارفه ودماغي اتشلت مش قادره اذاكر اي حاجه وخايفه اوييي😭😭
السلام عليكم، الخوف والقلق هيغير حاجة؟ طبيعي تحسي بشلل وضياع، كل ما تركتِ الأفكار دي تتحكم فيكِ. مش مطلوب منك تقفلي المنهج قبل الامتحان، المطلوب تركزي إزاي تستغلي الوقت المتبقي صح بحيث حتى لو رحتِ الامتحان وأنتِ مش مذاكرة أحسن حاجة تقدري تحلي كويس. ممكن واحد يبقى مقفل كل حاجة لكن رايح مش نايم كويس وتارك الخوف والتوتر يسيطر عليه يحل بطريقة سيئة وعلى العكس واحد مذاكر نص نص بس رايح الامتحان نايم كويس ومركز ومهدي أعصابه هيقدر يحل أفضل. ساعات كتير على فكرة إجابات بعض الأسئلة بتكون موجودة في أسئلة تانية بالامتحان والطالب الهادئ المركز يقدر ياخد باله منها فيحل حتى اللي كان ناسيه أو مش مذاكره كويس. *** صدقيني عن تجربة، كل دقيقة قبل الامتحان بتفرق فلا تستهوني بإن الوقت قليل ومش هتلحقي. حاولي بس تقعدي في مكان هادي ومش مكركب ولا حواليك زحمة كتب ودفاتر. يا دوب، كتاب المادة اللي هتراجعيها. لو عاوزة نصائح أكتر للمراجعة اقرأي إجابتي على السؤال ده ويا رب تفيدك. https://www.fedni.net/q/89227943/هل-أؤجل-امتحانات-الثانوية-العامة-وما بالتوفيق.💚💚
تم النشر الاثنين، ١٥ يونيو ٢٠٢٦
يا حبيبتي، أول حاجة أقولها لك إن اللي بتمرّي بيه طبيعي جدًا، وكتير من البنات في الثانوية بيحسوا بنفس الخوف ده لما الامتحانات تقرب. إحساسك إن دماغك "اتشل" وإنك بتضيعي وقت ده مش ضعف منك، ده مجرد توتر زاد شوية، وهو مش هيمنعك من النجاح لو بدأتِ تتعاملي معاه بخطوات صغيرة وعملية. ابدئي دلوقتي بخطة بسيطة جدًا: قسمي المواد الكبيرة دي لأجزاء صغيرة (مثلاً صفحتين أو ثلاثة بس في كل مرة)، وحددي وقت قصير لكل جزء (نص ساعة مثلًا) وبعدين خدي استراحة قصيرة. ركزي على "الإنجاز الصغير" ده، لأنه هيخلّي دماغك يحس بالسيطرة تاني ويقلل الخوف تدريجيًا. واستمري في الصلاة وقراءة القرآن زي ما بتعملي، وادعي ربنا إنه ييسر لك الأمر ويثبت قلبك، فالتوكل على الله مع الأخذ بالأسباب هو أقوى سلاح. أنتِ مش لوحدك في الموضوع ده، وكتير من الطالبات نجحوا في السيطرة على التوتر ده بنفس الطريقة. جربي تبدئي دلوقتي بجزء صغير حتى لو مش كامل، وهتلاقي الخوف بيقل مع كل خطوة. لو عايزة نصائح أكتر عن تنظيم الوقت أو طرق المذاكرة، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وهتعدي الفترة دي بإذن الله.
تم النشر الاثنين، ١٥ يونيو ٢٠٢٦
اسمعي المراجعات النهائية من كل مادة وابدأي حل امتحانات شامله ، بس نظمي وقتك حددي إنتي هتعملي إيه في كل وقت ، علشان تدي لكل مادة حقها ، وماتقلقيش القلق ده علشان حسيتي بقرب الامتحانات أوي بس عادي
تم النشر الاثنين، ١٥ يونيو ٢٠٢٦
المذاكرة تحت الضغط افضل من عدم المذاكرة متقلقيش كده كده اللي ربنا كاتبه لك هيحصل.
تم النشر الاثنين، ١٥ يونيو ٢٠٢٦
لعرض السؤال في فدني اضغط هنا