أحسن حاجه فيكي إنك واعيه ومدركة خطورة فساد النيه ،، أولا ده مدخل من مداخل الشيطان فأغلقيه ،والسيناريو اللي العقل بيعمله بيخلي الشخص اللي قدامك كإنه مثالي وإنتي أصلا ماتعرفيش الشخص ده إيه ولا تعرفي عنه أي حاجه زي ماقولتي وللأسف إحنا كبنات في السن ده بيبقى عندنا نوع من السذاجه غريبه أوي اللي هو شخص ولا أعرف عنه أي حاجه أقعد أتخيل بقا إنه بيحبني وهيتجوزني وحاجات كده 😅 وللأسف الموضوع ممكن يتطور لتعلق يتعبك بعد كده..... ويمكن إنتي أعجبتي بيه علشان ماشوفتيش غيره + الحاجه المهمه أوي اللي بتمنى تتمسكي بيها وتكون مبدأ ماشيه عليه هو إن التلميحات والأفعال الغير مباشره لا تساوي أي شئ عندك طالما الشخص ماأخدش خطوات رسميه يبقى كإنك مش شايفاه أنا عارفه إنها خطوه صعبه أوي عليكي لإن القلب مش زرار بندوس عليه فيقفل لكن في خطوات على عملتيها الموضوع هيهدى شويه وهو إنك تقللي تفكير فيه كل ماتيجي فكره حوليها لحاجه تانيه فورا حاولي بقدر الإمكان تقللي التقاء بيه حتى لو ده جه على حساب مقرأتك وبجد بجد لو قللتي الموضوع هيقل وتنسي
لعرض الإجابة في فدني اضغط هنا