لما جيت اقسم السنه كنت زيك كدا كان عندي عدة اسباب بس بعد ما قسمت وتغيبت عن الامتحانات ندمت ولقيت طرق تانية كانت ممكن تجنبنبي اني اعيد سنه تالتة تاني فانا عايز اعرف انتي عايزه تقسمي او تاجلي السنه ليه؟
تمام شكررااا جدا ربنا ييسر🤲
تم النشر الأربعاء، ١١ يونيو ٢٠٢٥
الأحياء انتي كويسة فيها ده غير ان في اسبوع قبلها فهتحلقي بإذن الله تلمي الدنيا فيهم اهم حاجة ابدا من دلوقتي وتوكلي على الله
تم النشر الأربعاء، ١١ يونيو ٢٠٢٥
هتلحقي بإذن الله متقلقيش، ابداي اليومين دول فالفيزياء والكيميا لحد يوم 15 بعدها تبداي تمسكي العربي نحو ثم ادب وطبعا كل يوم تحلي ٤ ل٦ قطع قراءة ونصوص اخر اليوم مثلا علشان تتعودي وقبل امتحان العربي بيومين امسكي امتحانات السنين اللي فاتت والامتحانات الاسترشاديه اللي الوزارة نزلتها وحليهم
تم النشر الأربعاء، ١١ يونيو ٢٠٢٥
انا مذاكره ٣ فصول فيزياء بس مش أحسن حاجه ومذاكره نحو بس مش أحسن حاجه برضو ومذاكره مدرستين ادب ومذاكره بلاغه كاملة ومذاكرة بابين كيمياء ومذاكرة تلات فصول أحياء ولسه مبدأت انجليزي ومذاكرة بابين جيولوجيا بس في نفس الوقت اللي مذكراه ده محلاش عليه كتير غير انه فيه اللي ذاكرته ومحلتش عليه خالص وفيه اللي نسياه لاني مراجعتوش من ليا فتره وحاسه بضياع وخوف ومش قادره اذاكر
تم النشر الأربعاء، ١١ يونيو ٢٠٢٥
تمام، انتي مش مذاكرة اي او اي اللي ضايع منك يمكن اقدر اساعدك
تم النشر الأربعاء، ١١ يونيو ٢٠٢٥
انا خلاص هدخل لاني أهلي مش موافقين على القسمه انا كنت هأجل علشان مش مذاكره فاضل ١٠ أيام على الامتحان وانا نفسي ادخل صيدلة بس خلاص هعمل اى هذاكر بإذن الله وهدخل لانه والله حتى انا معنديش طاقه اني أفضل في البيت وأاجل السنة
تم النشر الأربعاء، ١١ يونيو ٢٠٢٥
لعرض الإجابة في فدني اضغط هنا