أهلا بيكي ربنا يرزقك بكل خير اولا مفيش حاجة اسمها اسرع نصيبي في الزواج! أكيد متقصديش كدا بالمعنى دا طبعا. لكن مهما كنتي حاسة بملل أو زهق أو ووحدة واللي بييجي بعدها رغبة ملحة في الاستقرار والزواج، فكل دا مخليكيش تستعجلي خالص.. أنا مش هتكلم من باب معلش اصبري وربنا يكرمك وووو مع أن دا كلام مهم وهو عين الصح.. لكن انا هتكلم بشكل واقعي شوية.. الزواج مش ماتش كورة..هييجي في معاد وينتهي في معاد الزواج مش طبخة هنطبخها، فممكن نطبخها بسرعة فتتحرق، أو نطبخها براحتنا فنتألم من الجوع بسبب الانتظار.... الزواج لا هو كدا ولا هو كدا الزواج حياة.. حياة أبدية تخيلي لما تكوني رايحة رحلة لمدة أسبوعين في مكان ما، شوفي بتاخدي وقت قد ايه تجهزي وتحضري وتنقي وتختاري وتشتري وترتبي ووووو... وهما اسبوعين وراجعة أصلا... فما بالك بحياة كاملة؟!!!!! لذلك انتي أكيد مستنية اقولك الكلمة المعروفة "اصبري"... لا مش حكاية اصبري خالص... دي حكاية انك حتى لو صبرتي سنين ويجيلك نصيبك.. لو ربنا مش مقدر ليكي الخير فيه.. هتتمني وقتها لو كنتي تصبري سنين تاني زيادة بس يكون نصيبك خير لذلك اخر حاجة هقولهالك: اتركي الأمر كله بحاله لله سبحانه وتعالى. ولو عاوزة فعلا حاجة تسرع النصيب في الزواج..؟ هو الدعاء .. مفيش غير الدعاء مع التيقن بالإجابة ومع الدعاء.. عليكي بالصدقة بنية تفريج الكرب ربنا يرزقك أفضل مما تتمني يااارب.
شكرا اوى لكلامك بجد ربنا يكرمنا ويكرم الجميع 🤍
تم النشر الخميس، ٤ سبتمبر ٢٠٢٥
لعرض الإجابة في فدني اضغط هنا