مساء الخير
انا بنت وحيده اهلى معنديش اخوات خالص وكل ما يجيلي عرسان يكونو ضباط ووالدى يرفض وحاليا بقالى فتره مش بيجلي حد وانا دكتوره انا الحمد لله حلوه بس معرفش هل ده نصيب ولا فى اى انا حقيقى نفسى ارتبط زهقت من الوحده اووى انا حاسه انى مش بتشاف من البيت للعياده للمستشفى مفيش مجال لخطاب تنصحونى اعمل اى يسرع من النصيب او تجمعات اى حاجه
أهلا بيكي ربنا يرزقك بكل خير اولا مفيش حاجة اسمها اسرع نصيبي في الزواج! أكيد متقصديش كدا بالمعنى دا طبعا. لكن مهما كنتي حاسة بملل أو زهق أو ووحدة واللي بييجي بعدها رغبة ملحة في الاستقرار والزواج، فكل دا مخليكيش تستعجلي خالص.. أنا مش هتكلم من باب معلش اصبري وربنا يكرمك وووو مع أن دا كلام مهم وهو عين الصح.. لكن انا هتكلم بشكل واقعي شوية.. الزواج مش ماتش كورة..هييجي في معاد وينتهي في معاد الزواج مش طبخة هنطبخها، فممكن نطبخها بسرعة فتتحرق، أو نطبخها براحتنا فنتألم من الجوع بسبب الانتظار.... الزواج لا هو كدا ولا هو كدا الزواج حياة.. حياة أبدية تخيلي لما تكوني رايحة رحلة لمدة أسبوعين في مكان ما، شوفي بتاخدي وقت قد ايه تجهزي وتحضري وتنقي وتختاري وتشتري وترتبي ووووو... وهما اسبوعين وراجعة أصلا... فما بالك بحياة كاملة؟!!!!! لذلك انتي أكيد مستنية اقولك الكلمة المعروفة "اصبري"... لا مش حكاية اصبري خالص... دي حكاية انك حتى لو صبرتي سنين ويجيلك نصيبك.. لو ربنا مش مقدر ليكي الخير فيه.. هتتمني وقتها لو كنتي تصبري سنين تاني زيادة بس يكون نصيبك خير لذلك اخر حاجة هقولهالك: اتركي الأمر كله بحاله لله سبحانه وتعالى. ولو عاوزة فعلا حاجة تسرع النصيب في الزواج..؟ هو الدعاء .. مفيش غير الدعاء مع التيقن بالإجابة ومع الدعاء.. عليكي بالصدقة بنية تفريج الكرب ربنا يرزقك أفضل مما تتمني يااارب.
تم النشر الأربعاء، ٣ سبتمبر ٢٠٢٥
مساء النور ربنا يزوج شباب وبنات المسلمين ربنا شايل نصيبك باذن الله بس اصبري أولا عندي سؤال مالهم الظباط بلاش فكره أن الظابط متكبر أو عصبي في كتير حنين تاني حاجه الزمي الاستغفار فهو من باب من أبواب استجابة الدعاء والصلاة على النبي تالت حاجه مش معنى أن حضرتك دكتوره يبقي لازم دكتور ياريت الناس تتنازل شويه عن شروط القبول النبي وصانا إذا جائكم من ترضون دينه وخلقه فزوجوه إلا تفعلوا تكن فتنة في الأرض وفساد عظيم اخيرا نصيحه سمعت قصه حقيقيه عن واحده مهندسه ابوها رفض عرسان كتير لحد ما البنت كبرت وأبوها بقي يتمني أي حد حتي لو متزوج أو مطلق لأن بنته كبرت
تم النشر الثلاثاء، ٢ سبتمبر ٢٠٢٥
مساء النور يا أختي العزيزة، وأشكرك على ثقتك لمشاركتك هذا الشعور والواقع اللي أمرّين فيه. فعلاً الوحدة وتأجيل الزواج خاصةً لما تكوني بنت وحيدة وتحصلي على رفض مستمر من أهلك، شعور صعب ومؤلم. خليني أقسم لك الموقف بخطوات بسيطة تساعدك إن شاء الله: أولاً: الصبر والتوكل على الله أحيانا نشعر أن النصيب متأخر، لكنه بيد الله وحده. صدقيني، الدعاء والاستعانة بالله والتوكل عليه من أهم الأسباب لفتح أبواب الخير وتنزيل القبول في حياتك. ثانياً: تواصلي مع أهلك بلطف أحياناً الرفض من الوالد ينبع من خوف أو تحفظات تخص مستقبلك، فحاولي تهدئة الحوار معهم وتفهم مخاوفهم، واظهري لهم أنك اختارتك ستكون على أساس تفكير واعي ومسؤول. ثالثاً: توسيع دائرة التواصل بما أنك دكتورة ومجال عملك قد يحد من تعاملك مع الناس خارج العمل، فيمكنك المشاركة في نشاطات اجتماعية مناسبة لمحترمين ومسلمين، مثل: حضور محاضرات دينية، أو اللقاءات الاجتماعية الخاصة بالعائلة أو الجالية، أو حتى التسجيل في منصات زواج موثوقة ومعروفة. رابعاً: استشارة مختصين في التوافق الأسري أحياناً المشكلة في التواصل الاجتماعي أو في الفلترة، ويمكن لفرد خبير في التوافق الأسري أو مدرب حياة مساعدتك في وضع خطة لاختيار وأنسب ظروف للخطاب. خامساً: لا تغفلي جانب التطوير الذاتي بما أنك قوية ومتميزة، اهتمي بتطوير مهاراتك الاجتماعية، بحيث تصبحي أكثر قدرة على التعبير عن نفسك وشخصيتك، وهذا يساعد في جذب الناس بطريقة طبيعية. سادساً: اطلبي دعم روحي ونفسي أحياناً الوحدة تثقل، فوجود مختص نفسي أو مدرب حياة يمكن أن يساعدك على تجاوز هذه المرحلة بطريقة إيجابية. وأحب أقول لك بكل ود ورحمة: شجاعتك في مشاركة مشاعرك وطلب النصيحة دليل على قوتك وإرادتك. لا تقلقي، فكل شيء جميل قادم بإذن الله. لو حابة، يمكنك الاطلاع على قسم الخبراء في "فدني" (https://www.fedni.net/experts) حيث يوجد خبراء متخصصون في العلاقات والخطبة، ويمكنك التواصل معهم للحصول على استشارات شخصية تناسب وضعك. وأيضًا، كلمة أخيرة، جربى أن تبحثي في "فدني" عن تجارب وأجوبة أخرى لنساء في ظروف مشابهة، قد تجدين حلول أو أفكار جديدة تفيدك. أنا ذكية معك، وأنت دائمًا مرحب بك لكل سؤال أو دعم تحتاجينه. هل تحبي أساعدك بخطوات محددة أو نصائح عملية تحقق لكِ نتيجة أسرع؟
تم النشر الثلاثاء، ٢ سبتمبر ٢٠٢٥
نصيحه بلاش الاستعجال ف الزواج كل حاجه ممكن تستعجلي فيها الا الزواج واتاكدي ان ربنا لسه مش اراد انك تتزوجي ولسه نصيبك اللي ربنا كاتبه ليكي لسه موجود وهيتقدملك بس الصبر بالله عليكي غيرك كتير استعجل ف الزواج ودلوقتي ندم ندم العمر اللي عمره ما هيعرف يغيره وربنا يحققلك كل اللي بتتمنيه ويوفقلك ك خير يارب
تم النشر الجمعة، ٥ سبتمبر ٢٠٢٥
ادعي الله
تم النشر الجمعة، ٥ سبتمبر ٢٠٢٥
ارجوكي متتسرعيش نهائي الشئ ده نصيب لي معاد ربنا مقدره أي تلاعب في ممكن يقدرلك شخص مش هو نصيبك ربنا طالب مننا الصبر و أن شاء الله يعوضك علي الصبر ده بنصيبك
تم النشر الجمعة، ٥ سبتمبر ٢٠٢٥
اصبري بلاش تستعجلي لان انا استعجلت ودلوقتي بفكر اني افركش
تم النشر الخميس، ٤ سبتمبر ٢٠٢٥
ربنا يسرلك الامر يارب وتوصلى للصح
تم النشر الخميس، ٤ سبتمبر ٢٠٢٥
لعرض السؤال في فدني اضغط هنا