Mohamed Farah

1- اللي فات مات. 2- اللي فات دروس لازم نتعلم منها. 3- علاقتك بربنا تقويها يوميا، كل يوم يكون أفضل من اللي قبله. 4- أهلك هيرضوا عنك بإذن الله لما يشوفوا أثر التغيير واضح عليكي. فعامليهم بالإنتاج، يعني مثلا، حاولي وجاهدي إنك وانتي في رابعة جامعة اهو يبان عليكي انهماكك وانشغالك بمذاكرتك، وانك تنجحي وانك تتخرجي وتبقى معاكي شهادتك تجيبيها وتدخلي البيت والفرحة مالية عنيكي وبيان عليكي أثر الفرحة بجهدك وتعبك ولو معاكي فلوس جيبي حاجات بسيطة لكل فرد من أهل بيتك تعبيرا عن سعادتك انك اتخرجتي، كل دا هيفرق جدا في تعامل اهلك معاكي وهيغير كتير من موقفهم معاكي بجد. الخلاصة عامليهم بالإنتاج مش بالكلام. 5- خلي وقتك مفيهوش ربع ساعة فاضية، اما مذاكرة، أو شغل، أو طاعات، قراءة قرآن وصلاة، أو قراءة عامة، معرفش اهتماماتك إيه بس لو حبيتي اللي هقوله دا هيفرق معاكي جدا: ليه متحاوليش تكتبي كتاب تحكي فيه كل اللي انتي حاسة بيه في صورة نصائح توجيهية لغيرك (مش تحكي عن نفسك بشكل مباشر لا)، وفكري في عنوان حلو، وقسميه فصول صغيرة، اه كتاب بجد وممكن تنشريه كمان، خلينا نقول كتيب صغير، وطبعا هتكتبي بطريقتك وبلغتك وأسلوبك وانتي أكيد عندك من المهارات الكافية تعملي دا.. لو الفكرة حلوة ابدأي في تنفيذها من الآن وبشكل تدريجي المهم تنشغلي بشيء يستحوذ على اهتمامك ووقتك وفي نفس الوقت حاجة هتبقى مفيدة ليكي على الأقل، فضلا عن انك تنفعي بيها غيرك. ربنا يصلح أحوالنا جميعا

بص هقولك مختصر الحل .... قوّي ثقتك بنفسك كتير. متخليش الثقة دي مهزوزة. يعني تجيلك فكرة إن حد بيتكلم عليك (بغض النظر عن إن الفكرة دي غلط أو صح)، فورا تقول لنفسك: عادي خلي اللي يتكلم عليا يتكلم براحته، كفاية إنهم جبناء بيتكلموا عني في الخفاء، لو حد منهم عنده جرأة هييجي يكلمني في وشي إنما هم جبناء. وطول ما ثقتك في نفسك كبيرة دائما قول لنفسك انا محدش يقدر يمسك عليا أي حاجة أنا ثقتي في نفسي أكبر من أي حاجة حد يتخيلها. وبالنسبة للشغل مفيش اي مشكلة أما حد يطلب منك طلب.. عادي جدااا لأنه شغل.. انت نفسك ما انت بتطلب من غيرك طلبات أو غيرك بيطلبوا منهم طلبات .. ومحدش بيضايق من كدا.. عارف ليه؟ لأنه أولا شغل، وثانيا ثقتهم في نفسهم كبيرة.

ابحثي عن أماكن قريبة منك او من مكان شغلك، تكون بتدي دروس شرعية (نساء كلهم)، وروحي واحضري واشتركي معاهم، مش هيزيد عن يوم او يومين في الأسبوع، ويكون دا بنيتين، النية الأولى، تتعلمي علم شرعي، هتاخدي أجر عظيم على كدا، ولو ملكيش رغبة في العلم، نروح للنية التانية: انك هتلاقي فرص عظيمة جدا لصحبة مع ناس أخوات تقدري بشكل تدريجي تكوني علاقات معاهم وتواصل ووو.. وتحققي هدفك من سؤالك. بالتوفيق

أهلا بيكي ربنا يرزقك بكل خير اولا مفيش حاجة اسمها اسرع نصيبي في الزواج! أكيد متقصديش كدا بالمعنى دا طبعا. لكن مهما كنتي حاسة بملل أو زهق أو ووحدة واللي بييجي بعدها رغبة ملحة في الاستقرار والزواج، فكل دا مخليكيش تستعجلي خالص.. أنا مش هتكلم من باب معلش اصبري وربنا يكرمك وووو مع أن دا كلام مهم وهو عين الصح.. لكن انا هتكلم بشكل واقعي شوية.. الزواج مش ماتش كورة..هييجي في معاد وينتهي في معاد الزواج مش طبخة هنطبخها، فممكن نطبخها بسرعة فتتحرق، أو نطبخها براحتنا فنتألم من الجوع بسبب الانتظار.... الزواج لا هو كدا ولا هو كدا الزواج حياة.. حياة أبدية تخيلي لما تكوني رايحة رحلة لمدة أسبوعين في مكان ما، شوفي بتاخدي وقت قد ايه تجهزي وتحضري وتنقي وتختاري وتشتري وترتبي ووووو... وهما اسبوعين وراجعة أصلا... فما بالك بحياة كاملة؟!!!!! لذلك انتي أكيد مستنية اقولك الكلمة المعروفة "اصبري"... لا مش حكاية اصبري خالص... دي حكاية انك حتى لو صبرتي سنين ويجيلك نصيبك.. لو ربنا مش مقدر ليكي الخير فيه.. هتتمني وقتها لو كنتي تصبري سنين تاني زيادة بس يكون نصيبك خير لذلك اخر حاجة هقولهالك: اتركي الأمر كله بحاله لله سبحانه وتعالى. ولو عاوزة فعلا حاجة تسرع النصيب في الزواج..؟ هو الدعاء .. مفيش غير الدعاء مع التيقن بالإجابة ومع الدعاء.. عليكي بالصدقة بنية تفريج الكرب ربنا يرزقك أفضل مما تتمني يااارب.

كل اللي بيحصل ده بسبب حاجه اسمها (ريلز) على الفيسبوك و(الشورتس) على اليوتيوب ومقاطع التيك توك ومقاطع الانستجرام. ايه السبب في كل ده؟ باختصار المقاطع دي بتضيع وقت كتير من يومنا بسبب قلة وقتها ومحتواها الترفيهي الخارق للعاده فبيبقى عندنا كم كبير من الفيديوهات بنتفرج عليه يوميا من غير ما نحسب، المخ بيبقى مشتت بدرجه كبيره جدا بسبب المقاطع دي والأفكار اللي بتبقى فيها بغض النظر عن انها مفيده او غير مفيده، وجميع المشاهد اللي بنشوفها والمحتوى اللي بنشوفه في المقاطع دي كل ده بيعمل عمليه تشتيت رهيبه للمخ. اقول لك على حاجه ممكن الواحد يقعد نص ساعه نص ساعه فقط وده وقت قليل جدا يتفرج على المقاطع دي النص ساعه دي كفيله انها تضيع مننا اكتر من ساعة وساعتين تانيين. بسبب التشتيت اللي حصل فيها للمخ، المخ بيبقى مخدر مش قادر ينفذ اي مهمه تاني. الخلاصه امسحوا الفيسبوك امسحوا أي تطبيق فيه المقاطع اللي بتلحس المخ دي، على الأقل في الوقت اللي بيكون فيه هدف لازم نحققه.

نصيحة للسائلة: ضروووري جدا تتعاملي مع والدتك بكل هدوء وأدب، وتيجي في أوقات روقانها وهدوءها وتترجيها (بكل معنى الكلمة) أنها ماتمدحكيش قدام اختك وكمان ولا تقلل منك قدامها. وكذلك ما تعملش نفس الكلام مع اختك. عن تجربة؛ مدح الأخ قدام أخوه وتفضيله عليه بيعمل حاجز كبير بينهم، لذلك بقولك تترجيها وتبوسي ايديها متعملش كدا. وحاولي تشوفي ايه اللي بيرصيها وتعمليه.

بالتوفيق ليكي دائما بإذن الله

نصيحة للسائلة: ضروووري جدا تتعاملي مع والدتك بكل هدوء وأدب، وتيجي في أوقات روقانها وهدوءها وتترجيها (بكل معنى الكلمة) أنها ماتمدحكيش قدام اختك وكمان ولا تقلل منك قدامها. وكذلك ما تعكلش نفس الكلام مع اختك. عن تجربة، مدح الأخ قدام أخوه وتفضيله عليه بيعمل حاجز كبير بينهم، لذلك بقولك تترجيها وتبوسي ايديها متعملش كدا. وحاولي تشوفي ايه اللي بيرصيها وتعمليه.