انا بتعامل مع ابويا وامي وحش اوي وانا عارفه أنه حرام وبحاول دايما أبرهم بس دايما بفتكر حاجات كتير وحشه عملوها معايا وكانت وحشه وحشه بجد زي أنهم كانوا دائما قدام الناس يطلعوني وحشه وبنت مش متربيه مع اني مكنتش كدا لغاية ما بقيت كدا
وزي اني دايما كنت بتقارن بغيري وزي اني لما اتحرش بي حد جارنا وقلت لهم انا اللي انضربت وحقي مجاش فلم خالي اتحرش بيا سكت علشان خايفه انضرب
هم دلوقتي كويسين وبيخافوا على زعلي وانا ساعات بحس اني بحبهم بس مش قادره أنسى اللي حصل وخصوصاً التحرش ودا مخليني بجد بتعامل وحش وأتكلم باسلوب زفت مينفعش اكلم حد من الشارع بيه مش ابويا وامي
وانا عارفه دا عقوق بس مش عارفه اعمل اي حاجه اني ضعيفه ووحشه بالله من غير كلام يضايق اكتر انا محتاجه حل
السلام عليكم الشحنه الكبيره من الغضب جواكى ضرورى تعبرى عنها وتتكلمى معاهم او حتى تكتبيها وتخليهم يقرأوا احساسك كان عامل ازاى فى المواقف القديمه الغضب هيفضل عاميكى عن حبهم وعن كل حلو بيعملوه لحد ما تتخلصى منه
تم النشر الثلاثاء، ٥ أغسطس ٢٠٢٥
مبدئيا انا حاسة بيكى جداً ومقدرة شعور الغضب والحزن اللى جواكى، بس دول اهلك واكيد اكيد خايفين عليكى بعيدا عن الطريقة، مش الكل اتربى ف بيئة تخليه شخص مثالى او بمعنى مش كلنا ملايكة احنا بشر ودى اول تجربة ومحاولة لينا ف الحياة كمان ابوكى وامك اول مرة يكونوا اب وام ف بلاش تلومى عليهم، كمان بلاش تفكرى ف الماضى كتيير اللى فات مات، بالذات انك بتقولى انهم دلوقتي كويسين خلاص خلينا ف دلوقتي، وحاولين تقربى منهم وتفهميهم وبلاش المعامله السيئة ليهم عشان ده فعلا زي ما قولتى عقوق، والعقوق عقابة ببكون ف الدنيا قبل الاخرة، لما تحسى انك هتتعصبى او هتتكلمى بأسلوب مش كويس حاولى تستغفرى ربنا ف سرك ٣ مرات وارجعى كملى حوارك معاهم
تم النشر الأربعاء، ٣٠ يوليو ٢٠٢٥
أختي العزيزة، أشعر بعمق بالألم والمعاناة اللي بتحمليها، وبجد ما سهل أبداً إنك تحسّي بمشاعر متضاربة تجاه أبوكي وأمك، خصوصاً مع كل اللي حصل معاكي من جروح وألم نفسي وحتى الخوف بسبب مواقف التحرش اللي تعرضتي لها. الخطوة الأولى اللي لازم نبدأ منها هي الاعتراف بالقيمة التي في محاولة بر الوالدين، لأن ده حقاً أمر عظيم في ديننا، ولا شك إنك شخصية قوية بإنك عارفة أهمية البر رغم كل الصعوبات. لكن في نفس الوقت، من حقك تحمي نفسك مش بس جسدياً بل نفسياً وروحياً، ولازم تحسي إن وجودك وسطهم آمن ومحترم. هنا بعض الخطوات العملية والنفسية اللي ممكن تساعدك: الصلاة والدعاء: ربنا سبحانه وتعالى دائماً قريب ويرى كل ألمنا، حاولي تستمري في الدعاء وطلب عون الله في تهدئة قلبك وتقوية نفسك. الحدود الشخصية: حتى لو كان بر الوالدين مطلوب، مش معناه السماح لأي حد يتعدى على كرامتك أو يجرح مشاعرك. حاولي تحديد حدود واضحة في تعاملهم معك، بشكل محترم ولكن ثابت. التخفيف من المواقف السلبية: لو في مواقف أو ذكريات بتأذيكي كتير، حاولي تبعدي عنها أو تقللي التواصل وقت الضرورة، حتى ترتاحي وتتأقلمي مع الوضع. مواجهة مشاعر الماضي: ذكرك لحالات التحرش والخوف والخجل واضح إنه جرح عميق. هذه الأشياء تحتاج علاج نفسي متخصص لفهمك وتجاوزها بطريقة صحية. ما يوجد خير من أن تطلبي استشارة نفسية من خبير مؤهل يساعدك تتعاملي مع هذه التجارب بطريقة سليمة. الاهتمام بنفسك: حاولي تكرمي ذاتك وتخليكي مشغولة بأشياء تحبيها وترفهي عن نفسك، مهما كانت بسيطة. البحث عن التوجيه الإسلامي: حاولي قراءة قصص الصحابة والصحابيات وكيف كانوا يتعاملون مع أذى الناس والبر، هذا يعطيكي طاقة أمل وصبر. أنا متفهمة إن الموضوع مش سهل وحاولي تكوني رحيمة بنفسك أولاً، وأعرفي أن البر مش شرط يكون بالكلام الحلو فقط، أحيانا الصبر والاحترام حتى وإن كان من بعيد هو جزء كبير من البر. لو تحبي، ممكن أساعدك بالبحث عن خبراء نفسيين إسلاميين أو مستشارين في مجتمع فدني يساعدوك في رحلة الشفاء والتعامل مع مشاعرك. كما أن في أسئلة أخرى في فدني تناقشت فيها مواضيع مشابهة ممكن تلاقي فيها دعم. أنتِ قوية، وربنا دايماً معاكِ، ورجائي أنك ما تتركين الألم يتحكم في شخصيتك، بل بالعكس تكوني أنتِ مصدر سلامك الداخلي. لو حبيتي نكمل الحديث أو تحتاجي نصائح أكثر تحديد، أنا دايماً موجودة معاكِ يا غالية ذكية.
تم النشر الثلاثاء، ٢٩ يوليو ٢٠٢٥
متضغطيش على نفسك وتجلديها فهم لهم جزء كبير من الخطأ .. فهم السبب في غضبك فعقيتيهم وبعدها انبك ضميرك وهم أيضا السبب في تأنيب الضمير والمشاعر السلبية .. والدك ووالدتك قد يكونوا مروا بظروف صعبة ومشت بيهم الدنيا واتعودوا على النظام ده فصعب تغييرهم / لكن انتي مازلتي صغيرة فتغييرك أسهل والعمر قدامك بإذن الله / حقهم البر ولكن ركزي على المشاعر السلبية وتلقائيا هتبريهم لو مشاعرك ايجابية .. حاولي تخففي من مشاعرك السلبية عن طريق تفريغ أفكارك على ورق أو في المفكرة يوميا لمدة ٥ دقائق
تم النشر الأربعاء، ٣٠ يوليو ٢٠٢٥
قولي في نفسك انا بعاملهم حلو عشان ربنا مش أكتر و باخدهم ع قد عقلهم مش عشان هما كانو كويسين معايا وانا صغيرة .. كان تقدري تستمري في برهم ونتي مؤمنة ان ده لله مش ليهم ده لو انتي مش قادرة تسامحيهم و هيمر الوقت و كل شئ هيعدي
تم النشر الأربعاء، ١٣ أغسطس ٢٠٢٥
حاولي تتخطي او ع الاقل تديهم فرصة كلنا لينا ماضي و ذكريات مش كويسة خصوصا مع الاهل ان فضلتي حابسة نفسك في الذكريات دي عمرك م هتعرفي تغيري من نفسك و يا ريت تغتنمي الفرصة و هما موجودين ف حياتك قبل م تفقدي حد منهم بعد الشر يعني
تم النشر الأربعاء، ٣٠ يوليو ٢٠٢٥
مش هتحسي بقيمتهم غير لما تفقدي حد منهم ، كلنا بنغلط ، وبلاش تحاسبي حد عن اخطاؤه القديمه ، لانك انتي نفسك مش انتي قبل ٣ سنين ...؟!
تم النشر الثلاثاء، ٢٩ يوليو ٢٠٢٥
لعرض السؤال في فدني اضغط هنا