مش عارف ابدأ منين انا دلوقتي واحد بستمتع بالوجع يعني بحب اجرح في يدي و في جسمي و اشوف الدم بكده يستريح و دائما عندي افكار انتحارية بس عادي بجاريها عشان مش عايز اموت كافر بعد كل ده بس ده مايمنعش اني ممكن اوصل للموضوع ده المهم انا عايز اعرف عقاب اني اجرح نفسي ده يعتبر من الكبائر ولا ايه عشان ما اعرفش عنه حاجا انا عارف انو كلو ذنوب بس ذنب عن ذنب يفرق اه و نسيت اقول اني فاقد الشغف لكل حاجا لو ده هيفرق يعني نزلت زي مانزلتش كلت زي ماكلتش قمت زي ماقمتي اديني عايشها موقتا لغاية لما تخلص
هبدأ معاك من فكرة ذنوب عن ذنوب تفرق دى... عاوزاك تعرف المعلومة اللى كتير مننا فاهمينها غلط هى انك لو بعدت عن الكبائر فأنت كده فى الأمان... الحقيقة ان الاستهاانة بالذنب بتبقي من الحاجات اللى تخلى الذنب الصغير ياخد عقاب الكبائر.... وان فى حاجة اسمها اللمم وهى الذنوب الصغيرة الكتييير اللى فاكرينها ملهاش وزن بس كلها على بعضها فى الميزان هتكون تقيله وتؤدى بصاحبها للنار. لذلك المفترض أن طالما الشىء اللى احنا فيه اسمه ذنب سواء بقى صغير ولا كبير نكون بنجتهد عشان نخلص منه ومنستهونش بيه. الأعراض بقي بتاعت انا عايش وخلاص ومستنيها تخلص وايذاء النفس محتاجه تشخيص من طبيب نفسي وتسعى فى العلاج... لان دى حاجة هتتحاسب عليها (عن عمرك فيما افنيت).. ضرورى تكون قضيت حياتك بتعمل حاجة تجاوب بيها ع السؤال ده....
تم النشر الاثنين، ٨ يناير ٢٠٢٤
فاهمك شكرا علي كلامك بجد
تم النشر الاثنين، ٨ يناير ٢٠٢٤
بص الواضح انك عملت غلطه كبيره و مش مسامح نفسك انك عملت كدا او كنت متعلق بانسانه و سابتك قالتلك انك مش كويس او كنت متعلق بحلم و متحققش و انت فاكر نفسك انك السبب ف كدا ف بتانب نفسك لدرجه العنف ااجسدي لو كلامي صح بينلي علشان اخاول اساعدك باءذن الله
تم النشر السبت، ١٣ يناير ٢٠٢٤
العفو🤍
تم النشر الاثنين، ٨ يناير ٢٠٢٤
من غير اي دكتور البنادم عبارة عن ايام وكل يوم بيمشي بيخسر البنادم جزء منه مع اليوم دة يمكن الدنيا والظروف اة ضاغطة ع الانسان بس لو من جوانا اقتنعنا ان دة وقت هيمر وان بعد العسر يسر وان اكيد في خير وان لسة فيا نفس ف لاخر نفس هحاول وربنا هيشوف محاولاتي ويحققلي الي بتمناه ف همسك فالمحاولات دى حتي لو بقوم كل يوم مالنوم بصعوبه بس حط فدماغك ان انا مش هعمل فنفسي كدة وااذيها هي متستاهلش مني كدة وربنا مامرنيش بكدا 🤍
تم النشر الاثنين، ٨ يناير ٢٠٢٤
عارف بس باردو انا بجد ماعنديش شغف لأي حاجا خالص و لو حاولت اروح لدكتور اشوف لو في علاج معيش الفلوس اللي هتحتاجها العملية دي ولو وقفت كل حاجا انا باردو مفيش الشغف اللي هيخليني اعمل اي حاجا خلاص يعني مش هيبقي مستمتع بأي حاجا تاني خالص حرفيا
تم النشر الاثنين، ٨ يناير ٢٠٢٤
ربنا هيسالنا عن نفسنا يوم القيامه جسمنا دة حتي مش من حقنا ناذيه ف هنتسال عليه ادعي ربنا واطلب منه الهدايه وعشان خاطر نفسك ساعدها وابدا روح لدكتور او متخصص نفسي يفهمك او يساعدك تخطي المرحله دة وتعالج جروحك
تم النشر الاثنين، ٨ يناير ٢٠٢٤
لعرض السؤال في فدني اضغط هنا