السلام عليكم، مش عارفة تقصد إيه بيبعدوا عنك... هل بينشغلوا مثلا مع ظروف الحياة فالتواصل معهم بيقل ولا بيبعدوا تماما وبتنتهي علاقتك بهم؟ هو عموما في الوقت الصعب اللي بنكون محتاجين فيه أي حد جنبنا بنبدأ نركز على غيابهم أكتر، حتى لو لسه على تواصل بس تواصلهم قل بنحس بالغياب ده أكتر، وخاصة لو كنت متعلق بهم. كمان ساعات التعلق الكتير أو الوجود المستمر في حياة شخص بيسبب بعد لاإرادي وأحيانا نفور من ناحيته فراجع علاقتك بهم، هل أنت متواجد باستمرار؟ أنت الوحيد اللي بتسأل وبتهتم؟ *** وكمان لاشعوريا مقاومتك وكرهك لشيء ما أو شخص ممكن تخليه متواجد باستمرار في محيطك. فحاول تخلي علاقاتك بالناس متوازنة، لا تتعلق جدا بالأشخاص اللي بتحبهم ولا تكره بعنف الأشخاص اللي مش بتحبهم. يعني، (أحبب حبيبك هونا ما عسى أن يكون بغيضك يوما ما وأبغض بغيضك هونا ما عسى أن يكون حبيبك يوما ما) ** لا تركز مع الناس اللي بتكرههم، تعامل مع وجودهم بلامبالاة.. خليهم مش فارقين معك يعني، وقتها صدقني مش هتحس بهم ولا بتواجدهم في محيطك حتى لو متواجدين فعلا. ** في الوقت الصعب لا تجعل تركيزك على وجود دعم بشري، قرب أكتر من ربنا واستعن به لتجاوز الوقت الصعب وتوكل عليه، ومش بعيد تلاقي الدعم البشري بعدها من غير ما أنت تطلبه. ربنا ييسر أمورك وتتخطى الفترة الصعبة بسلام.
العفو... ده اللي قصدته في إن يكون فيه توازن ولا تكون أنت الطرف المعطي باستمرار واللي بيسأل ويهتم، العلاقة المتوازنة فيها أخذ وعطاء.. عارفة الموضوع صعب وإحساس الخذلان مؤلم ومزود تعبك نفسيا لكن الوقت إن شاء الله بينسي ويعالج الجروح.. الناس اللي بتعدي في حياتنا أو المواقف اللي بنمر بها بيبقى معها رسالة أو درس فأنت تعامل مع اللي حصل أيا كان إنه كان درس، خذ منه الرسالة وتعلم من الأخطاء ولا تجعل الماضي حمل على ظهرك عشان تقدر تتقدم... راجع نفسك في علاقتك مع خطيبتك السابقة ومع الناس اللي شايف إنك أعطيتهم وتخلوا وشوف الأخطاء كانت فين وإيه ممكن يتصلح وينجبر وإيه ممكن نمسحه نهائيا ونقلب الصفحة... اسمع بودكاستات عن العلاقات المتوازنة والناجحة وإن شاء الله ربنا ييسر وتحقق التوازن في حياتك وعلاقاتك.
تم النشر الأحد، ٧ يونيو ٢٠٢٦
شكرا علي نصائح حضرتك يا دكتور بس مقصدي في الناس الي بحبهم هم ناس يعني اخدو من روحي و من وقتي و مالي و نفسيتي منهم الي كانت خطيبتي الي حتي الآن لم اطالب بي اي حاجه جبتها يمكن تفتكري الحلو يمكن اتبعت يمكن غيرت رايها يمكن حجات كتير بس مش بفهم جمله انت كويس بس تستاهل حد احسن مني طب كدا مين الي وحش
تم النشر الأحد، ٧ يونيو ٢٠٢٦
لعرض الإجابة في فدني اضغط هنا