السلام عليكم ورحمة الله.. انا تانيه كليه تمريض عندي مشكله كبيرة مع المذاكرة بالذات لان اتراكم علياا سكاشن ومحاضرات كتيرررر اوي ف مش عارفه ابدا منين ودايما بختار الاسهل عندي مثلا لو فيه مقارنه بين المذاكرة والنوم هنام حتي لو فيه كويز او حاجه ودايما بحس بملل لما اذاكر ومقدرش اقاوم الموبايل وامسكه وتقريبا بيضيع كل اليوم ازاي ارجع شغف المذاكرة والتركيز ولم ال متراكم؟
وشكرا🥲♥
احنا هنعمل عكس المألوف اي موش هقولك اعملي جدول ثم جدول ثم عدم تنفيذ ثم نرجع تاني لنوم ،احنا عايزين حل يرجع لينا شغف وحب المذاكرة عايزين هدف يصحينا من النوم جري علشان نحلق المحاضره هو دا حب العمل المذكرة هي شغلك هي عملية تمهيدا يا دكتوره شيماء موش حاجه احنا موجبرين عليها ، علشان كده انا بحاول اولا اخليك موش تذاكري لا لا انتي قولتي في سؤالك انك فقدتي الشغف انتي عارفة دا مصيبة يعني بلبدي كده (بتذاكري من غير نيفس) تعالي نفكر كده اذي نخرج مع بعض من الأزمة دا اولا انتي لازم تعرفي قيمة نفسك انتي (دكتوره بمعني مسؤلية فيما بعد عن حياة مريض انتي جزء مهم جدا جدا من منظومة الطب اعرفي كده ارجوكي فيه ناس غيرك يتمنوا حتي يلبسو روب الأبيض نفسهم حد يصرف عليهم ) تعرفي انا شخصيا قابلت ناس ميعرفوش يعني اي احباط لدرجة أن بعضهم في المدينة الجامعية بقي يعقد بشهر ميخرجش برا الجامعة انا كنت لازم يوم الجمعة أخرج امشي علي الكرنيش فيه ناس متعرفش الكسل فيه ناس بتنام علي الكتاب #فوقي لنفسك وعرفي قيمة مركزك ....انتي اولا لازم تغيري مكان المذاكرة تمام أو غيري نظام الغرفة بتاعتك . ثانيا/ شوفي انتي بتحبي اي أثناء المذاكرة وعمليه تسمعي ميوزك هادي كوب قهوه بوش على رايحة ، أو تذاكري علي صوت القران عبد الباسط عبد الصمد . ثالثا/ اعطي كل مادة وقت ولاتزم بيه جدا ساعه يعني ساعة حتي لو مخلصتيش ثم راحة وأثناء إراحة بلاش تفصلي وتفتحي الموبايل بلاش ،انا عن نفسي كنت بفصل بقراءة القرآن لو صفحة حددي وقت الراحة ، ادخلي علي مادة إلا بعدها ملحوظه/ ممنوع اكتر من مادتين في اليوم ملحوظه/ لازم تصنعي جوا يشجعك علي مذاكره وفتحي شبك الغرفة علشان يغير الهواء حتي لو الجوا برد هخلي عندك انتعاش وهيبعد عنك النوم . بين كل مادة ولاخري هتعملي حاجه تشربيها لما تروحي الكلية حاولي من بعيد شوفي مين بيذاكر وقربي منه شوي شوي لحد ما يتعود عليك وعزيميها علي حاجه ذي شوكولا ،احنا بنحاول نخلق جوا يرجعنا تاني اقوي ، هتطلعي مكتبه الكليه وهتذاكري هناك شوي بس في القديم المتراكم عليك . ابعدي عن مشاكل البيت بمعني متشغليش بالك بيهم اوي . واهم حاجه بجد وانا حبيت اخليها اخر حاجه وهتف ق معاك يا دكتوره بجد انك تظبطي صلاتك وكل حاجه هتظبط واحده واحده ونفسية هترجع احسن ذي الاول #لازم يكون عندك هدف يقومك من النوم يخليك تصبري يخليك تفضلي المذاكرة عن النوم يوصل بيك الحال الي انك تنامي على الكتاب من كتررر المذاكرة لكن علشان تخلقي هدف لنفسك دا محدش يقدر يقولك تعملي كده إذ ي علشان دا امر منك للنفسك بالتغير وانا نفسي اكون كذا وكذا. ودائما تكلمي مع نفسك وانتي بتشربي القهوة وطفي النور شغلي الميوزك بصوت هادئ اقعدي علي كرسي المكتب اتكلم مع نفسك.....🌸
تم النشر الأحد، ٥ نوفمبر ٢٠٢٣
لازم يكون عندك هدف علشان تسترجعي الشغف بجد ،الموبايل هو أساس كل المصائب بجد وهو اللي بيعطلنا عن مستقبلنا ،لكن احنا مش صغيرين لازم ناخد تحدي وننجز ،ونتومل على الله ،إن المؤمن إذا استدرك فهو يستدرك عند كريم ،لازم تسعي علشان ربنا يجازيك ع سعيك وعلشان بجد تكون مس شاطرة ف المستقبل اوقات التقدير والكلام دا بيفرق ،المتراكم هتخطي جدول فيه الاولويه ومثلا محاضرة من كل ماده مش تمسكي مادة واحده وتخلصيها لا ماعمليش كدا علشان متزهقيش ،خدى من كل ماده محاضرة وزاكري بنظام 40دقؤقه مذاكرة عشرة راحه وهكذا واستعيني بالله ووالله ربنا يعينك ثقي في دا.
تم النشر السبت، ٤ نوفمبر ٢٠٢٣
https://youtu.be/8m8QAkFvI6s?si=lxEdUgO1a_SI-vj8
تم النشر الأحد، ١٢ نوفمبر ٢٠٢٣
تسلميلي ي ندي والله يجازيكي خير ياحبيبي ♥
تم النشر السبت، ٤ نوفمبر ٢٠٢٣
لعرض السؤال في فدني اضغط هنا