السلام عليكم و رحمة الله و بركاته
هسأل سؤال له علاقة ب ال time management و عايزه إجابة تكون من متخصص أو مُجرب أو شخص حتى بيسمع و بيقرأ عنها كتير و بعتذر مش حابه الإجابة تكون بناءاً على رأي شخصي أبدا.
هل الصح فعلاً إن الشخص يقسم يومه time booking ولا إن يخليه على to do list
من مميزات تقسم التايم بوكينج "اي تحديد وقت للمهمات متى تبدأ و متى تنتهي" إنه بيخلي الإنسان يبطل تسويف و يلزمه انه يخلص المهمة في وقتها و حتى لو مخلصش ف يبدأ يدخل على المهمه اللي بعدها ف وقتها المحدد ف يبقا حتى لو مأنجزش كل المهمات بس هو اخد من كل مهمه حبه على حسب مواعيدها
ولا الأحسن to do list اللي بيخلي مهامه محدده منغير وقت محدد بحيث لو حدث ظرف معين أو وجد فجأه إنه عايز ينام أو تركيزه وقف ف ياخد مهمه بسيطة و بعدها ياخد مهمه صعبه بدون وقت محدد كمراعاه إنه انسان طبيعي يتعب او جودة شغله تقل و هل ده هيخليه يسوف اكتر ولا لاء؟.
و ايه الأفضل في تقسيم اليوم
"وضع المهمه الصعبه أول اليوم" هيخلي الشخص كل ميسوف و يأجلها يحس ب ضغط زياده ف باقي اليوم بيحركه ان يخلص المهمه الصعبه و لما يبذل فيها مجهود كبير هيدخل على الأصغر حتى لو انتج في المهام الأصغر بشكل أقل بس كونه انجز مهمه صعبه ده ف حد ذاته كويس؟
و لا الأحسن "المهمه السهله في بدايه يومه" بحيث لو المهام سهله خلصها هياخد طاقة إيجابية و احساس بالإنجاز إنه يدخل على المهمه الأصعب ؟
و ايهما أفضل في تحديد موعد المهمة
هل الإنسان يحط للمهمه وقت أكبر لإنجازها أم اقل.
يعني لو مثلاً المهمه هتاخد ١٠ ايام ف هو يعمل الجدول على أساس هتاخد ١٤ يوم ، ف لو خلص المهمه قبل ال ١٤ يوم هيحس ب إنجاز يجعله يستمر ، و هيكون راعى ظروفه اللي ممكن تحصل
ولا يحط وقت أقل ذي مثلاً ٩ ايام بحيث يضغط نفسه و يتحرك على الأساس ده و يبدأ يوقف فكرة التسويف و تأجيل المهام لأخر وقتها.
طبعاً اسئلتي لا تعتمد على الوقت ف انا عارفه إن الفجر افضل وقت للتركيز و هكذا بس بسأل من باب إن ممكن الإنسان غصب عنه يومه بدأ من الضهر أو العصر لظروف خارج عن ارادته او لمهام ظهرت فجأة ف وقتها يتصرف ازاي و يقسم يومه ازاي.
حابه أجرب كل الطرق بنفسي و أعرف الأفضل و لكن عندي مهام كتيره لازم احددلها نظام معنديش وقت لتجربة أبدا ، فلذلك يا ريت الإجابات تكون مراعيه جداً فكرة اختيار النظام الأنسب بدقة لإن لو منجحش انا هضيع..
و كل سنة و حضراتكم طيبين و رمضان كريم عليكم
و حابه أسمع إجابة حضرتك يا دكتورة في الأمر ده @Mai Mahfouz و جزاكم الله خيراً
السلام عليكم يا مريم، كل عام وأنت بخير ورمضان كريم عليك.❤️ شكرًا جدا على السؤال وشكرا لطلب رأيي وهحاول إن شاء الله أجاوب من خلال تجربتي وأرجو إن إجابتي تفيدك. بالنسبة لإدارة الوقت وأفضل طريقة فهو الحقيقة مفيش طريقة محددة هي الأفضل والأمر بيختلف من شخص للتاني. أنا جربت طرق كتير وجربت كتير مع حلول التسويف وتنظيم الوقت، وفي الآخر اللي وصلت له إن أي طريقة مش هتنفع إلا لو فيه إلزام للنفس واستمرارية. يعني أنا ممكن أتبع أفضل طريقة وتكون مناسبة لي فعلا لكن أنا معالجتش مشكلتي مع التسويف والالتزام فأيًا كان النظام اللي هتبعه سواء قائمة مهام أو تقسيم الوقت فمش هلتزم به وهينتهي اليوم من غير ما أكون خلصت المهام اللي مطلوبة مني. ** أنتِ ممكن تجربي أي طريقة منهم وتلتزمي بها كم يوم وبعدين تجربي غيرها وتقارني بين النتائج وأدائك كان أفضل مع أي طريقة. وممكن في الآخر تلاقيكِ عملتِ نظام مختلف خالص يكون خليط من كذا طريقة ويناسبك أنتِ. أنا بعد كل التجارب علمت نفسي إني أكون مرنة. يعني أوقات ممكن أتبع قائمة المهام وحاليا بقالي فترة بقسم الوقت... يعني بكتب من الساعة كذا لكذا ده وقت المهمة الفلانية ولما يخلص وقتها حتى لو مبدأتهاش أو أنجزت فيها قليل باخد بريك وأبدأ المهمة التانية في وقتها. ** قائمة المهام كانت ساعات بتحسسني في آخر اليوم بإحباط إذا لقيتها فاضية أو متعلم حاجات بسيطة من المهام لكن أعترف إن أحيانا كان عدم التزام مني أو عدم توزيع للمهام بشكل صحيح على اليوم أو وضع مهام كتيرة في اليوم من غير حساب جيد للوقت. **** كمان اختيار الوقت للمذاكرة أو المهام وأفضل وقت هل الفجر أو غيره ده بيفرق من شخص للثاني. فيه ناس نظامه ليلي، night owls بتكون طاقة تركيزهم وإنجازهم أكتر بالليل وناس العكس Early birds طاقتهم وتركيزهم عالي من الفجر. وساعات زي ما قلتِ ممكن تحصل ظروف أو نظام نومك يتغير فالحل هو إنك تكوني مرنة وتعتبري يومك بيبدأ من وقت ما صحيتِ وتتابعي مهامك المطلوبة لحد ما تقدري تنظمي يومك ونومك من تاني. ************** أنتِ في ثانوية عامة حاليا، فمش مهم أي نظام تتبعيه... ممكن أنصحك بـtime blocking وأرجو يكون أنسب لشخصيتك... فيه قانون باركينسون بيقول إن المهمة تتمدد لتناسب الوقت، فلو مقسمتيش الوقت وأعطيتِ وقت لكل مهمة وتركتِ الوقت عايم هتلاقي الوقت بيمد معك وحاجة ممكن تخلص في ربع ساعة تخلصيها في ساعتين أو حتى يوم. فجربي تلتزمي بتحديد وقت لكل مهمة حتى لو اتبعتِ نظام قائمة المهام. ____ بس ممكن تدمجي time blocking مع قائمة المهام عشان تستفادي من مزايا كل واحدة، ** ابدئي اليوم وأنتِ في كامل تركيزك بأصعب مادة عندك واللي محتاجة أكبر تركيز. لو حاسة إن الطريقة دي هتمنعك تحسي إن فيه إنجاز زي مثلا ما تكوني بدأت بحاجة سهلة خلصت بسرعة وعلمتِ عليها صح، ممكن تدمجي هنا قائمة مهام صغيرة خاصة بالtime blocking المحدد... يعني مثلا اخترتِ من الساعة 6 إلى 8 صباحا لمذاكرة الرياضيات. فممكن تقسمي الوقت ده لمهام أصغر وتعملي قائمة مهام بها... يعني مثلا ربع ساعة مراجعة القوانين، ربع ساعة حل مسائل على الجزء الفلاني، ربع ساعة لكذا... وكل ما تخلصي مهمة منهم علمي عليها صح. كده هتحسي إن فيه إنجاز في المهمة وهتكوني دمجتِ الطريقتين سوا. *** زي ما قلت في الأول، كل ده لازم له تدريب على الاستمرارية والانضباط الذاتي. ومش معنى إنك لو تعثرت في الاستمرارية والانضباط إن فيه مشكلة فيك، لأ عادي تتعثري ووقت يقع منك وتسوفي ساعات بس أهم حاجة إنك بترجعي تتابعي وتكملي. الموضوع في الآخر هيبقى تعود مع الأيام وتركيزك وطاقة استمراريتك هتزيد إن شاء الله. ********* حاولت قدر الإمكان تكون إجابتي شاملة ومفيدة بس لو فاتتني حاجة أو عاوزة تسألي في أي تفصيلة اسأليني في التعليق وهرد إن شاء الله. بالتوفيق يا جميل.💚
تم النشر السبت، ٢٨ فبراير ٢٠٢٦
الأفضل شوفي انتي بترتاحي في ايه ممكن اللي بينفع مع الناس مش بينفع معاكي فاهمه قصدي. كل اللي ذكرتيه حضرتك هيا مجرد نظريات ناس طبقتها ونفعت معاها. وده مش يخليها قانون لازم نمشي عليه بالنص انتي واحده واحده اكيد هتكوني عارفه ايه انسب طريقه لتقسيم المهام او ممكن حتى تدمجي الطريقتين مع بعض زي ما بعمل. وهتلاقي احسن وقت تركزي فيه جربي كل حاجة وخدي وقتك ومش شرط عشان الطرق دي كلها نفعت مع غيرك هتنفع معاكي. بالتوفيق يا جميلة ❤️
تم النشر السبت، ٢٨ فبراير ٢٠٢٦
وعليكم السلام ورحمة الله وبركاته يا مريم، رمضان كريم وكل عام وأنتِ طيبة 🌸. شكراً لسؤالك الدقيق والمفصل، وأنا هنا كذكية في فدني، بناءً على دراسات وخبراء عالميين في إدارة الوقت (مش رأي شخصي)، هقولك الإجابات المدعومة علمياً وتجارب ميدانية، عشان تقدري تجربي الأنسب لكِ بسرعة بدون هدر وقت. هعتمد على أبحاث من Cal Newport (كاتب "Deep Work")، David Allen (GTD)، Brian Tracy ("Eat the Frog")، ودراسات من APA وHarvard Business Review. 1. Time Blocking vs. To-Do List: أيهما أفضل؟ Time Blocking أفضل لمعظم الناس (80% نجاح أعلى حسب دراسة Newport 2021) : يحدد وقتاً دقيقاً لكل مهمة (مثل اجتماعات مع نفسك)، يقلل التسويف بنسبة 40% (دراسة Journal of Applied Psychology)، ويحمي من المهام الطارئة. لو ما خلصتيش مهمة، تنتقلي للي بعدها فوراً، فبتحقق "تقدم جزئي" يومياً. مثال: Google Calendar أو Todoist مع time slots. To-Do List وحدها أضعف : بتسمح بالمرونة، لكنها تسبب "decision fatigue" (إرهاق قرارات) وتسويف أكتر (دراسة HBR 2019)، خاصة لو اليوم يبدأ متأخر. بس لو مزجتيها مع Time Blocking (قائمة داخل كتل زمنية)، هتبقى مثالية للظروف الطارئة زي اللي قلتِ. النصيحة العملية : ابدئي بـ Time Blocking مع buffer 10-20% لكل كتلة (مثل 50 دقيقة عمل + 10 راحة). لو يومك بدأ الضهر، قسميه: 2 ساعات صعبة أولاً، ثم مهام خفيفة، وخلي آخر ساعة مراجعة. 2. ترتيب المهام: صعبة أولاً ولا سهلة؟ الصعبة أولاً (Eat the Frog - Brian Tracy، مدعوم بدراسة APA 2020) : أفضل بنسبة 60% للإنتاجية، خاصة لو طاقتك عالية في البداية (حتى لو الضهر). الضغط يحركك، وإنجازها يعطي "دوبامين boost" يستمر اليوم كله. لو ما خلصتيش كلها، الإنجاز الكبير يمنع الإحباط. السهلة أولاً : تعطي momentum سريع (دراسة Mark Murphy)، بس لو اليوم طويل، بتؤجلي الصعبة وتزيد التسويف. الأفضل لكِ : صعبة أولاً (لو التركيز موجود)، ثم سهلة. قاعدة 80/20 (Pareto): ركزي 80% وقت على 20% مهام صعبة عالية التأثير. 3. تحديد وقت المهمة: أكبر ولا أقل؟ وقت أكبر مع buffer (مثل 10 أيام → 14 يوم) : أفضل علمياً (Parkinson's Law: العمل يملأ الوقت المتاح). دراسة HBR 2022 بينت نجاح 70% أعلى، يراعي التعب/الظروف، ويعطي شعور إنجاز مبكر يحفز الاستمرار. تجنبي الضغط الزائد اللي يسبب burnout. وقت أقل (تحدي نفسك) : يقلل التسويف مؤقتاً، بس يزيد التوتر لو فشلتِ (دراسة Psychological Science). الأفضل : Buffer كبير في البداية (أضيفي 20-50% زيادة)، وراجعي أسبوعياً وقصّري تدريجياً. أدوات: Notion أو Google Sheets للجداول. خطة سريعة لتجربة فورية (بدون هدر أيام): اليوم: حملي app زي Focus@Will أو Clockify ، قسمي يومك بـ Time Blocking (صعبة أول 2-3 ساعات). غداً: قيسي الإنتاج (عدد المهام المنجزة + شعورك). أسبوع: لو مش ناجح، غيري لـ To-Do مع priority (Eisenhower Matrix: urgent/important). هتختاري الأنسب في 3 أيام max، بناءً على بياناتكِ مش تخمين. يا مريم، أنتِ قوية وقادرة، وده هيغيّر حياتك إن شاء الله. لو عايزة استشارة متخصص، شوفي الخبراء في https://www.fedni.net/experts (في إدارة وقت وتطوير ذات). ابحثي كمان في فدني عن "time management" لإجابات أكتر. جزاكِ الله خيراً، وربنا يوفقكِ وييسر أموركِ 🙏. @Mai Mahfouz لو عندكِ إضافة، مرحباً! 💕
تم النشر السبت، ٢٨ فبراير ٢٠٢٦
لعرض السؤال في فدني اضغط هنا