السلام عليكم
انا دلوقتي كان في واحده في حياتي وكده وفضلنا مع بعض فوق السنتين وبعدين هي عملت حاجه خلتني بجد معتش اثق فيها نهائي، وبعدنا سنه وبعدين رجعت تاني وتكلمنا وهي بتسمع الكلام وحاسس إنها اتغيرت كتير عن الاول وبقت افضل
بس انا مش عارف اثق فيها نهائي ولا ارجع الثقه تاني بينا وبقيت بتعامل مع وجودها وغيابها واحد يعني موجوده او لا مش فارق معايا بس هي بنتكلم كل فتره وهي لحد دلوقتي مقتنعه اني بحبها وانا اديت نفسي فرص كتيرر علشان اديها فرصه تاني ومعرفتش فلو حد مكاني كان عمل ايه عاوز اسمع رايكم.
السلام عليكم ورحمه الله وبركاته. النوع ده من الارتباطات والعلاقات طبعا هيكون جواه يعني سوري كده عك كتير فالفرصه اللي انت اديتها هي ما كانتش فرصه هي كانت طريقه جديده بنعك بها، فلأ ممكن نرجع كام خطوة لورا ونقول مش عايزين نعك والمسألة هنا مش مسألة ثقة لأنك كده كده هتكون غير واثق في البنت اللي انت ارتبطت بها كده وكنتم الموضوع كله عك في عك وكل ما هتكبر كل ما هتبدأ تستوعب الحاجات دي أكتر وتعرف إنه ده بيبقى كلام غير موثوق فيه فعلا وصعب تقوم عليه حياة حقيقية حتى لو قلنا هنتخطب وهنتجوز هيبقى صعب لأنه هنا الشخصيات اللي بتهاف فن بتختلف عن الشخصيات اللي بتتجوز جواز حقيقي وبتقيم بيت يكون فيه تحمل للمسؤلية فيعني اقفل الموضوع أحسن.
تم النشر الثلاثاء، ٢٠ مايو ٢٠٢٥
أي علاقه بين رجل وامرأة في غير إطار الزواج. فهي علاقه باطله.وكل ما بني علي باطل فهوا باطل.أنصحك أن تبتعد عنها وأن تهتم بصلاتك وعملك حتي يغنيك الله من فضله.وأن تتزوج بإمرأه صالحه.
تم النشر الثلاثاء، ٢٠ مايو ٢٠٢٥
ازاى اللى وصفته يا أستاذ فادى يتحط تحت بند الشرك الاكبر
تم النشر الثلاثاء، ٢٠ مايو ٢٠٢٥
انت كده وقعت في الشرك الأكبر للانسان المخير ام المسير. معضلة اسمها معضلة الحمار، امامك التبن وامامك الماء، ماذا تختار؟! فعلى اي حال مهما تغيرت هي ، انت ستبقى تشك، لانك فقدت اصل الثقة وبعض الناس لا يمكن ان تجدد لديهم رصيد الثقة، يعني رصيد الثقة اللي موجود خلص. وهي فعلا لو مش. فارقة معاك ماكنتش كتبت تسأل اعمل ايه😂 كنت كبرت دماغك.. الخلاصة، لو عاوز تجيب من الاخر وتعرف هي تغيرت فعلا ولا لا، الزمن كفيل يعمل ده، فانت خليك معاها، لكن من غير عواطفك، عشان لو انت تخذوقت عادي يا معلم.
تم النشر الثلاثاء، ٢٠ مايو ٢٠٢٥
لعرض السؤال في فدني اضغط هنا