بصي اتجهى لنفسك يعنى نمى ذاتك وقوى شخصيتك. زى اتعلم مهارات جديدة. أو اهتمى ببشرتك وشكلك ولما تلاقى نفسك حلوه اتبسطى ولما تلاقى نفسك بتفكرى فى شريك حياتك روحى اعملى حاجه بتحبيها يعني اهم حاجه متسمحيش لنفسك انك توقعى فى مستنقع التفكير لانو في الاخر احنا اللى بنتأذي فا لما تلاقى نفسك بتفكرى زى ماقولتى حاولى في نفس اللحظه تغيري تفكيرك وتفكرى بأيجابيه وتابعي قنوات تطوير الذات والتنميه والثقه بالنفس كل ده هيفيدك جدا بس اهم حاجه الصبر لانو مش هتتغيري في يوم وليلة سورى لو طولت عليكي
انا المشكلة عندى انى دايما بحس انى لوحدى ومش بس كدا انى ضعيفة ناحية شئ معين دا خانقنى اكتر انا مش عايزة اعيش تحت رحمة شئ مجهول زى الزواج او تحت رحمة اخوات ميعرفوش غير العقاب بس لعمرهم فكروا انا فرحانة ولا لا مرتاحة ولا لا عايزين يخلصوا من مسؤليتى وخلاص حتى لو بانهم يحبسونى ويريحوا دماغهم عشان مشكلة تافهة حلها كان من الاول وجودهم صح فحياتى ،ودا الى خلانى اصدق انسان كذاب استغلالى رغم انى عارفة كويس انه بنسبة كبيرة كداب لكن كنت فرحانة باهتمامه وانى حاسة ولو بالكدب انى ممة عند حد وانه مستعد يحمينى من الهوا رغم انه كان عقلى متاكد انه مش كدا لكن لانى اتصدمت بعد ابويا ما توفى و الى كان حرفيا معيشنى زى الاميرات وفجأة كله بقا يخبط فيا الى يساعدنى النهاردة بكرة يقلب عليا اول ما اعارضه دا غير ماكل الورث والاسوء بدأت احس انه اسهل حاجة عندهم انهم يشيلونى الذنب منكرش انهم احيانا كويسين لكن معظم الوقت مببقاش عارفة حتى افهمهم ولا افهم نفسى والاصعب فدا كله انهم خلونى او عشان مظلمش انا نفسى حولت نفسى لانسانة هشة اي حد يلمسها تعيط وتنهار ودا مش صح انا تعبت من نفسى اكتر من نفسى وبقيت عايزة اى حد فحياتى يحسسنى بنفسى انى مهمة وانى ليا هدف فالدنيا تعبت من ان كل حاجة لوحدى من وانا تسع سنين وانا لوحدى تعبت بجد
تم النشر الثلاثاء، ١٦ ديسمبر ٢٠٢٥
لا شكرا على واجب أنا موجوده لو حبيتي اساعدك في حاجه 🩷
تم النشر الثلاثاء، ١٦ ديسمبر ٢٠٢٥
شكرا ليكى جدا
تم النشر الثلاثاء، ١٦ ديسمبر ٢٠٢٥
لعرض الإجابة في فدني اضغط هنا