السلام عليكم، طالما الموضوع اتعالج بالرقية قبل كده والكوابيس وقفت يبقى محتاجة ترجعي للرقية تاني لأن للأسف الحاجات دي ممكن تتجدد. استتقال الأذكار طبيعي، من الشيطان عشان توقفي خالص تحصين نفسك. ارجعي للرقية الشرعية اللي مشيتِ عليها قبل كده وكملي للآخر لحد ما تتمي العلاج. وأنت نفسكِ يوميا اقرأي سورة البقرة ولا توقفيها مهما حسيتِ بتعب وتقل وحتى لو حسيتِ إن الكوابيس زادت، ده طبيعي يحصل في الأول عشان يجبرك توقفيها بس أنتِ استمري وأنت متيقنة بالله وحفظه. أذكار الصباح والمساء وأذكار قبل النوم طبعا. وخلي بالك من نقطة حضور القلب في الذكر، يعني متكونش قراءتك للقرآن والأذكار مجرد كلام لسانك بيردده من غير ما تحسي معناه وتستحضريه بقلبك وتتيقني كل كلمة منه. حضور القلب واليقين هو اللي بيؤتي ثمرة للدعاء والذكر. وخليكِ دابما مؤمنة إن حفظ ربنا أكبر من أي شر أو كيد من إنسان أو جان، لو آمنتِ إن الحاجات دي قادرة تؤذيكِ فأنتِ بتعطيها قوة أكبر وبتمكنيها من أذاكِ فعلا فخلي دايما ذكر ربنا ويقينك بحفظه أكبر. ربنا معك ويتمم شفاكِ على خير.
حاضر. آمين يارب 😢
تم النشر الاثنين، ٢٢ يونيو ٢٠٢٦
لعرض الإجابة في فدني اضغط هنا