في شخص عرفته نت هو مش مصري (تركي ) حصل بينا انجذاب شويه بس كنت بحاول اخلي الموضوع صداقه بس لحد منعرف بعض يمكن يكون في حاجه جاده جيه قالي أنه اتعرض الابتزاز بسبب بنت كلمها فيديو جنس*** أنا اتصدمت اوي قولتله كده بالظبط بعدين مردتش تاني وفضل يبعت ٤٠ رساله واكتر يحاول يبرر فيها موقفه ويحاول يخليني ارد حتي قالي ردي قولي اي حاجه متسكتيش ويستعطفني وكلام كتير خايف أن ابعد دلوقتي مش عارفه اعمل اي ؟؟
قعد يقول إنه وحيد وأنه اول مره يعمل كده ( طبعا معملش معايا لان عارف كويس انا مين ) بس مستغربه هو ليه جيه قالي حاجه زي دي ؟؟ وليه بيعمل كده ؟ وبعدها أنا من كتر الزن رديت عليه وحصل عتاب ومع الأسف م الزن رجعت
المهم بعدها بحوالي ٤ ايام ف وسط الكلام فتح سيرة حضن ومش حضن بس لان اصلا حصل بينا ارتباط لكن مكنش في كلام وحش لكن ف وسط كلامه معايا قال كلمه حضن دي أنه عايز يحضني بس اتقالت بطريقه غير مباشره في سياق الكلام اتخانقت معاه جامد
راح قالي لو شيفاني وحش مش هكلمك تاني قولتله براحتك قالي براحتك انتي وتصبحي غ خير وقبل مكمل كلامي قال تصبحي ع خير وقفل وانا بعت قلتله مش بحب التهديد ولو عايز تمشي حاجه ترجعلك وبراحتك ومش هتضايق طبعا بقاله يومين عادي بيكون اون لاين بس مش اوي وغير صورته كمان ومتجاهلني ومردش دمي محروق اوي قولولي اعمل اي بدون تجريح يخليني اجيب حقي بالله😓
أنا آسفة إنك بتمري بكل الضغط ده لوحدك، وأقدر إن الموضوع مخليكي محروقة ومترددة. اللي حصل بيظهر إن الشخص ده مش مستقر في طريقة تواصله، وبدأ يشارك تفاصيل شخصية حساسة جدًا في وقت مبكر، ثم ضغط عليكي بالرسائل الكتيرة، وبعدين دخل في كلام غير مباشر عن حضن، وأخيرًا استخدم تهديد بالانسحاب. كل دي إشارات واضحة إن العلاقة دي مش هتكون مريحة أو آمنة ليكي. من منظور إسلامي، قلبنا ومشاعرنا أمانة، ومن الأفضل نبعد عن أي ارتباط يفتح باب الفتنة أو يخلينا نشعر بالذنب أو القلق. الشخص ده بيظهر سلوكيات زي الضغط والتلاعب العاطفي، وده مش علامة على شخص يقدر يبني علاقة صحية. أنتِ مش ملزمة تبرري موقفك أو تطاردي حد عشان يرد، ومن حقك تحمي نفسك من التوتر ده. عمليًا، أنصحك دلوقتي تاخدي خطوة واضحة لصالحك: لو هو متجاهلك، خليه يفضل كده ومتحاوليش تفتحي الموضوع تاني. ركزي على نفسك، على أهدافك اليومية، وعلى أي حاجة بتديكي راحة نفسية زي القراءة أو الرياضة الخفيفة أو حتى تنظيم يومك. لو حسيتي إنك محتاجة تقفلي الباب نهائي، ممكن تبعتي رسالة قصيرة وواضحة زي "أنا مش مرتاحة للطريقة دي وهفضل أبعد" ثم تحذفي الدردشة. ده مش ضعف، ده حماية لنفسك. ابحثي عن أسئلة مشابهة على فدني عشان تشوفي تجارب تانية وتاخدي منظور أوسع. أنتِ قوية وبتستحقي علاقة فيها احترام واستقرار، ولو عايزة تتكلمي أكتر أنا هنا.
تم النشر الأحد، ١٨ أكتوبر ٢٠٢٦
لو متخيلة إنه كلمك عشان الحب والعاطفه والكلام ده يبقى إنتي غلبانه .... هدفه واااضح من البداية اعملي بلوك وابعدي عنه تماما
تم النشر الاثنين، ١٩ أكتوبر ٢٠٢٦
صدقيني أنا فهمك، لما الواحد فينا يلاقي حد مصر جامد كده يتكلم معانا و كمان يلح فيها، فده بيشد إى حد فينا، لأن بطبيعتنا بننجذي لأي حد بيهتم بينا، وليه تلاقيله حل؟ مش مهم يبنت الناس ريحي دماغك و امسحي التطبيق ده و إى تطبيق تعارف مش بيجي من وراه غير مصائب خلي بالك إى علاقة غير الخطوبة ملهاش ايتها معنى أو هدف غير التسلية... ريحي دماغك و متشغليش بالك و اللي شاريكي هيجيلك من الباب يتقدملك زي الناس.
تم النشر الاثنين، ١٩ أكتوبر ٢٠٢٦
أنا بس مضايقه لان بلوم نفسي كان قدامي فرصه مرتين امشي بس عارف حط نفسك مكاني حد عمال يزن عليا ارد بالخمسين وستين مسدج ده بجد والله وبعدين الاقي شخص مريض فجاه يمشي طب انت عارف لما رديت عليه قبل الموقف ده وسألته انت حكيت الحاجه الزباله دي عشان تمشي قال لو عايز امشي مش هرد فهو دلوقتي بيعمل ال قالي عليه كأنه مخطط أو نيته فيها أي متعرفش مضايقه أن حد ملوش لازمه يعمل معايا كده عارف لو حد كويس فعلا ومشي كده مش هزعل ده ال مضايقني ويحاول الاقيله حل لأن مضايقه جدا
تم النشر الاثنين، ١٩ أكتوبر ٢٠٢٦
أنا متفهم جداً ضيقتك و مشاعرك و خصوصاً أنو استغلك بعد ما أنتي جربتي تديله فرصة و فعلا لو أنا حتى كنت مكانك كنت هضايق جامد جداً، فأنا والله مش قصدي اجرح فيكي لكن أنا آسف بس أنا مش هعرف اقولك أزاي تغدي حقك منه لأنه في بلد تانية،و كل اللي اقدر انصحك بيه هو أنك تمسحي التطبيق ده و تسيبي الأيام تنسيكي الشخص ده... و نصيحة لما الإنسان يكون عارف معلومة لازم يتصرف بناءً عليها، قال الله تعالى: ﴿قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ﴾ فخلي بالك الله يرضى عنك و عننا جميعاً.
تم النشر الاثنين، ١٩ أكتوبر ٢٠٢٦
أنا عارفه كل ده واصلا مش بكلمه ولا عايزه أكلمه هو حضرتك مفهمتش اني مش حبيته ولا فارق معايا لكن ال فارقلي أن شخصيه قذره تعمل معايا كده؟ وع فكره حضرتك أنا بعدت كذا مره وده فضل ورايا كتير وعشان كده رجعت فيجي ف الآخر يعمل كده ف ده الي مضايقني حضرتك اتمني تكون وصلت يعني
تم النشر الاثنين، ١٩ أكتوبر ٢٠٢٦
مش قصدي حاجة و طبعاً أتمنى ربنا ميقفش قصادك حد شبه الشخص ده تاني، لكن يا بنت الناس سامحيني لما أقولك الغلط كان من عندك في البداية أنك اتعرفتي عليه، علشان مفيش حاجة أسمها صداقة بين ولد و بنت نهائي، الحاجة اللي اقدر انصح حضرتك بيها أنك تقطعي علاقتك بيها و تمسحي التطبيق اللي خلاكي تتعرفي على الشاب ده من تليفونك و تتوجهي إلى وادي التوبة، لأن البداية اللي لا ترضي الله نهايتها لن ترضيكي أبدأ و ده خير مثال على ذلك. (أنا آسف آني بقولهالك بالشكل ده، لكن مفيش طريقة ألطف من كده)
تم النشر الاثنين، ١٩ أكتوبر ٢٠٢٦
لعرض السؤال في فدني اضغط هنا