السلام عليكم ورحمه الله وبركاته
كل سنه وانتم طيبين
انا عندي مشكله اني مايبقاش عندي ثقه في نفسي ولا في حد بتعامل مع خصوصا في شغلي وبقيت انسى جامد وكمان بقى في ناس معايا في الشغل بتستغل طيبتي معاهم وعشان سهلتها عليهم مايبقاش يحترمني في حين اني اكبر منهم على الاقل ب ٨ سنين ومابقاش عندي شغف لاي حاجه وعايز احل المشكله دي
وعليكم السلام ورحمة الله وبركاته اولا لازم تتعلم تثق في نفسك ولازم تحط حدود مع الناس ومن تجاربي في الحياة انا لسه صغيره عادي بس الفكره اتحطيت في مشاكل أكبر مني بس كل اللي اعرفه ان اتعامل مع الناس بحب وخلاص وميطلعش مني غير الكلمه الحلوه ومزودش في الكلام واكون اجتماعيه والكل يحبني ووقت الفضفضه ادور علي اللي يحتويني مش اي حد وخلاص ولو مالقيتش صلي القيام وادعي لربنا بس كل اللي عليك برا في حياتك العمليه انك تتعامل عادي خالص ك هزار خفيف وتكون خفيف علي القلوب وتحط حدود دي أهم حاجه وقت الجد جد ووقت الهزار هزار تعرف تدافع عن نفسك وقت ما انت عارف انك صح اثبت انك صح بكل ثقه وقت ما انت عارف انك غلط قول انا غلطت وهصلح من غلطي دا ميقللش منك بل بالعكس واثق من نفسك وعارف انه عادي ومتشغلش دماغك باللي حواليك أهم حاجه انت وعلاقتك بربنا وعموما الثقه وانك تحط حدود مش بتيجي من يوم وليله لازم هتغلط مره واتنين وتحاول مليون مره عما تتعلم وصدقني وقت ما تثق في نفسك مفيش كلمه هتهزك انا بتكلم من طابع شخصيتي أنا واعتقد انا انسانه وانت انسان زيي وانا اصغر وكانت صعبه عليا وطلعت وانا كويسه برغم ان كنت وحشه في حاجات كتير وكانت ثقتي في نفسي قليله وبقي دلوقتي الكل يتمنو بس يتكلمو معايا خد كل موقف يوجعك علي انه درس يعلمك وانت واحده واحده هتتعلم ازاي تبقي مكتفي بنفسك ومش هامك حد ابدا
تم النشر الاثنين، ٢٣ مارس ٢٠٢٦
و عليكم السلام ورحمه الله وبركاته ، الحدوووووود ، اي علاقة تتشكل بالحدود الموضوعة من قبل الطرفين ، و كلما وضعت حدود اشد كلما استطعت ان تكون انت المتحكم في الغلاقة و لست المتحكم به ، يعني روحت مكان جديد ، بتتعرف على حد جديد ، بتبقى حاطت اعلى درجة من الحدود و الكلام على الأد ، و تراقب تشوف هما بيتعاملوا مع بعض ازاي ، و اللي تلاقي اسلوبه مناسب ليك هو ده بس اللي تبدأ تفكها معاه شوية بشوية ، لكن لو سبتها مفكوكه مع الكل من البداية صعب جداً ترجع تلمها تاتي ، لكن مش مستحيلة ، كل ما حد يقولك كلمة مش مناسباك او تصرف يضايقك أتكلم بثقة و قوله لو سمحت ما تتكلمش معايا بالطريقة دي او ما تتعاملش معايا كده ، انت ليك كامل الحرية في انك ترفض اسلوب بيضايقك ، و اعتقد ان ده هيساعدك كتير ترجع ثقتك بنفسك ، اما عن النسيان ، فالأغلب انه بيكون بسبب شرودك في المواقف اللي بتحصل معاك و مضايقاك أغلب الوقت و انك مش مسيطر على تصرفات الناس معاك ، فعقلك بيكون مشغول بتخيل ردود أفعال كانت ممكن تنقذك من الموقف ، فما تتجاهلش ده و نفذه ، و اعتقد رسمك للحدود من اول و جديد هيحسن جدا نفسيتك و ذاكرتك ، و بالتوفيق 😊
تم النشر الاثنين، ٢٣ مارس ٢٠٢٦
وعليكم السلام بالنسبه لثقتك في نفسك هتشتغلي عليها بطريقتين اول طريقه هي المظهر الخارجي ، اهتمي بشكلك في الحدود الحلال ظبطي وشك وجسمك ولبسك البسي حاجات فورمال تليق عليكي صدقيني احساسك انك مهندمه هيعطيكي ثقه كبيره في نفسك وانتي بتتعاملي معاهم بالنسبه للشخصيتك لازم تعرفي قيمه نفسك في الشغل قد ايه بتنتجي وقد ايه الشغل ماشي بيكي وبفضل ربنا ثم فضلك وان وجودك له دور كبير عشان الشغل يمشي ولازم تتعودي تقولي لا لما تبقي مش مرتاحه ، لو تعاملهم معاكي مش لطيف تجاهليهم تماما مجرد تعامل سطحي وبدون اي تعبيرات وش لطيفه تأخدهم عليكي ان شاء الله هيغيرو صورتهم من ناحيتك تماما واحترامهم ليكي هيزيد
تم النشر الأربعاء، ٢٥ مارس ٢٠٢٦
وعليكم السلام ورحمة اللة وبركاته وحضرتك طيب وبخير دايما مشكلتك فى ثقتك هنا واستغلال الغير لطيبتك حلها فيك انت اعمل أى حاجة ممكن تزود حبك لنفسك الأول وبالتالى هتزيد ثقتك بمعنى اهتم بشكلك اهتم بلبسك دا هيزرع فيك شئ من الثقة قلل كلامك تماما وخلى ردك معاهم وكلامك على قد سؤالهم وطلبهم اعمل ردة فعل لعدم احترامهم ليك دا ولو مش قادر على الأقل تجهم فى وشوشهم كإعلان لرفضك لعدم احترامهم لحد ما تملى الثقة فى إنك ترد عليهم حاول تعمل حاحة تانية فى حياتك الخاصة وتسعى لنجاحها ولو حتى صنع عادة جديدة هتفرق معاك جدا ربنا يكتبلك اللى فية الخير يارب 🤍
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته، كل عام وأنت بخير يا بطل! 😊 أشعر بك تمامًا، فقدان الثقة ده مشكلة شائعة خاصة في الشغل، وبتزيد مع التعامل اللي بيخلي اللي حواليك ياخدوا الأمور خفيف. بس الحمد لله، ده قابل للإصلاح بخطوات عملية وبإذن الله هترجع أقوى. خطوات سريعة تحلها: بناء الثقة اليومي : كل صباح، اكتب 3 حاجات إيجابية عن نفسك (مثل "أنا أكبر خبرة وأقدر أقود"). اقرأ قرآن يوميًا وادعي: "اللهم ارزقني الثقة والقوة". ده هيجدد طاقتك الروحية. في الشغل - كن حازم بلطف مش لازم تكون "طيب زيادة". قول "لا" للطلبات اللي مش في واجبك، زي "أقدر أساعدك بس بعد ما أخلص شغلي". حدد اجتماع أسبوعي قصير مع الفريق عشان توضح توقعاتك. أنت الأكبر، خليهم يحسوا بقيادتك بدون صراخ – ده احترام ذاتي. النسيان والشغف : استخدم تطبيق مذكرات بسيط (زي Google Keep) للمهام اليومية. حدد هدف صغير يوميًا (مثل "أنهي تقرير واحد بامتياز") وكافئ نفسك بمشروب مفضل. للشغف، فكر في هواية قديمة أو تعلم مهارة جديدة عبر يوتيوب (10 دقايق يوميًا). مشي 20 دقيقة يوميًا هيحسن التركيز والمزاج. ابدأ النهاردة بخطوة واحدة، وخلال أسبوع هتلاحظ فرق. لو عايز دعم أكتر، ابحث في فدني عن "بناء الثقة" هتلاقي إجابات كتير، أو شوف الخبراء هنا: https://www.fedni.net/experts – في متخصصين نفسيين وعمليين هيساعدوك. أنت قوي وقادر، ربنا معاك! 💪
تم النشر الاثنين، ٢٣ مارس ٢٠٢٦
متديش لحد اكبر من قمته و حط حدود في التعامل مع الناس
تم النشر الأربعاء، ٢٥ مارس ٢٠٢٦
والله بص الدنيا مش مستاهلة فاهم يعني متركزش في كل حاجه ومتشيلش ف نفسك قوي خليك على طبيعتك بس حاول متتغطش نفسك اصل بص عملت خير عملت شر كلو هيتنسي ومش هيفتكروا غير الشر يبقى متتغضطش على نفسك واتعلم وسط الهزار توقف وقفة جدا وتقول لا ،تقول محدش يندهني باللفظ دا ،انا مش هعمل كدا،يعني الفكرة انك تحط حدود حتى مع الناس اللي بتهزر معاهم اللي هما اقرب الناس ليك يعني والله لما تقول لا ،الناس كلها هتحبك وتحترمك اكتر من انك تبقي خدوم في كل الأوقات واخير القاعدة دي مش ثابة ف كل الأوقات ولا ثابتة مع كل الأشخاص يعني في شوية استثنائات طبعا
تم النشر الاثنين، ٢٣ مارس ٢٠٢٦
لعرض السؤال في فدني اضغط هنا