السلام عليكم 🤍 ،
انا اتعرضت لصدمات كتير جدا ومواقف خلت عندى عدم ثقه فى الي قدامى والموضوع بقا مؤذى اوى ودايما اسرارى بتطلع برا ودايما بيحصل خذلان عشان كده انا بقيت بحكى لنفسي كل حاجه وكمان وبكتب فى النوت دايما وافضفض لنفسي حرصاً من اى غدر كان بيحصل والموضوع كان ماشي تمام ، لكن انا بدأت أحس بملل شديد وشكلي هرجع احكى لناس مؤذيه لمجرد انى محتاجه حد افضفض ليه وخلاص لأن انا لما بكلم نفسي بحس ان الموضوع ممل ومفيش حد بياخد ويدى معايا فى الكلام ومش بلاقي حل لمشاكلي اعمل ايه ياجماعه افضفض لناس عارفه انهم مش قد الامان ولا اعمل ايه ؟
فضفضي هنا وانتي مجهولة، لكن أبدا متسلميش حد مش أمين أسرارك ومفاتيحك؛ وإلا فالفضيحة والأذى.
تم النشر الجمعة، ٨ ديسمبر ٢٠٢٣
عليكم السلام ورحمه الله وبركاته ، سؤالك بيوحي لينا انك علي علم بالناس إلا حواليك وعارفه مين ينفع احكي ليه ومين مينفعش ودا خطوة كويسه جدا هتبعد عنك الخذلان مره اخرى ، لكن هو كل إلا حوليك موش فيهم حد ينفع اني أمنه علي أسراري ؟ اكيد فيه ولو امك مثلا او اختك وهم اقرب الناس اليك وكمان المعروف إن سر البنت بيكون مع امها .. ولو نفترض العكس يبقي حياة بدون صديقة أو صاحبة افضل بكتير ررر من حياة هتاتي لي بمشاكل نفسية فيما بعد.... 🌸
تم النشر الأحد، ١٠ ديسمبر ٢٠٢٣
الحياه تجارب مفيش مشكله لما نجرب شخص في حيتنا ويطلع عكس محنا عيزين عادي ارمي وشوفي الي يصون السر لا وكمان يساعدك ملاقتيش خليكي مع نفسك بس مترجعيش ابدا لاي حد مؤذي , لان اي لازمة اقول مشكلي لحد هيفرح فيا او هينشر سري ؟ الدنيا زي ما مليانه ناس مش كويسه فهيا مليانه ناس كويسه بردو بس انتي بس شوفي الناس واختبريهم بقلبك و ربنا يريح قلبك اختي .
تم النشر الخميس، ٧ ديسمبر ٢٠٢٣
الكتابه دي احسن حاجه في الدنيا بجد اكتبي وخليكي صاحبه نفسك ❤️
تم النشر الثلاثاء، ١٢ ديسمبر ٢٠٢٣
لو كانت الحياة وردة، لنجح الجميع باستنشاق رحيقها
تم النشر الاثنين، ١١ ديسمبر ٢٠٢٣
إن قوة الحق عندما تجابه الباطل و الإنحراف تتحول إلى طاقة فعل هائلة
تم النشر الاثنين، ١١ ديسمبر ٢٠٢٣
صعب قوى لما تبقى تعبانه من جواكى ومتلاقيش ال يساندك بس الاصعب انك تتنازلى عن مبادئك وكرامتك وترجعى لناس متستاهلش كلامك معاهم دايما حطى ف بالك ان دى مشاكلك لازم تواجهيها وتحاولى تتغلبى عليها صاحبى نفسك لانها الوحيده ال مش هتخونك لو بنت صارحى بباكى لو ولد صارح والدتك لان دول الوحيدين ال عمرهم ما هيقولولك حاجه تضرك واظب على قيام الليل وناجى ربنا واشتكيله حاول ترتب حياتك صح وحط نفسك فى الاول دايما
تم النشر الاثنين، ١١ ديسمبر ٢٠٢٣
مش عارف الحقيقه هتعرفي تستخدميها صح والا لا بس جربي فضفضي لربنا بليل كدا و كلو نايم اسجدي و اتكلمي معاه كصديق هيحس بيكي و يعرف اد اي انتي محتاجه ارشادات و توجيهات و هيساعدك علي عكس اللي هيستخدم ده ضدك بجد شئ مثالي جدا و جربته قبلك و كان صعب لحد ما وصلت لشعور الهدوء مع ربنا و مبعرفش احكي غير ليه هو و يس و واثق لو وصلتي ل ده مش هتحتاجي حد ابدا في حياتك
تم النشر الأحد، ١٠ ديسمبر ٢٠٢٣
لعرض السؤال في فدني اضغط هنا