محمد الفاسي

لا يجوز الإجهاض شرعا، هو قتل نفس وناس كتير أجهضوا فربنا ابتلاهم بعدم الإنجاب مرة أخرى. اتقي الله

يجب أن تتزوج بسرعة، ويجب ان تذهب لطبيب لعطيك علاجا يخفض ذلك.

مش شرط تبقى مريض نفسي علشان تروح لدكتور نفسي، متفضفضش مع حد علشان هيمسكها عليك ذلة لو اتخانقتوا روح لدكتور واتكلم معاه، ووارد يديك ادوية تقلل العصبية وتخفف الضغط

هنصحك لأنك زي اختي الصغيرة مش هقولك حرام لأنك عارفه، بس انتي بتضيعي نفسك لما تدخلي جامعة لمجرد حد غريب، محتاجه تراجعي تفكيرك ونفسك وتقطعي علاقتك بيه. ومفيش ارتباط بره معرفة وموافقة ولي أمرك زي الأب والعم والخال إلخ من رجالة أسرتك، لأن انا راجل ولفيت وعارف..لما البنت بترخص نفسها مبنقبلهاش غالبا، وانتي عملتي كده للأسف لما قولتيله انك بتحبيه.... أراهنك لو وقفتي كلام معاه وقولتيله إنك أدركتي إنكلامكم حرام وغلط وخيانة لثقة اهلك بيكي، هيقولك هاتي رقم أهلك. مفيش واحد بيرتبط بواحدة مشي معاها او صاحبها او عمل معاها شئ أو كانت علاقتهم مرفوضة شرعا.. نصيحة عززي نفسك وارفعي من قيمة نفسك شوية، لا تقللي من نفسك ولا تغتري بنفسك، ادي لنفسك قيمتها.

متسأليهاش ومتتكلميش ركزي في الجديد فقط، لو سألتيها هتثبتيلها ان الموضوع مضايقك، بل على العكس لو قابلتيها تجاهليها ولو كلمتك كلميها عادي حسسيها ان انتي مش مهتمة باللي عملته ده هيحرق دمها اكتر.

قبل العصر ب٢٠ دقيقة اتوضي وصلي الظهر وقبل العشاء نفس الموضوع ومنبه الفجر ٣ وضوء ب٣ صلوات واغصبي على نفسك ده مش اختياري، ده فرض

متدوريش على الحب لأنه مش موجود إلا بالعشرة فقط، بالإضافة انه ممنوع شرعا خارج الزواج. لكن محدش هيتضايق منك لسنانك يعني!! فلان مش مركز معاكي عادي، فلانه مش بتحبك عادي...مش شرط سنانك خالص أصل انتي مش بتعضي يعني!! ركزي مع نفسك وحياتك ومتهتميش بمحبة الناس

انا كنت مبرمج سابقا (مهندس اختبار اختراق) وكنت علمي علوم برضو هقولك تجربتي لعل تفيدك روحت اقدم في معهد خاص بالساعات ملوش علاقة بدراستي الجامعية (هندسة) لقيتهم بيقدموا شهادات فقط لكن محتوى حقيقي مفيش. اعتمدت على الكورسات الأجنبية والعربية على النت لحد ما وصلت لمستوى يشار ليا فيه بالأصابع! وسيبت المجال ده لأسباب أمنية🙃. عموما الكورسات افضل، ادرسي في الجامعة مع كورسات للبرمجة هتوصلي لمستوى كويس، ومجال البرمجة ملوش دعوة بالشهادات الرسمية..المهم المستوى.

لازم اولا تعترفي بخطئك إن كنتي قصرتي في المذاكرة وان ده تهاون منك. خطأ الناس انها وقفت لكن خطأ منك انك محاولتيش تشوفي اي مصدر دخل وقتها. عموما انتي خلصتي امتحانات ومؤكد فيه كلية تقبل بمجموعك حكومة، فبلاش تركزي مع الخاص، عيشي الواقع. مفيش حل غير انك مع الكلية او المعهد تشتغلي حاجة تليق بحالتك الصحية تصرفي وتسددي الديون. وبلاش مسألة الديون متعيشيش على الديون، لأن السلف تلف وهياكل اي فلوس هتجيلك من شغلك ومش هتعرفي تحوشي حاجة للزمن، متنسيش انك بنت.. وروحي لأبوكي وخودي منه غصب عنه.

ما دام الشخص ده تخصص أمهات يبقى متتجوزيهوش! مش مضمون إنه يعمل كده مع والدتك دلوقتي أو بعدين، أو يخونك عموما مع أي واحدة. ومامتك كويسة ما اختلفناش بس ده مش معناه إنه ميحاولش! وفيه علامة استفهام إنه بيجي ليها ولكي!.

الرغبة في الغنى السريع من غير تعب عاوزين يبقوا مليونيرات بسهولة

انا انتظمت بقالي ٤ سنين بطريقة حلوة لحد ما تتعود تصلي الظهر قبل العصر٢٠ دقيقة واعمل كده مع المغرب والعشاء واظبط منبه الفجر ومنيأسش

الخجل من الرجوع إلى الله..من وسوسة الشيطان ما دام توبتي خلاص،ومش لازم إن ضيق الرزق يكون بسبب ذنبك!! الصحابة كان فيهم الفقراء. ادعي ربنا وصلي واسعي

فيه طريقة سهلة لحد ما تتعود قبل العصر ب٢٠د اتوضى وصلي الظهر، هيأذن العصر صليه. ونعمل كده مع المغرب والعشاء أما الفجر فالمنبه ومنيأسش كده اتوضينا ٣ وصلينا بيهم ٥

مينفعش البحث عن أمور زي دي، المنهج والدراسة فيها اللي يكفي من معلومات، لأن كده بتفتح باب شر

الخجل من الرجوع إلى الله..من وسوسة الشيطان لازم ترجع إلى الله وتتوب حتى لو عملت الذنب ألف مرة في اليوم، وكل مرة ربنا بيتقبل التوبة منك وفي نفس الوقت تجاهد نفسك، وكل ما ترتكب الذنب توب

ده مش حب، ده أشبه بتلذذ المرء بالجروح لازم تصبري على عدم الكلام معاه أو مع غيره، لأن النار محدش بيصبر عليها. ومتسمعيش كلام حد في معصية الله، حتى لو كان والدك ووالدتك

طبعا مش لطيف الزوج يشتم الزوجة أو أهلها، لكن.. مفيش زوج محصلش منه كده إلا قليل، حاولي تحبيه ومتركزيش مع أخطاءه، لو كل واحدة راحت اشتكت من ان زوجها مش طايق أهلها مكنش واحدة كملت. وهو حقه يقولك تخرجي أو لا وتقعدي عند أهلك أو لا، وبالمناسبة انتي اتجوزتيه وقبلتي تكملي معاه وانتي عارفه انك هتخدمي أهله.

شوفي مسألة الحب من طرف واحد لازم تنسيها لأنك كده بتعذبي نفسك، ومسألة الإنتحار كمان، وإنك تكوني صداقات مع ولاد!! من امتى وفيه صداقة بين ولد وبنت! قاعدتين عند الولاد: مبنتجوزش اللي بنصاحبها، ومفيش صداقة فيه صحوبية. سيبك من موضوع أصل أنا وحشة وأنا حلوة، في الزمن ده كلنا بندور على المحترمة المتدينة فقط، لأن جمالك مش هيفتح بيت! بالإضافة مين قال إن التخن عيب؟ متعرفيش الرجالة بتفكر إزاي إحنا معظمنا بيميل للمليانة أكتر من الرفيعة. سيبك من كل الأفكار دي إنتي صغيرة على التفكير في الجواز والكلام ده، ومتقلقيش لما يجي النصيب مش هيبص للي انتي فاكراه عيوب.

فيه مراكز أو مستشفيات حكومية جديدة كويسه، الإهتمام فيها ممتاز شوفي في مدينتك

كل ما هو يخالف الشرع والعرف، لازم تقفي عنده لأن مخالفة الشرع معناها إنه غير تقي فلن يتقي الله فيكي، ومخالفة العرف معناها إنه هيجيب لنفسه وليكي الكلام السيء من الناس. والإستمرار في أذيتك بعد ما يعرف إنك بتتأذي غير كده من مشاكل فهي سهلة

اعرفي منه السبب وحلي المشكلة، لو متحلتش متروحيش لأنه لا يجوز ولأن الموضوع هيكبر، واسألي عنها في التليفون.

فضفضي هنا وانتي مجهولة، لكن أبدا متسلميش حد مش أمين أسرارك ومفاتيحك؛ وإلا فالفضيحة والأذى.

لازم تشوف دكتور، وعموما توضأ عند كل صلاة ونضف منطقة الإفرازات عند كل وضوء، وإن كانت الإفرازات لا تتوقف أبدا فيجوز ليك الوضوء حتى وهي بتفرز وتصلي وهي بتفرز ولا أي مشكلة.

أولا الصح لا يجوز ليكي مخالطة الشباب أو الكلام معاهم بشكل منفرد، لأنه حرام ولأنه فيه مفاسد كبيرة عاصرناها وشوفناها. ثانيا متندميش ومتفكريش في الصح، إنتي لما بعدتي ده كان القرار الصح، الشيطان ونفسك تدخلك من جوانب تخليكي تكلميه تاني. ثالثا سيبك من كلام الناس، فهو كلام بدون دليل رابعا مترديش على اللي بيعاكسوا، لأنه عرفا الناس بتقول إن البنت بتجر كلام مع المتحرش! فمتجيبيش لنفسك تهمة.. وكمان لأن الموضوع هيكبر وأخف شيء هيحصل هو إنه يشتمك وأكبرها إنه يمد إيده عليكي. متاخديش كل حاجة بالدراع.

انت ملكش دعوة باللي بيحصل بين والدك ووالدتك، وميصحش تتكلم على والدك بالألفاظ دي ولا يجوز تقاطعه أو تقول عليه كده. أنت متعرفش اللي بيحصل بينهم فمتحكمش على حد منهم، وانت لو أبوك ضربك وظلمك لا يجوز ليك لا تقاطعه ولا تشتمه من وراه أو قدامه..

انت شخصت نفسك بإن عندك وسواس موت! عموما الدكتور النفسي أفضل حل، والأفضل تروح لدكتور أنف وأذن كمان.

أكيد فيه سبب، ولازم تحلي السبب اللي وصلك لكده. ولو مفيش سبب يبقى محتاجة تغيري جو شوية لأن السنة لسه طويلة

سيرة ابن هشام هي الأفضل، وبتوصية من أصحاب العلم وهي مشهورة

الشعور بالذنب والحسرة طبيعي، أنا بشعر بنفس الشيء لكن انت قدامك فرصة تخفف عن بعض الشعور ده بإنك تتبرع للهلال الأحمر سواء بفلوس أو بدم وموجود عن طريق الإنترنت والتليفون.

متقلقش من فكرة الموت، اعمل الخير في حياتك والموت هيبقى سعيد بالنسبة ليك عكس ما بتتخيل، ولو روحت لطبيب واداك علاج يبقى لازم تاخده وملكش دعوة بالنشرة لأن الطبيب عارف.

زوجك تصرف التصرف الصحيح، لا يلام الأخ على تصرفات زوجته الحسودة.

هو أساء وكسر بخاطر وفرحة الآخرين وخالف هدي وخُلُق النبي -صلى الله عليه وسلم-.

الأزهر هيعلن النهاردة بعد رؤية الهلال.

وأما التحدث بكلام بذيء بدون إنزال المنيّ لا يفطر بالإجماع. أما التحدث بكلام بذيء بإنزال المنيّ فلا يفطر عند الجمهور إلا المالكية. أما إن كان مع الكلام لمس لنفسه فأنزل المني فيفطر لأنه استمناء ويقضي اليوم بيوم مكانه.

مستشفى العباسية العام ممتازة متقلقيش

محتاحة موقع استضافة hosting ترفعي عليه الموقع. ومحتاجة برنامج ftp علشان ترفعي الملفات للإستضافة

🎤 إجابة صوتية

شوف يا أخويا أنا كلامي هنا في الموقع ده رصاص ولكن انا طول ما بكلمك وانا مبتسم بالرغم إن فيه حاجات لا تجوز انتو الإتنين عملتوها زي كلامكم مع بعض وفيه أذى حصل لكم بسبب والدك ووالدتك ولكن كل ده مخليني مش قادر أتغاضى عن "انكم بتحبوا بعض". بس اعذرني واعتبرني زي اخوك الكبير "انت دَبْش" البنت جت تكلمك وتقولك هنفضل مع بعض لحد ما تخلص امتحانات! هي مش بتجبي عليك ولا حاجة هي بترجعلك بس بشياكة بس انت اندفعت. ولما انت كلمتها تاني متخلصتش من الدبش فهي قالتلك "انت كنت طالب" فانت خلاص بعدت!! انت مبتتعلمش يا ابني؟ انت مدرك ان جملة "انت كنت طالب" دي جملة ملهاش لازمة ولا معنى!! إيه هي مأدركتش انك كنت طالب ألا دلوقتي؟ كانت فاكراك رئيس جامعة؟ هي بتحاول تضايقك لأنها أصلاً متضايقه منك! شوف يا أخويا البنات بيقولوا شيء وهم يقصدوا العكس .. تقلق بس لو كلمتها من رقم او ايميل وعملتلك بلوك أكتر من مرة. فانت دلوقتي قدامك حلين يا تكلمها تاني وتحاول تصلح الدبش بتاعك وإنك عاوز تتقدملها حالاً يا إما تبعد وتسكت وتحط خيبتك في قلبك ومتتكلمش لأنك اللي بعدتها عنك. اعذرني بس مين فينا مدورش على حد يكون بيحبه ومتمسك بيه!! انت مدرك إن أبوك فضحها في شغلها وهي فضلت متمسكه بيك؟؟! انت معانا ولا مع الأسف يا أخويا!! البنت بتحبك

🎤 إجابة صوتية

الشيعة هم في الأصل من كانوا مع سيدنا عليّ في حروب الفتنة وحروب الخوارج. ولكنهم غالوا في حب سيدنا عليّ حتى ضلوا وأضلوا، بل منهم من كفر وهم أكثرية الشيعة. بل إن سيدنا عليّ نفسه ذم من غالى في حبه. وهم نعم على باطل بل إن لم يكونوا على باطل فلا أعلم من سيكون على باطل!! والحق هو عقيدة أهل السنة والجماعة (عقيدة أهل الحديث)

يجوز إزالة ما حول عظم الحاجب من شعر متناثر سواء رجل او امرأة، أما من ناحية تقصير الحاجب حيث كان الشعر طويل فيجوز إن كان الطول جعل شكل الشخص منفرا

هو أولاً لا يجوز الكلام مع الخطيب وحدكما. ثانيًا لو هتتكلموا قدام العيلة فيبقى انكم تحكوا لبعض ايه اللي حصل في يومكم ومفيش مشكلة لو خرجتوا مع "مِحْرِم" في أي مكان شوية

أولاً ملكيش دعوة انتي بكل ده، دي صلة رحم انتي مجبرة عليها وتأثمي على قطعها. ثانيًا انت كانت والدتك عاوزة تحسن لوالدك تروح وتبر جدتك، وعلشان يمين والدك ميقعش وتبقى اطلقت تطليقة. ثالثًا المعروف ان الكبير لما بيغلط في الصغير، الصغير مبيردش الصاع صاعين للكبير! والدتك لازم تلم الأمور شوية حتى لو مظلومة لأن دي أم زوجها وطبيعي والدك مش هيقف مع زوجته قصاد أمه!!! خلي والدتك تلم الموضوع ومتقفش راس براس لأن والدك مش هيرضى بالوضع ده.

مجموع فتاوى ابن باز (15/ 214) إذا أصاب المسلم مرض في البطن أو غيره لا يستطيع معه الصوم، أو يشق عليه الصوم، فإنه يفطر ثم يقضي بعد الشفاء

معظم اللي مهتمين بالفلسفة اليونانية لو قولتلهم عدد ركعات التراويح كام مش هيعرف! بالاضافة الفلسفة فيها ما يخالف العقيدة فعامتا لا تهمنا.

🎤 إجابة صوتية

السلام عليكم ورحمه الله وبركاته اختلف العلماء في وقت صلاه العشاء وقت الذي يجوز ان تصلى فيه صلاه العشاء وتكون اداء يعني تكون في وقتها لا تكون قضاء بين الذين قالوا انها تنتهي او ينتهي الوقت بذهاب الثلث الاول من الليل وهو مذهب المالكيه وبين من قال بان ينتهي وقت العشاء بطلوع الفجر وهو مذهب الجمهور . وبالتالي لو هناخذ بالجمهور يبقى يجوز ان تؤخر صلاه العشاء عن الثلث الاول من الليل اما مساله الساعه 12 فهي مساله غريبة. اذا كان التفكير بان نصف الليل هو الساعه 12 تفكير خاطئ لان نصف الليل لا يحسب كذلك نصف الليل في الشرع غير النصف الليل في التوقيت الافرنجي زي ما بنسميه نصف الليل في الشرع هو ان الواحد يحسب وقت المغرب غروب الشمس ويحسب وقت طلوع الفجر يعني مثلا المغرب بيبقى الساعه سته. وطلوع الفجر بيبقى الساعه اربعه. فنحسب الاتنين كم عشر ساعات يعني ما بين دول عشر ساعات. فنقسم على النص تكون ٥ ساعات فنضيفها للمغرب يبقى نص الليل الساعة ١١ والتراويح وقتها ممدود للفجر

انتي زي أختنا الصغيرة شوفي: 1- لا يجوز أساسًا يكون فيه كلام بينك وبين راجل، الأول قالك هاجي أتقدملك لما أكون جاهز. خلاص كده كلامكم يخلص متكلميهوش تاني لأنه محرم وعلشان متقلليش من كرامتك. 2- لو اتقدملك في الفترة دي حد وهو مناسب وافقي عليه لأنك مش عارفة التاني هيصدق في كلامه ولا لأ! وهل هيقدر يكون جاهز في الوقت المناسب ولا هيقعد كتير على ما يكون جاهز! 3- أه عادي إن ربنا لا يقبل دعاءك خاصتًا لو الشخص الأول ده مؤدب ومتدين ومحترم، قد ربنا يبعدك عنه للسبب ده أو لسبب آخر. الذنوب عمومًا ممكن تتسبب إن دعاء الواحد لا يستجاب حتى في أوقات الإستجابة. 4- خليكي مع نفسك بلاش تكلمي ولاد، النهاية دايمًا بتبقى معروفة النهاية وهتبقى نهاية سوداء لأننا مشينا في طريقك ده وندمانين وبنضرب نفسنا 100 جزمة على الماضي. 5- اعرفي إن كلامك مع أي ولد هو خيانة لثقة أهلك، وبتظهري للي بتكلمية إن والدك لم يحسن التربية وإنه شخص لا يتحكم في أهل بيته كما ينبغي! كلامي جاف بس والله احنا خايفين عليكي ومحدش هيصارحك بده لكنه حقيقي، انتي فاكرة إن الولاد لو حصل مشكلة بينك وبينهم مش هيجيبوا سيرة والدك إنك بتكلمي ولاد وإنه معرفش يربي!! الحاج أكيد ربّاكي لكن انتي بتظهري والدك بالشكل السيء ده قدام الناس. وهقول تاني أنا مش بشتم والله -احنا مش أهل سوء- لكن أنا بقولك اللي بيحصل وبيدور وسط الناس.

انت فاكر ان اللي عنده رياء ضميره بيقوله؟ ده شيطان متركزش بل اعمل ثواب اكتر واكتر

يجب أن تخبر أباك، هو المسئول عن الأسرة ما دام لم ترتجع، لكن أخبرها أولا أنك ستخبره لعلها تقطع علاقتها به ولا تخبر أباك حينها.

ربنا يرزقك بالزوجة الصالحة والذرية الصالحة ويهديك للصواب..... اه مشكلة مؤقتة ومش عاوز اقولك كتير من الشباب كده للأسف مع كتر الفتن اللي في الشارع والتلفزيون إلخ

1- مقولتش انتي تبدئي بالسلام، بل أقصد لو هي بدأت. 2- تصرفك صح، بس اوعي تغيريه لو قابلتيها تاني، حتى لو جَت وقفت قدامك اعتبريها هوا. 3- خلي الشغل شغل، مفيش تعدي حدود، ولو تعدت حدودها لازم تنبهي وتنتبهي إن ممكن وقتك في المكان ده بيخلص فتجهزي شغل تاني ومكان تاني. 4- متخليش الموضوع ياخد حيز من حياتك، تجاهلي الذكريات أصلاً لأنك لو ركزتي هتأثر فيكي بالسلب وهتتألمي في حين انها عايشه حياتها ظالمة ومبسوطة!! انا بحكيلك من تجارب شخصية ممكن تِحَزِّنِك طول عمرك لو سمعتيها

حلو برضو مش وحش، بس الأفضل تبينيلها انك مش فارق معاكي، حصلتلي مواقف زي دي وحرقت دمهم بالتجاهل

الاستخارة وقتها قبل الفعل نفسه طبيعي توافقي. لما تشوفيه صليها ومتسأليش السبب وملكيش دعوة سابها ليه، شيءميخصكيش المهم يكون كويس معاكي

اما بيحاول يغيرك للأحسن أو الأسوأ لو الاول تمام عاوز مصلحتك، لو التاني فلا. بخلاف ان كلامكم سوا برة اطار الخطوبة محرم.

حسب المعهد، يعني معهد نظم ومعلومات مدينة نصر مش بيهتم بالسن ولا الدراسة ولا شيء وهو حكومي.

اما لو قررتي تدخلي بعد ما تخلصي جامعة، فهيبقى تعليم حر خاص فقط

اتكلمي مع الزوج ان زي ما انتي مبتحكيش اسراركم للي برة مينفعش يحكي هو كمان، وان دي اسرار بين زوج وزوجته طبعا اتكلمي بطريقة حلوة لأنك لو ضايقتيه بالكلام الدنيا هتولع.

لازم حضرتك تزعلي على الثقة اللي وقعت، معنى انه قال كده انك حطيتي حاجز بينكم وهو هيشيل الصمت ده لما يتأكد انك اتعلمتي من الخطأ وإلا هتكرريه

ممكن فيه حاجة مضايقاكي، أو إرهاق مثلا هي دي الأسباب اللي أقصدها

انا معرفش طبيعة التطبيقات دي لذلك معرفش ربا ولا لأ

الأخت منة حسام، إزاي ياخد التوبة واحدة واحدة؟ إن نوى على عدم فعل الشيء فمش هيعمله، ما دام خد خطوة التوبة منقولوش ارجع عنها،، أنا بطلت سماع اغاني مرة واحدة، ولو دندن فده خطأ بسيط يقدر يتوب ويتداركه.

يا أخي لا تفت بدون علم متسرعًا. نزول المني متعمدًا ليس في كل حالاته الكفارة بل وحتى القضاء يختلف بين يوم و60 يوم.

هذا نقلاً لاجتهاد بعض الفقهاء، أما نقل الأحاديث فلن يفيد غير طالب العلم في شيء، وأما طريقة الإزالة فأوضحناها.

كلامك صح، واضيف وضع الدين عن الغارم مش من الزكاة.

إن زنى رجل بإمرأة، أنقول لأحدهما إن أراد التوبة اجعل الآخر يسامحك؟! على ماذا؟ هو لم يظلمها في شيء هو دعاها لنفسه وهي استجابت! فكل منهما ظلم نفسه. نقرأ في الفقه منذ سنين ونخالط العلماء ولم نسمع بأن الرجل المخطيء يستسمح التي أخطئت معه بموافقتها وعلمها بالحرام، بل الأولى إن استسمح أن يكون من وليّ أمرها حينها. فنرجو عدم الإفتاء إلا بنقل وعلم.

لا هو طبيعي الكسل بسبب التعب بعد الصيام، لكن مش طبيعي إنك متذاكرش خالص سواء قبل او بعد الإلتزام واعرف إن الإلتزام بيجيب خير، فلو جه شر اعرف إنه من نفسك ولازم تصلح الخطأ اللي عندك، واتعود إنك تذاكر في النهار حتى في رمضان.

واعذرني إذا كان كلامك ده مش مبرر للسحر .. ايه شكل المبرر!

شوف فيه فرق بين التوقعات المبنية على أسس علمية وتظل مجرد توقعات لا تمت للسحر والكهانة بصلة وده الأرصاد الجوية .. فمثلا سيدنا عمر قال لما شاف نجم أنها ستمطر فهذا لم يمنعه العلماء.،،،،،، وهناك فرق بين أن تستخدم أساليب هي أساسا من السحر وليست علمية! أخبرني ألنجوم والكواكب لها دخل في ما كتبه الله علينا؟ هل تدرك أن كتب السحر مليئة بحركة الكواكب وأثرها على ما يحدث للإنسان! فإذا علمنا أن السحر يختلف عن العلم. هذا بخلاف أن السحرة يدعون معرفة الغيب وان كذا سيحدث وان حالتك النفسية مرتبطة بكوكب كذا في شهر كذا وكله باطل لأنه أولا يخالف الدين فالله كتب كل شئ علينا فيحدث ما كتبه علينا ولا تقدر المخلوقات على التدخل، اذهب لكتب الفيزياء والفلك ستجدهم أنفسهم يرفضون السحر.،،، هذا بخلاف أنه لا شئ اسمه طاقة ايجابية فهذا مصطلح وكلام باطل جاء من عباد بوذا أصحاب الديانات الوثنية.

بل وإن صلاة المرأة في بيتها عند الحنابلة أفضل: فتاوى نور على الدرب للعثيمين (8/ 2، بترقيم الشاملة آليا): (إذا خرجت المرأة لصلاة التراويح في المسجد وزوجها غير راضٍ عنها ويقول لها صلى في البيت آجر لك ما صحة هذا بارك الله فيكم؟ فأجاب رحمه الله تعالى: نقول أولاً للزوج لا تمنع امرأتك من الخروج إلى المسجد فإن النبي صلى الله عليه وسلم نهاك عن ذلك فقال (لا تمنعوا إماء الله مساجد الله) ونقول للزوجة إذا منعك الزوج فأطيعيه لأنه قد لا يمنعك إلا لمصلحة أو خوف فتنة وهو كما قال من أن صلاتك في البيت أفضل من صلاتك في المسجد لقول النبي صلى الله عليه وسلم (وبيوتهنّ خير لهنّ) ).

خلاص يبقى سيبيه يشوف نصيبه وانتي برضو، حتى لو مرتاحه معاه وشكله مش عاجبك عادي، انتي هتتجوزي فلازم تكوني متقبلة شريك حياتك بس بدون سخرية او شعور بالقرف من شكله!

مش شرط يقوله على السبب او اللي عمله لكن يرجع له حقه فقط

إن شاء الله، ربنا معاكي ويوفقك.

ليه شغال عند مجوس؟ خلاص اخرجوا صلوا برة أو كل واحد يصلي لوحده ولو لقيت شغل أحسن ابقى سيب ده.

اسمه مودابكس moodapex حباية او اتنين بس في اليوم بس انا مش مسئول لو كان مضر ليك فاقرأ نشرته الأول.

وأما قولك على كتب الكتاب فهو مش معقول، أصل هو أصبح زوجها شرعا وقانونًا ولو فرضنا دايمًا مسألة "هو يمكن كويس او وحش" يبقى مش هيحصل بينهم شئ بعد الزواج، أصل هو ممكن يطلع وحش. فما دام كتبوا الكتاب فهو أصبح زوجها إلا إنه لا يمسها أبدًا منعًا لأي تصرف دنيء.

(في المسألة خلاف فقهي بالنسبة للمخطوبين) بين من حرم الكلام بين المخطوبين وبين من أباحه بضوابط وللضرورة وبإختصار. سئل الشيخ صالح الفوزان حفظه الله عن مكالمة الخطيب لخطيبته عبر الهاتف هل هو جائز شرعا أم لا؟ فأجاب: " مكالمة الخطيب لخطيبته عبر الهاتف لا بأس به؛ إذا كان بعد الاستجابة له، وكان الكلام من أجل المفاهمة، وبقدر الحاجة، وليس فيه فتنة، وكون ذلك عن طريق وليها أتم وأبعد عن الريبة " انتهى من "المنتقى" (3/163) موسوعة الفتاوى الشاملة (7/ 1848) وقد أجاز بعض العلماء كلام الرجل مع خطيبته إذا كان من أجل التفاهم في أمور الزواج، بشرط أن يكون الكلام بقدر الحاجة، ولا يتم التوسع فيه والتطويل، وبشرط ألا يكون في ذلك فتنة أو إثارة شهوة.

طبيعي الاب يكون خايف على بنته، عامتا صحابك متحكيش لهم حاجة لأن لو حصل خلاف متعرفيش هيصونوا السر ولا لأ

احنا هنا اهو متوفرين معظم الأوقات تقدري تعتبرينا بير أسرارك لأننا لا نعرفك ولا انتي تعرفينا، وهنشير عليكي بالصح إن شاء الله. ،،، ووالدتك حاولي معاها تاني وتالت دي والدتك وفهميها طريقة تفكيرك وإن الأسرار فيه حاجات مينفعش تتقال للأب ،، هي والدتك عاوزه الأب يبقى حاضر ويمسك زمام البيت وده صح بس مش لازم يظهر هو في الصورة خصوصا ان المشكلة دي الأم افضل من الأب فيها.

سلي نفسك في المفيد اللي يحسن منك مش اللي ياخدك لطريق احنا خرجنا منه بالعافية، الأمر وما فيه ان الواحد دلوقتي بيتسلى شوية شوية هيلاقي ان التسالي أصبحت جزء من حياته ميقدرش يبعد عنها، وهنا الشخص بيكون وقع في المحظور. واعرفي دايما إن المشاعر متنفعش تسلية وإن التسلية تكون باللي يجوز وأباحه ربنا لينا،، واحد بيسلي وقته يقوم يقتل 😅 إنتي لحد الآن في أول الطريق سهل تقفلي الصفحة دي وبكرة تقولي الشافعي كان عنده حق.،،،، وبالنسبة لوالدتك تقدري تحطي معاها قانون إن اللي تحكيه لها مش هيخرج برة وإن ده سر والمفروض هي خزنة أسرارك،،،،، طب لو والدتك استمرت على إفشاء السر وقتها تعالي لأي جروب او تطبيق زي ده واستشيري. وربنا معاكي ويحفظك.

انا عارف إنك لسه في المراهقة وواضح انك عاقلة وعارفه آخرة الموضوع ده إيه..مشاعرك على عيني وراسي بس انتي مشاعرك دي مش حقيقية أبدا واحنا كنا مكانك وعارفين ده احنا جايينلك من المستقبل. إلحقي نفسك بدري احنا عانينا والله على ما ربنا صلح حالنا فمتبقيش زينا.

التدين والخلق هما الأساس ولكن مش هما الأسباب الوحيدة، لذلك انا فصَّلتلك المسئلة سواء كان متدين أو لأ مع الماديات. ممكن أقولك هو متدين بس مش هيقدر يصرف عليكي بالشكل اللي هيخليكي تقدري تكملي معاه الحياة، فأقولك لو مش هتقبلي الوضع ده يبقى من البداية غيره أفضل لكي. أو مثلاً هو أهله سيئين فمش هتقدر تتأقلم على سوء أهله فنقولها خلاص غيره أحسن......ولذلك قولت (مش هما الأسباب الوحيدة). فيه اللي تقدر تعيش في مستوى أقل وفيه اللي متقدرش هي قدرات واختيارات لكن الأساس يظل موجود (اختيار صاحب الدين والخلق). ولو هو زي ما بتقولي وضعه المادي انتي راضيه به، وهو متدين ومحترم وخلوق يبقى أنا أسف .. إزاي لحد الآن مبقاش فيه خطوبة رسمي؟! لأن النوع ده قليل حاليًا

انا اسف عليكي وعلى الأكلات الدسمة المليئة بالدهون والكربوهيدرات والأكل بالليل كل ده بيزود الوزن

تنام وقت ما بتنام يعني بعد الفجر وتضبط المنبه على إنه يصحيك من النوم بعد 3 ساعات بالضبط وبعدها تصحى لليل.

محرم، لأنه اعتماد على وهم مهما ظننت أنه يفيد فهو وهم وليس بطريق شرعي أمرنا الله به! ونضيف هنا : أن أصحاب الفلسفة المادية الحديثة جعلوا "العقل اللاواعي" صنما يعبدونه من دون الله ، يشفيهم ، ويرزقهم ، ويعطيهم ، فيتوجهون إليه بقلوبهم، ويخاطبونه بألسنتهم، ويطلبون منه حوائجهم، وكأنه الرب الخالق المدبر! وكثير من فروع الوثنيات الحديثة تلقى رواجا هذه الأيام ، تحت ستار البرمجة العصبية، وقانون الجذب، والعلاج بالطاقة، فالواجب الحذر من ذلك.

وعليكم السلام ورحمة الله وبركاته يا أختِ الكريمة أعلم أنك لم تقصدي إبتداع شئ ولم أسيء إليك ولم أقصد ذلك أبدًا، ولذلك انا قولت "فعل مبتدَع" وليس "هي مبتدعة" فلذلك انا حذرت من الفعل فقط، لأن الوضوء عبادة والعبادات لا تُفعَل إلا بأثر عن النبي أو الصحابة. وأفهم لماذا نصحتيها بذلك. أما الرجوع للطاعة فهو بالفعل صعب لكن طريقة الرجوع (التي ذكرتُها) تسهل الرجوع فيزيل الإشكال والكسل..وإنها لو خصصت وقت الصلاة في أيام عذرها في قراءة القرآن هذا جيد لأنها شغلت هذا الوقت بعبادة أيضا.

بالرغم إن اسمك مريب، إلا إن ده الحقيقي. وإسعافه زي ما قال أخونا فوق أمر مش طبيعي لأننا مأمورين بقتله حتى لو في الحرم.

وهل الإنسان يعلم مصيره عند ربنا من جنة أو نار علشان نقول الموت أرحم له من الألم؟!

مسألة إنه مش جن خطأ لو انتي مسلمة. الكلام اللي نقلته هو كلام ل"طبيب مسلم" مشهور اسمه حسان شمسي باشا. وأما أن الجاثوم بسبب "الزعل" فالحقيقة كلام الطبيب أوثق من تشخيص العامة. وأما تشخيصك لنفسك فأظن تشخيصك يكفي ولا حاجة للسؤال ولا الذهاب للأطباء ما دام انتي شايفه إن جوجل أصح :)

يا اخويا انا مش عدوك أقسم بالله انا حاسس بيك

لا روح لجلدية لان العرق في الاصل مشكلة تبع الجلد، لو هو لاحظ حاجة هيحولك لتخصص تاني، وإن شاء الله هيكون عرق زائد من غير اي مرض لأني زيك بس انا بعرق من كل جسمي حتى صوابعي، ومؤقتا استخدم مزيلات عرق قوية او "مسك مكعبات جامد" بتدهن بيه جسمك هيخليك زي الفل زي ده https://www.amazon.eg/dp/B081TN194L?ref_=cm_sw_r_apann_dp_Z2E1XNK75CSPJ2STR3A1

إن شاء الله، العفو يا بشمهندسة، بالعكس مطولتيش ولا حاجة ده انتي خلتيني أعمل بحث كامل عن الموضوع ده وأنشره، أشكرك

كل شئ بالتدريب ومتيأسيش، وادعي ربنا قولي "اللهم أدب نفسي"، ولازم تركزي اول ما المصيبة تقع انك تجبري نفسك بالرضا وتقرأي قرآن بتدبر وتخشعي في صلاتك ده يرقق قلبك ويبعدك عن المحرم.

ده مع تأديب النفس وتهذيبها تقدري تتغيري، انا كنت كده بقيت أجبر نفسي وأدربها وأتناقش كمان واغلبها برحمة ربنا وعطفه وان الإبتلاء قد يرفع درجتي، قال النبي أن الصبر هو الذي عند الوهلة الاولى من المصيبة،، هذبي نفسك، انا عملت كده

الحزن والفرح طبيعي، الفكرة انك تكوني مقتنعة ان ده خير وان الحمد لله دي من اقتناع أي من قلبك يعني لكن انك حزينة ده عادي.،، والواحد بيحاول يجبر نفسه على الرضا حتى وإن نفسه موافقتش

ببساطة تعرفي إن اللي جالك مكنش هيفوتك، واللي فاتك مكنش هيجيلك.،،أي تجبري نفسك على الرضا بقضاء الله كله في المصيبة والفرح

شوف يا اخويا لو قبلت اكون اخوك واساعدك، عندك الفيس بتاعي على صفحتي، احنا اخوة وكلنا بنحاول نبعد عن الحرام ، بس انت لازم تستعين بالله مش ببشر لأنه هو اللي هيهديك ويديك الصبر.،،،،،وزي ما قالتلك البشمهندسة أسماء لازم تعرف ضرر وعقاب الذنب ده، وتاخد قرار تتمسك بيه مهما حصل وإن حسيت انك هتذنب "اذكر ربنا"

https://baby.webteb.com/articles/ادوية-البرد-خلال-الرضاعة-ايها-اكثر-امنا_21703

حاول انت توصلها وتسألها