شفت واحده معايا فى الشغل هى فى قسم ملناش تعامل معاه بس هى بتقعد قريب من المكتب بتاعنا يعنى فبشوفها دايما عجبنى فيها احترامها ولبسها كتير بصراحة فايه الطريقة اللى ممكن اتعرف عليها وبعدها اخطبها على طول طبعا لانى مش عارف اسمها حتى ولا هى من فين ولا اي حاجة عنها فممكن حد يفيدنى؟
السلام عليكم ورحمه الله وبركاته. طيب يعني هو في طريقه هي الافضل وهو ان احنا نحاول نشوف كده اي شخص يكون مشترك زي مثلا الاتش ار ممكن بيتعملها كل الاقسام اييي او يعني نلاحظ فتره كده مثلا يعني يكون في مناسبه خاصه بدخول العام الجديد يعني ده انا هقول مثال احنا ممكن بس نشوف ايه اقرب مناسبه لايه ونجيب اي حاجه بسيطه وبنوزعها على المكتب كله او حتى القسم ده احنا مش بنتعامل معاه ونقول يا جماعه بس يعني انا جيت حبيت اقول كل سنه وانتم طيبين للناس اللي موجوده وانا بقدم لها هي الحاجات دي اقول لها حضرتك طيبه انا بصراحه يعني ده اودي اعجابي بذوقك في اللبس وطريقتك ويعني استاذنك لو اقدر اتكلم معاكي في موضوع خاص هكون شاكر جدا وده هيبان بقى يعني لو البنت عندها استعداد هتقول لك تمام اوكي ولو ما عندهاش استعداد ترفض بشكل قطعي او هيبان من رد فعل يعني خلينا نقول ده اقتراح واتمنى ان انا اكون افد.ونشوف شخصيه كوم بتتعامل معاها بشكل مقرب شويه ونقدر نروح الشخصيه دي لو احنا كلام معاها ونبدا ايه يعني نتساءل بس التساؤل ده بشكل واضح جدا ما يكونش فيه اي حاجات تبقى مبهمه علشان ما توصلش اي رساله على طول بس نوضح ان احنا نيتنا. ان احنا نتقدم للبنت دي بس حابين نتاكد من ظروفها قبل ما ناخذ اي خطوه نسال الاسئله المهمه مثلا هل هي مرتبطه؟ هل في عندها اي مانع من الارتباط عشان ما نبقاش بتحرج نفسنا هل ليها متطلبات معينه مثلا والله الشخصيه دي قدرت ان هي توصل لنا الاجابات هيبقى شيء جميل طيب ما قدرناش نوصل للاجابات وممكن اي شخص يقول انا احرج ان انا احاول اسالها النوع ده من الاسئله فاحنا ممكن خلاص بكل بكل شياكه احنا ممكن نستنى اي مناسبه قريبه مثلا وااا حاجه للمكتب كله
تم النشر الأربعاء، ٢٠ أغسطس ٢٠٢٥
أهلاً بك! فكرة الخطوة للتعرف على شخص جديد أو ما تعرفش عنه حاجة بتحتاج شوية حذر وحكمة، خصوصًا لو مش متأكد إن الوقت والمكان مناسبين. خليني أساعدك خطوة خطوة باللي ممكن تعمله: البداية بالتعارف الودي البسيط لما تشوفها، ممكن تبدأ تحييها بطريقة عفوية وبسيطة مثل "السلام عليكم" أو "صباح الخير". التعرف التدريجي ممكن تسألها سؤال بسيط عن قسمها أو عن حاجة في الشغل اللي هي واضحة إنكم مش بتتعاملوا معاها لكن بتلاحظها. إبداء الاحترام والنية الواضحة أهم حاجة تخلي نيتك واضحة ومتزنة، وتظهر الاحترام في كلامك وتصرفاتك. النساء يحترمن الرجل اللي بيظهر جديته بدون استعجال. طريقة طلب الخطبة قبل ما تخطبها مباشرة، حاول تسأل عن أهلها عن طريقها أو طلب أرقام أهلها بطريقة محترمة. الخطبة في الإسلام مبنية على احترام الطرفين والأسرتين، فلازم تكون الخطوة دي مدروسة ومبنية على قبول الطرف الآخر وبعد معرفة الظروف بدقة. نصيحة أخوية وشخصية خلي خطواتك تدريجية وعاقلة حتى لا تكون المواقف محرجة. احرص على أن تكون طريقك محترم يتوافق مع تعاليم ديننا الحنيف، ولا تتسرع في الخطوة قبل أن تحصل على موافقة منها وأهلها. لو حبيت، ممكن تتابع أسئلة وتجارب ناس تانية في فدني على نفس الموضوع لتستفيد أكثر، أو حتى تطلب مساعدة من أحد خبراء العلاقات الاجتماعية في فدني. أنا دائمًا هنا أساعدك في أي خطوة تحتاجها.
تم النشر الأربعاء، ٢٠ أغسطس ٢٠٢٥
ماهو يا غالي الخطوبه هتعرفك كل حاجه لاكن كده مش هتعرف عنها غير ابوها وهي هتفضل في نظرك ملاك مش هتعرف هي عصبية أو نضيفه غير لما تخطب وتدخل بيتهم ولو مرتحتش فشكل عادي لاكن اللي بيحصل اغلب الشباب يقولك أنا اتعرف عليها ونعرف افكار بعض قبل ما اتقدم والله ربنا مش بيبارك في أي جوازه كانت بدايتها لا ترضى الله علشان هتكون نهايتها لا ترضيك
تم النشر الخميس، ٢١ أغسطس ٢٠٢٥
ممكن تسأل عليها رئيس القسم بتاعها او ممكن تدخل مره تاخد اوردرات الأكل وممكن تدخل ليها مباشر تسألها عن رقم باباها طول ما انت جاد هي هتتفهم موقفك و إن شاء الله تطلع من نصيبك وربنا يفرح قلبك ويرزقك ببنت الحلال
تم النشر الأربعاء، ٢٠ أغسطس ٢٠٢٥
انا كنت بفكر انه حد يكلمها الاول يقولها وبعدين ادخل انا
تم النشر الجمعة، ٢٢ أغسطس ٢٠٢٥
يعنى دى طريقة صح
تم النشر الجمعة، ٢٢ أغسطس ٢٠٢٥
طيب يسطا ما تكلمها وتاخد رقم والدها وكده كده انت بتقول انها هاديه وباين عليها محترمه وربنا يقدم اللي فيه الخير
تم النشر الجمعة، ٢٢ أغسطس ٢٠٢٥
لا مش قصدى كدا والله قصدى اعرف هى مين الاول وبعدين نبدا ندخل فى مرحله الخطوبة
تم النشر الخميس، ٢١ أغسطس ٢٠٢٥
ياارب ربنا يكرمك بس انا مش عايز الدخله على ابوها على طول الاهم اعرف تفاصيل اعرف هى منين ابوها مين كدا يعنى علشان ميحصلش اى مشاكل بس بعد كدا
تم النشر الأربعاء، ٢٠ أغسطس ٢٠٢٥
لعرض السؤال في فدني اضغط هنا