انا طالب جامعي وباقيلي سنه وأتخرج لكن كأي شخص طبيعي اعجبت بفتاه معايا في الكليه اكن معرفش عنها اي حاجه غير مجرد اسمها فقط وناوي لو فيه نصيب اتقدم
سؤالي هو ازاي افتح كلام معاها وازاي اعمل ده وازاي اتقدم او قبل ما اتقدم عاوز اعرفها مثلا هل مناسبه ولا لا فهل ينفع اكلمها ولا لا
عاوز اعرف كل حاجه من الالف للياء وازاي اعمل ده او ازاي اتعرف عليها بالطريقه الصحيحه
الطريقة الصحيحة هي طريقة لا تخالف الدين و تعاليمه في النقطة دي ، فتحدثك معها لمعرفتها بدون رسميات هو خطأ ولا يجوز ، و لذلك فالخطبة ما هي إلا اتفاق بينك و بين أهلها على مدة زمنية ليتعرف كل منكما على الآخر ، وبالنسبة لنقطة تفتح النوضوع ازاي فأنت كل اللي عليك تطلب رقم والدها ولو مرحبة بالموضوع مبدأيا هتوافق لو العكس هترفض ، و في الحالتين لا يعيبك ولا يعيبها شيئاً فما الزواج إلا إختيار الشخص المناسب لي و اكون مناسب له و ليس المناسب للجميع
تم النشر الثلاثاء، ١٧ مارس ٢٠٢٦
أول حاجة: الإعجاب شعور طبيعي جداً في سنك، وأحسنت إنك تفكر في الزواج من الأول وبتلتزم بالطريقة الصح. بس خلينا نروح للطريقة الصحيحة من الألف للياء، عشان ما تقعش في فتنة وتضمن البركة. هل ينفع تكلمها مباشرة؟ لا، مش ينفع خالص . الإسلام يمنع الاختلاط الحر أو الكلام الخاص قبل الخطبة الرسمية، عشان تحمي نفسك وتحافظ على احترامها. لو عايز تعرفها وتشوف إذا مناسبة، خليك بعيد واستخدم الطرق الحلال. الخطوات العملية خطوة بخطوة (من الألف للياء): اجمع معلومات عامة عنها وعن أهلها (دون كلام مباشر) : اسأل زملاء موثوقين في الكلية (مش أي حد، اختار ناس طيبين ومحترمين) عن اسمها الكامل، كليتها، وأي حاجة عامة زي "بتعمل إيه؟ أهلها منين؟" قول إنك سمعت عنها كويسة وبتفكر في المستقبل، بس بدون تفاصيل شخصية. لو عندكم أصدقاء مشتركين، خليهم يقولوا رأيهم العام (مش يفتحوا كلام معاها نيابة عنك). ادعي وصلِّ الاستخارة : صلِّ استخارة، واسأل ربنا ييسر اللي فيه الخير. دي أهم خطوة، والنصيب بيجي بالدعاء مش بالمغامرة! أشرك أهلك فوراً : قول لأمك أو أختك أو أبوك عن اللي عجبك فيها (صفاتها اللي شفتها زي الالتزام أو الأخلاق). خليهم يستفسروا عن أهلها بشكل رسمي ومحترم، زي "عندنا ابن كويس عايز يتقدم لبنتكم". لو مش عارف عنوان أهلها، ابدأ بالجامعة أو الكلية. لو وافقوا، التقدم الرسمي : روح مع أهلك لأهلها، قدم نفسك كطالب مجتهد هيتخرج قريب، واطلب لقاء قصير معاها بحضور محرم (أبوها أو أخوها) عشان تشوفوا إذا متوافقين في الدين، الخلفية، والأهداف. ركز على الصفات المهمة: التزامها، أخلاق أهلها، توافق في المستقبل (دراسة، شغل، أولاد). لو مفيش نصيب؟ اقبل وقول الحمد لله، ربنا هيفتحلك أحسن. متعلقش، الزواج نصيب وفرج. نصائح إضافية: طور نفسك دلوقتي: خلص دراستك بامتياز، ابدأ شغل جزئي، واشتغل على شخصيتك (رياضة، قراءة، مسجد). لو عايز آراء أكتر، ابحث في فدني عن "كيف أتقدم للخطبة" هتلاقي إجابات كتيرة من خبراء. لو محتاج استشارة شخصية، روح صفحة الخبراء هنا: https://www.fedni.net/experts – فيه مدربين زواج وأسرة هيساعدوك. ربنا ييسرلك يا رب، ويجعلها خير لك. 💕
تم النشر الثلاثاء، ١٧ مارس ٢٠٢٦
الاول اتقس واعرف هي مرتبطه ولا لأ عشان متكسفش نفسك ولو لا روح لها دوغري او خد رقمها وقولها انا فلان الفلان ومعجب بيكي وحابب ادخل البيت من بابه ممكن رقم والدك وشوف ردها وصدقني دا يابني طريق الرجاله ودا الصح برافو عليك
تم النشر الأربعاء، ١٨ مارس ٢٠٢٦
طالما انت معجب بيها فربما تكون ملاحظة او واخدة بالها الافضل انك تاخد رقم والدها منها بطريقة مناسبة لو وافقت يبقى ديه بداية ان كل حاجه تبقى بينكم فى ما يرضي الله انما لو لاء فاختصرت طرق كثير ملهاش لازمة و انصحك طبعا تصلي صلاة استخارة قبل اي حاجه عشان ربنا يسهل لك الموضوع اكثر او تبعد لو لا قدر الله مفيش نصيب
تم النشر الأربعاء، ١٨ مارس ٢٠٢٦
روح أتقدم ليها
تم النشر الأحد، ٢٢ مارس ٢٠٢٦
لو كلمتها هي هتبقى غلطت ، أعرف عنوانها ورقم أبوها بس مش منها هاتوا بأي طريقه من حد تاني بشكل غير مباشر + اتقدم زفي بداية التقدم خطوة الرؤية الشرعيه (جلسة التعارف) وبعدها هتروح تتعرف عليها في بيتها .. ده= احترام و رجوله ومباشرة، ، إنما الحركات اللي من ورا لورا دي وتعارف قبل التقدم بتقلل من قدرك في نظرها حتى لو فرحت بده
تم النشر السبت، ٢١ مارس ٢٠٢٦
الأفضل انك تسألها وش لوش وبطريقه تكون جد اوي عشان متفكرش انك بتعاكسها او بترخم عليها ولازم تكون مرتب نفسك انك تتعامل مع الموقف مهما كان اللي هيحصل كرد فعل غير متوقعه لأنها طبيعي تتوتر وممكن ترفض لمجرد انها اتوترت وعاوزه تهرب وبس ونصيحه نصيحه متحاولش تكلمها شات ابدا ابدا كلمها وش لوش وخد رقم باباها بس اما رقمها هيا تاخده من والدها لو ربنا تمملكم على خير
تم النشر الأربعاء، ١٨ مارس ٢٠٢٦
مهو انا بتقس عشان اعرف هي مرتبطه ولا لا بس مش عاوز اسال حد في الكليه او من صحاابهاا فاهمني مش عاوز افتح على نفسي فاتحه عاوز امشي بمبدا داري عالشمعه تقيد فده اللي بسأل عشانه لو دخلت وعرفت منهاا هي الحاجه دي فيهاا حاجه انا عاوز ادخل دوغري بس مش عاوز اعمل حاجه غير مرضيه لله
تم النشر الأربعاء، ١٨ مارس ٢٠٢٦
لعرض السؤال في فدني اضغط هنا