انا حاسه اني عندي عدم ثقه في النفس بسبب شكلي حقيقي ساعات بتوصل معايا اني اعيط ومنزلش من البيت مع اني ملامحي مقبوله والكل بيقولي عندك قبول وعيونك وابتسامتك حلوين ولما بنزل الكل بيركز معايا بس لو حصل موقف وعديت من جنب حد مثلا وقال وحشه بزعل اوي يعني رأي شخص واحد من وسط 10 بيقفل يومي
النهارده حصل موقف تاني عديت من جنب اتنين قال تقرف الكلب هي ممكن تكون مش عليا بس انا مش شايفاها غير ليا وزعلت ولغيت طلباتي وحسيت اني وحشه فعلا
انا عندي مشكلة مع اهلي من زمان مش بيحبو البنت السمرا وأنا قمحاويه بس بشرتي من النوع الي بيسمر بسرعه من الشمس لو نزلت نص ساعة انزل درجه دايما بستخدم كريمات كتير تفتيح بس مش بفايده وبشرتي دهنيه مش بستحمل الكم دا وبطلع حبوب
والناس لما تبص عليا حرفيا ممكن ابكي ف الشارع دا غير ان معايا واحدة صحبتي بتدور ع عرسان لاخواتها عايزهم بيض وكل شوية تقول الكلام ده قدامي بحس بنقص حتى اخويا بيدور ع عروسه بيضه كل صحابي اتخطبوا بحس ان انا لا عشان لوني وان الاولى واحده بيضه وان ماليش الحق اقبل بحد احلى او ابيض مني عشان هيعايريني وهيكون مجبر عليا
مع ان في كل مكان بعجب اي حد وصحابي بيحسسوني بالنقص دا احنا اتخطبنا عشان حلوين وبيض وانتي وحشه انا مش ف دماغي جواز ولا خطوبه ولا اي حاجه بس كلامهم بيحسسني بنقص مع ان اتقدملي ناس من ونا ف تانيه اعدادي ولحد دلوقتي وبحاول اختار الي يناسبني وصحابي دول مع اول واحد خطب وافقوا فانا تفكيري متلغبط جدا وحاسه بنقص وعدم ثقه من شكلي
يا حبيبتي، أول حاجة أقولها لك إن شعورك بالنقص ده طبيعي جدًا في مجتمع بيربط الجمال بلون البشرة الفاتح، وده مش عيب فيكِ خالص، ده عيب في الثقافة اللي بتضغط علينا كلنا. إحساسك إن رأي شخص واحد يقدر يفسد يومك كامل ده دليل على إن ثقتكِ متأثرة بالخارج أكتر من الداخل، وده شيء ممكن نغيّره خطوة بخطوة. أنتِ مش "وحشة"، وكلام الناس كلام سطحي وسام، ومش لازم تاخديه على محمل شخصي حتى لو كان موجه لكِ. من ناحية بشرتك، اللي بتسمر بسرعة ودهنية، الحل مش في كريمات التفتيح الكتير اللي بتسبب حبوب، لأن ده بيضر البشرة أكتر. ركزي على روتين بسيط وصحي: غسول لطيف مناسب للبشرة الدهنية، واقي شمس يوميًا (ده أهم حاجة عشان تقللي الاسمرار)، ومرطب خفيف. كمان، حاولي تقللي التعرض للشمس في أوقات الذروة، واستخدمي قبعة أو مظلة لو نزلتِ. الجمال الحقيقي بييجي من البشرة الصحية مش الفاتحة، وده يتوافق مع قيمنا الإسلامية اللي بتركز على النظافة والصحة مش اللون. بالنسبة لكلام أهلك وصحابك عن "البنت البيضاء"، ده تحيز ثقافي قديم، ومش لازم يحدد قيمتك. أنتِ عندك قبول وجاذبية زي ما الناس بتقولك، واتقدملك ناس من زمان، يعني فيه ناس بتشوف جمالك الحقيقي. ركزي على تطوير نفسكِ في مجالات تانية: مهارات، دراسة، هوايات، عشان ثقتكِ تبقى مبنية على إنجازاتكِ مش على لون بشرتكِ. كل ما حد يقول كلام سلبي، ردي في دماغكِ "رأيي في نفسي أهم"، وابتعدي تدريجيًا عن اللي بيحسسوكِ بالنقص. لو عايزة تاخدي آراء أكتر، ابحثي عن أسئلة مشابهة على فدني، هتلاقي قصص كتير زي قصتكِ. أنتِ قوية وملامحكِ مقبولة زي ما قالوا، وهتتجاوزي الإحساس ده مع الوقت. أنا هنا لو حابة تتكلمي أكتر.
تم النشر الخميس، ٣ سبتمبر ٢٠٢٦
والله انا اكتر حد بارد من ونا صغيره بسمع بس ساعات مش بقدر استحملهم
تم النشر السبت، ٥ سبتمبر ٢٠٢٦
يارب ابقي زيك😂😂
تم النشر السبت، ٥ سبتمبر ٢٠٢٦
@عابر سبيل هيا لو ع الناس بنسى بس هي بتيجي من اهلي بالاكتر
تم النشر السبت، ٥ سبتمبر ٢٠٢٦
@عابر سبيل 🤍🤍
تم النشر السبت، ٥ سبتمبر ٢٠٢٦
🌚🌚
تم النشر الجمعة، ٤ سبتمبر ٢٠٢٦
طب ابشري و اتفرجي ع نصيبك والعوض ال ربنا هيعوضهولك بإذن الله🌱☝️
تم النشر الجمعة، ٤ سبتمبر ٢٠٢٦
هقول نفس الكلام اللى بقوله لاى حد ينزل نفس المشكلة دى .. الناس مش هتحبك غير لما تحبى نفسك .. الناس هتشوفك بعيونك فدى حاجه مهة جدا .. تانى حاجه لازم تعرفى الناس اذواق مختلفه وده حقهم كل واحد من حقه يحب ويختار اللى يحبه ابيض اسمر قمحى هو حر .. زى ما انتى حره لما يتقدم لك حد وتختارى المناسب ليك ..
تم النشر الجمعة، ٤ سبتمبر ٢٠٢٦
ربنا يبارك فيكي ويحفظك
تم النشر السبت، ٥ سبتمبر ٢٠٢٦
يارب كبري دماغك مفيش حاجه مستهله 😂😂
تم النشر السبت، ٥ سبتمبر ٢٠٢٦
والله العظيم كنت بسمع كلام وازعل بس بعد كده جلدى تخن 😀😂😂
تم النشر السبت، ٥ سبتمبر ٢٠٢٦
لسه صغيره لمه تكبري شويه مش هيفرق معاك حاجه انا كنت زيك بس الحمد لله
تم النشر السبت، ٥ سبتمبر ٢٠٢٦
21
تم النشر السبت، ٥ سبتمبر ٢٠٢٦
انتى كام عمرك
تم النشر السبت، ٥ سبتمبر ٢٠٢٦
حولي تحبي نفسك وسيبك من كلام الناس هترتاحي
تم النشر السبت، ٥ سبتمبر ٢٠٢٦
@حبيبة حبيبتي اللهم آمين 🫂🤍
تم النشر السبت، ٥ سبتمبر ٢٠٢٦
@eslam fayad طيب اعمل ازاي بحب ملامحي وبحب شكلي بس برضو بتأثر
تم النشر السبت، ٥ سبتمبر ٢٠٢٦
لعرض السؤال في فدني اضغط هنا