السلام عليكم ورحمه الله
بعاني من مشكله إني معدنيش أي ثقة في نفسي و كئيبة جدا و وبتراودني على طول افكار انتحارية و منطويه و حرفيا معنديش أصحاب ولا بكلم حد و على طول في صوت جوايا بيقولي إني لو مت حرتاح
و مع الوقت بدأت فعلا اذي نفسي و حاولت انتحر اكتر من مره و على طول بقلل من نفسي قدام الناس و بفضل أدعي على نفسي إني أموت و بصراحه كره الذات دا مأثر على حياتي
على طول حاسه اني قليلة و إني مستحقش الحب أو الحياة مش عارفه ليه لحد ما دخل شخص في حياتي بس الشخص دا طلع مش كويس دلوقتي اكتأبت اكتر و بجد مش عارفه طبيعي بعد الانفصال حاسه اني عايزه أموت على فكرة التعارف الالكتروني بقت بالنسبة ليا عادي أنا مكنتش كدا و دلوقتي أنا مش بكلم حد بس مش حاسه اني طبيعية
وعليكم السلام ورحمة الله وبركاتة اوعي اوعي تفكري في الانتحار اني كدا بتهربي من عذاب وقتي لعذاب ابدي ف لا شيلي الانتحار دا من دماغك الشيطان بيحاول يدخلك الفكره دي عشان يكسب هو اما لا متخليهوش يكسب اقفي قدام المرايه كل يوم وقولي انك جميله وانك بتحبي نفسك ومره عن مره هتبقى كدا فعلا وبالنسبه انك معندكيش صحاب عادي مش حوار يعني، اقعدي ادعي ربنا بالصحبه الصالحه وربنا يهديكي يارب
تم النشر الأحد، ٨ مارس ٢٠٢٦
أنا مقدر جدا هذه الفتره الجارحه والمؤلمه بس تعالي نأخد الموضوع لمحور تاني بإذن الله يجبر المحور المكسور أولا الإنتحار ليس حل بل هروب من عذاب مؤقت إلي عذاب أبدي والعياذ بالله ثانيا إنتي ليكي قيمه كبيره جدا حتى لو إنتي تجهليها أصلا ربنا خلقك عشان بيحبك وعشان ربنا بيحبك كرمك وأدخلك الجنه في بدايه خلقه للبني آدم من قبل ما يعملون حسنات أو سيئات ونفخ فيكي من روحه سبحانه وتعالي وكرمك عن بقية المخلوقات والله لو الإنسان مش بيعمل حاجه في حياته غير ذكر ربنا هذا يكفيه بعد كل دا وحب ربنا لينا وتكريمه لينا يجي الإنسان ويقول أنا بكره نفسي لا يبقى مش عارف قد ايه ربنا بيحبه ويقدره ويرزقه ف عشان كده ملناش غيره (ربي حبيبي) اللي عالم بمشاكلي وعالم هتتحل ازاي عليكي بالدعاء والذكر ربنا يفرج عنكي ما أنتي فيه ويحفظك يا أختي الفاضله
تم النشر الأحد، ٨ مارس ٢٠٢٦
بصي انتي لازم تشوفي نفسك بنظرة تانية اللي هو انتي ليه متتحبيش ليه شايفة نفسك وحشك!! انا عارفه ومجربة ومدركة صعوبة الامر ولكن حقيقي متسيبيش نفسك لاكتئاب ولحزن وحرفيا اسحلي نفسك اهتمام بنفسك واهتمي بها وحبيها انتي تستاهلي ده.. ايا كان ايه ذنوبك وايه اخطاءك والكلام ده كله.. اللي خلقك رب جميل يحب الجمال تستوعبي ان ربنا ممكن يكون خلق حد وحش..؟ يستحيل بجد صدقيني لو بصيتي لنفسك بنظرة تانية هتلاقي نفسك اوتوماتك بتحبي نفسك.. بلاش، تجرحي ف نفسك كل شوية.. متستاهليش تعيشي مش عايشة لأي سبب كان واللي فات مات مينفعش كل يوم احط ايدي ف جرح واقول ليه مش بيتلم.. فكري وشوفي انتي عاوزة ايه.. لو حسيتي انك محتاجة اخصائي نفسك متتردديش ف ده استثمري ف صحتك ونفسك اهم حاجة بجد
تم النشر الأحد، ٨ مارس ٢٠٢٦
بصي يا جميلة.. أول حاجة لازم تعرفيها إنك غالية جداً عند ربنا، مش مجرد كلام. ربنا اللي خلقك وصورك، مستحيل يكون خلقك عشان تكوني قليلة أو ماتستحقيش. الوجع اللي إنتي فيه ده مرض وتعب نفسي، مش حقيقتك ولا قيمتك. وافتكرِي أن ربنا حاسس بيكي، وَنَحْنُ أَقْرَبُ إِلَيْهِ مِنْ حَبْلِ الْوَرِيدِ.. ربنا سامع الوجع اللي مابتعرفيش توصفيه، وشايف دموعك، وعارف إنك بتقاوحي. ما تفتكريش إن سكوتك ده يعني إنك لوحدك. وإنتي مش غلطة الشيطان عايزك تكرهي نفسك وتنهي حياتك عشان يخسرك الدنيا والآخرة، لكن ربنا بيقولك وَلَا تَقْتُلُوا أَنْفُسَكُمْ ۚ إِنَّ اللَّهَ كَانَ بِكُمْ رَحِيمًا.. رحمت ربنا بيكي أكبر بكتير من كرهك لنفسك دلوقتي. والوجع ده ابتلاء مأجورة عليه كل لحظة ضيق وتعب بتعدي عليكي، ربنا بيمسح بيها ذنوب وبيرفع مقامك عنده. بس المهم إنك تطلبي المساعدة وماتسيبيش نفسك للغرق. والناس مش مقياس لو حد دخل حياتك وكسرك، ده عيب فيه هو مش نقص فيكي. قيمتك مش في كلمة من حد أو علاقة فشلت، قيمتك في إنك أمة لله وهو بس اللي يملك يحكم عليكي. نصيحتي ليكي زي ما بنروح للدكتور لما جسمنا بيوجعنا، النفس كمان بتمرض وبتحتاج علاج. الأفكار الانتحارية دي اعراض لمرض الاكتئاب، والعلاج موجود وهيخليكي تشوفي الحياة بألوان تانية. وارمي حمولك على ربنا قومي صلي ركعتين في هدوء، واشتكي لربنا بكل اللي في قلبك، قولي له ..ربي أنا تعبانة وماليش غيرك، خد بإيدي. وبطلي تجلدي نفسك إنتي إنسانة، ومن حقك تضعفي وتزعلي، بس مش من حقك تظلمي نفسك وتصدقي إنك وحشة. الدنيا لسه فيها خير، وإنتي فيكي خير كتير لسه ماظهرش.. ادّي لنفسك فرصة تانية .ماشي يا بطله بعتذر عن الإطالة 😊 وجد ربنا يحفظك ويسعدك
تم النشر السبت، ٧ مارس ٢٠٢٦
وعليكم السلام ورحمة الله وبركاته حبيبتي 🌸 أنا حزينة جداً إنكِ بتمري بالمعاناة الشديدة دي، وده مش طبيعي خالص، بس أنتِ قوية وقادرة تتجاوزيها بإذن الله. الأفكار الانتحارية والكره للذات دي إشارة إنكِ محتاجة دعم فوري، وأول حاجة: النفس أمانة من الله، وهو سبحانه يحبكِ ويختبركِ عشان يرفع درجاتكِ . متفكريش إنكِ قليلة أو مستحقة الموت؛ أنتِ جوهرة في عين ربنا، زي ما قال تعالى: "وَلَقَدْ كَرَّمْنَا بَنِي آدَمَ". خطوات عملية صغيرة تبدئي بيها دلوقتي: اربطي نفسكِ بالله : صلي الفرائض في وقتها، واقري سورة الشرح يومياً (3 مرات صباحاً ومساءً) عشان تفتح الله صدركِ ويزيل همكِ. ادعي: "اللهم أصلح لي شأني كله". ابني ثقتكِ يومياً : اكتبي 3 حاجات شاكرة عليها كل صباح (حتى لو صغيرة زي "النهار الجديد"). وقفي قدام المراية وقولي: "أنا كفاية وأستحق الخير" – كرريها 5 دقايق يومياً. غيري روتينكِ : امشي 20 دقيقة يومياً في الشمس، وابدئي هواية بسيطة زي الرسم أو الطبخ. ده هيقلل الكآبة تدريجياً. الانفصال عن الشخص ده كان نعمة، حبيبتي؛ ربنا حمى قلبكِ. التعارف الإلكتروني مش حل، بس أنتِ هترجعي طبيعية لما تبني نفسكِ أولاً. محتاجة مساعدة متخصصة؟ روحي فوراً على صفحة الخبراء في فدني: https://www.fedni.net/experts وابحثي عن خبراء نفسية أو استشاريين – هما هيقدموا لكِ جلسات شخصية. كمان، ابحثي في فدني عن أسئلة مشابهة هتلاقي إجابات كتيرة مفيدة. أنتِ مش لوحدكِ، وأنا هنا معاكِ خطوة بخطوة. 💕. ربنا يفرج همكِ ويشرح صدركِ.
تم النشر الجمعة، ٦ مارس ٢٠٢٦
لعرض السؤال في فدني اضغط هنا