معاملة اهل حضرتك كانت ازاي وانت طفل؟ هل ديما كان بيبقى فيه انتقادات؟ عنف؟ زعيق؟ كان فيه حد بيتمر عليك من اصدقائك؟ بتحس ديما انك عايز تكون في علاقة (حب) مع حد وبتكون في العلاقة ديه قلقان وخايف احسن يسيبك؟ ولا بتحس انك عايز تستنزف مشاعر اللي قدامك فقط هو ده اللي انت بتسعى ليه ومش مهم اي حاجه تانية؟
العفو .. تسلم
تم النشر الاثنين، ١٥ أبريل ٢٠٢٤
متشكر جدا ويعوض تعب حضرتك معايا
تم النشر الاثنين، ١٥ أبريل ٢٠٢٤
العفو ع ايه .. ربنا يلهمك الصواب باذن الله، وتكون بأفضل حال.
تم النشر الاثنين، ١٥ أبريل ٢٠٢٤
الحمدلله علي كل شئ انشاء الله اتحسن وابطل تفكير ونفسيتي تهدا عليا ومتشكر لوقت حضرتك و ان حضرتك صبرتي عليا وكلمتيني وسمعتي مني وناقشتيني ف كل ده مع ان مكنتيش مضطرة لكده واستحملتيني فرقت معايا شوية ..
تم النشر الاثنين، ١٥ أبريل ٢٠٢٤
اعتبر انها انتقلت لدار الحقيقية .. ولما يحين موعد هتقابلها بعد عمر طويل ان شاء الله. حياتنا اساسا كلها عبارة عن مسريحة بنقضي فيها وقت، وبنعمل اللي المفروض نعمله علشان نستاهل الجائزة الكبرى اللي هي الجنة، واللي هي الحياة الابدية. ف متزعلش ع اللي فات ..
تم النشر الاثنين، ١٥ أبريل ٢٠٢٤
ربنا يخليكي متشكر🤍...عشان للاسف انت مش متقبل حياتي دلوقتي نفسي عقليتي وسعادتي وتفكيري وكل الناس الي كنت بحبهم يكونو معايا دلوقتي ..انا بحاول اطور نفسي والا مكنتش كتبت البوست ده ف انا طلعت الي فيا مع حضرتك بس انا بس ندمان ع الماضي لما كنت مع امي اني ملحقتش اكون معاها بالقدر الكافي بس
تم النشر الاثنين، ١٥ أبريل ٢٠٢٤
ربنا يرحمها باذن الله .. ويغفر لها - ربنا يصبرك على فراقها، للاسف طول ما انت متعلق بالماضي وتقول ياريته يرجع عمرك ما هتفكر في المستقبل وتشوف ازاي تلاقي له حلول. لازم تفكر ف اللي جاي.
تم النشر الاثنين، ١٥ أبريل ٢٠٢٤
انا اول مرة اتعامل مع اخواتي واحتك بيهم لما كملت ال ١٨ او ال١٧ كانت امي اتوفت صدقيني لما كنت عايش م امي وخلصت فترة ابتدائي دي انا كنت عيل اه بس كنت عايش حياتي لا شايل هم ان ابويا متوفي ولا ان ظروفي كانت وحشه ماديا واجتماعيا وحتي ف ثانوي واعدادي كنت بطلع رحلات وبخرج واروح مع صحابي ومكنتش اعرف اصلا يعني ايه نفسية امي اتوفت بقا وروحت لاخواتي حياتي باظت وتفكيري اتقلب انا كان صعب حد يعيطني او اني افكر ف حاجه تعيطني كنت دايما بهزر واضحك ف انا عايز اقول لحضرتك اني امي هي الي رابتني مش اخواتي هما الي بوظو تفكيري ونفسيتي اتمني حياتي تتعاد تاني وابعد امي عن كل الحاجات الي خليتها تتوفا عشان تعيش وتكون حياتي اسهل من كده بس للاسف خلاص
تم النشر الأحد، ١٤ أبريل ٢٠٢٤
علشان هما اساسا مكانوش عارفين يتعاملوا معاك بالطريقة الصح .. هما غلطانين .. مش هننكر ده .. بس نيتهم فعلا كانت خير، كتير ه من الأهالي مش عارفين يربوا اصلا، ولا عارفين يتعاملوا ازاي مع اولادهم ودي بتبقى النتيجة .. بس هما معندهمش وعي وده اللي عايزة أقولهولك .. ده كان عدم وعي منهم .. يعني مش هيبقزا عارفين الغلط ويقولوا يلا نعمل الغلط معاه.
تم النشر الأحد، ١٤ أبريل ٢٠٢٤
تمام نيتهم كانت كويسة معايا ومعملوش اي حاجه وحشه بس ايه لازمه ان ممكن حد يقول عليا غير سوي او نفسيتي وحشه ومش طبيعي او ان خوفهم ده خلاني شخص ضعيف الشخصية مبزعقش بخلي رائي لنفسي صفاتي كلها بتقول كده مبعرفش اعبر عن رائي خجول ومنطوي مبعرفش اتكلم قدام الناس مش واثق ف نفسي ايه الفايده ؟؟ م اني بقيت كده عشان خاطر نيتهم كانت سليمه... وانا برضو محستش ب حب الاهل ده اهو انا كان نفسي يبقا عندي اب او ام عشان حب الاهل لاولادهم ده
تم النشر الأحد، ١٤ أبريل ٢٠٢٤
طيب مش يمكن دي الحقيقة فعلا .. انت شايف أنه ممكن يقولوا ايه؟ ع فكرة كلامهم ده انا فعلا مقتنعة بيه .. وده بنسبة كبيرة جدا صح. ومعظم الأهالي بتعمل كده مع اولادها بيحبوهم فعلا بس بيربزا غلط، اه فعلا بيطلعوا أشخاص غير اسوياء .. بس النية كانت سليمة. انت هنا كل تركيزك ع الفعل الشنيع بتاعهم، بس مفكرتش ولا 1٪ ف نيتهم ايه كانت اتجاهك!
تم النشر الأحد، ١٤ أبريل ٢٠٢٤
مش هلاقي الي انا عايزو هلاقي كلام زي كنت صغير كنا خايفين عليك انت صحابك وحشين كلام من النوعية دي كلام فيه معناه اني بشوف الغلط فين واروحلو وهما كانو بينقذوني منه ف ليه اعرض نفسي للكلام ده تاني
تم النشر الأحد، ١٤ أبريل ٢٠٢٤
طيب وليه تجلد نفسك .. ايه مثلا اللي ممكني يعود عليك علشان تجلد نفسك بالطريقة دي؟
تم النشر الأحد، ١٤ أبريل ٢٠٢٤
هو انا دايما ف دماغي ندم عن قرارات خدتها قبل كده وجلد ذات ف لو خدت قرار عارف نتيجته ف ده هيزود اني اجلد نفسي اكتر ف الاحسن اني معملش حاجه زي دي
تم النشر الأحد، ١٤ أبريل ٢٠٢٤
فكر في الموضوع .. يمكن تلاقي كلام يفيدك ف اللي جاي ويمكن لا. وارد كل شئ يحصل. ولكن انت هتخسر ايه قد اللي شوفته ؟
تم النشر الأحد، ١٤ أبريل ٢٠٢٤
هما بالنسبالهم مفيش حاجه والدنيا تمام ف لو روحت كاني بفتح ف الي فات ولو فعلا كلموني هاخد طاقة سلبية وهندم اني فتحت معاهم حاجه زي دي
تم النشر الأحد، ١٤ أبريل ٢٠٢٤
ما هو الموضوع بيبدأ من هنا للاسف .. ع الاقل هتعرف ازاي بعد كده هتكون وجهتك.
تم النشر الأحد، ١٤ أبريل ٢٠٢٤
ممكن يكون في حلول غير اني اروح لهم واتكلم معاهم بس انا مش عارف ايه الحلول
تم النشر الأحد، ١٤ أبريل ٢٠٢٤
انا مقدرة اللي انت فيه، بس هل انت شايف ان ده حل؟
تم النشر الأحد، ١٤ أبريل ٢٠٢٤
ولو عيالهم احتاجو اي حاجه اي حاجه مش هكون انا اول واحد يقف معاهم لان محدش وقف معايا ف اي حاجه ف حياتي انا محدش منهم يعرف عندي كام سنه اصلا
تم النشر الأحد، ١٤ أبريل ٢٠٢٤
عشان مش هلاقي منهم الحب او الحنان الي كنت عايزو ف السن ده وانا صغير لو عملت كده هندم ومش هستفيد حاجه زي كاني روحت فضفضت لحد وندمت بعدها ... وخوفهم عليا ساعتها مش خوف بالنسبالي... انا كان في فترة كنت بعيط فيها كل يوم لوحدي ونفسيتي كانت مدمرة وعشان متاكد مليون ف المية ان محدش هيعملي حاجه مقولتش لحد فيهم هما قالولي انهم مش فاضيين ف هحتاجهم ليه ...ده حل مستحيل اعملو انا اصلا لو قررت اني اخطب انا نفسي مجبلهمش سيرة لولا ان اهل الي هخطبها دي هيقولو فين اهلك دي ف للاسف هضطر احتاج ليهم
تم النشر الأحد، ١٤ أبريل ٢٠٢٤
ليه مش مستعد تسمعها مش يمكن هي دي الحقيقة ؟ جرب هتخسر ايه يعني قد اللي حصل في حياتك؟
تم النشر الأحد، ١٤ أبريل ٢٠٢٤
"كنا خايفين عليك" ومش مستعد اسمعها تاني وهتبقا ردود مستفزه ومش هستحملها بصراحه
تم النشر الأحد، ١٤ أبريل ٢٠٢٤
اه حتى لو عمل كده .. قوله الكلام ده .. قوله أنا زعلان منك علشان عملت كذا وكذا .. بس ياريت تتكلم بهدوء وعقل بطريقة تخلي اللي قدامك فعلا يراجع نفسه وأعماله معاك. مش يتعصب عليك وتقلب بخناقة. مهما كانوا هما اخواتك برضه .
تم النشر الأحد، ١٤ أبريل ٢٠٢٤
حتي لو مستحيل اتكلم مع حد اتكلمت معاه قبل كده وخلاني اعيط قدام مراته وعياله الي المفروض انا عمهم ومهانش عليه نفسيتي ساعتها ك مراهق
تم النشر السبت، ١٣ أبريل ٢٠٢٤
اكيد ع الاقل عندهم وقت ولو ساعة يسمعوك فيها ..
تم النشر السبت، ١٣ أبريل ٢٠٢٤
مستحيل اعمل الخطوة دي اني اتكلم معاهم هما ليه كانو كده مش هاخد حاجه منفعة ..صدقيني مفيش حد فاضيلي هما مشغولين ف حياتهم و عيالهم وانا اتكلمت مع اختي قالتلي كنا خايفين عليك قولت لها صدقيني انا كمان مش مسامح لانكم بوظتو ليا نفسيتي وشخصيتي قالتلي ده الي حصل قدام ربنا قولت لها وانا قدام ربنا صدقيني انا مش مسامح لانكم بوظتو شخصيتي ونفسيتي ...وبس محصلش حاجه مجتش طبطب عليا ولا عملت اي حاجه مع اني نص عمرها
تم النشر السبت، ١٣ أبريل ٢٠٢٤
شوف انت بتعمل ايه دلوقت، بترجع نفسك لوراء .. يعني مش عايز تاخد خطوة لقدام، وشايف ان لو كانت فيه حاجات موجوده معينه كانت الامور هتتغير .. مش عايز تتعامل مع الواقع دي مشكلتك. لازم تتعامل لو عايز تحسن من حياتك. وع فكرة حالات كتير بترجع تتكلم مع الاهل او بترجع تتكلم مع اصدقاء قدماء حصلت مشكلة معاهم والنتيجة بتكون كويسة. حتى لو مطلعتش بنتيجة كويسة معاهم. ع الاقل هتبقى عملت اللي عليك. ولربما تطلع بشئ معين يمكن يساعدك ع فهم وجهة نظرهم. وتغيير مسار حياتك.
تم النشر السبت، ١٣ أبريل ٢٠٢٤
انا مش حابب افتح الموضوع ده تاني لان محدش هيشوف نفسه كان غلط وهيجي يطبطب عليا ويقولي احنا كنا كده فعلا معاك ومتزعلش مش هلاقي ده ..كده احسن الي حصل حصل بس هو اثار النفسيات دي هو الي ماثرفيا وف شخصيتي ..برضويارتني كنت اتولت ف عيلة تانية او اني مجتش الدنيا او ياريت كانت امي لسه عايشه كان مسار نفسيتي اختلف
تم النشر السبت، ١٣ أبريل ٢٠٢٤
الناس بتدرك الخطأ .. مش شرط اللي اتعمل معاك يبقى هو اللي لازم يتعمل مع اولادهم. فيه ناس بتعامل اخواتها كده وبيدركوا انهم خطأ. وفيه ناس مان بتعاني من الام والاب، وبيدركوا ده ومش بيعملوه مع اولادهم بعد كده. الناس ب ايديها تقرر تتخذ القرار الصح. وفيه ناس تانية بتصر انها صح .. وموقفها صح. وللاسف ده اكبر غلط. انت محتاج تسمع منهم حتى لو هما مش بيقعدوا معاك .. حتى لو برسالة لكل واحد تقول فيها ع كل اللي جواك. تسمع منهم هيقولوا ايه؟ وتفهم هما عملوا ايه. محتاج تفتح الماضي علشان تعرف تتعالج منه. لانك للاسف كأنك في دائرة مفرغة كل ما تخرج منها بتحاول ترجعك تاني.
تم النشر السبت، ١٣ أبريل ٢٠٢٤
انا اسف بس خوفهم عليا مكنش حقيقي وانا مش دور صحية ومحدش منهم بيكلمني ولا بيقعد معايا اصلا عشان اسمعله ..ولو اتكلمت تاني مش هيقولو ان احنا كنا غلط ...انا مش بعاند مع نفسي لو كان خفهم حقيقي مكنش زماني بتكلم مع حضرتك عن نفسيتي او مكنش زماني علي برنامج ده ...ابن اخويا ف ٥ابتدائي بيتساب يروح درس مع زميله ف حتت بعيده ف المنطقة ..انا كنت ٢٠ وكان بيتقالي خايفين عليك وبيتقفل عليا باب البيت .. والاب والام برضو مش زي الاخوات ..انا اخويا او اختي وقت وفاه امي محدش طبطب عليا او خفف عني م انا الصغير وهما الكبار فيين الخوف كنت متساب ليه ؟! انا فعلا مش ضحية ياريت ابقا عايش ف دور ضحية عشان نفسيتي كانت هتبقا حاجه تانية مش زي م هي دلوقتي
تم النشر السبت، ١٣ أبريل ٢٠٢٤
لما يكونوا هما بدل الام او الاب بيكونوا فعلا بيتعاملوا ع هذا الاساس .. خصوصا لو انت اصغر حد. وع فكرة برضه كنت ممكن تسمع الكلام ده من الاب او الام، لو مثلا حد كان بيشتغل فيهم. كنت هتسمع معلش اصل مشاغل البيت والشغل. واحنا مجرد طحونة ف عجلة الحياة وهكذا نفس الكلام بتاع اخواتك. صدقني خوفهم عليك حقيقي. انا معاك انهم خلقوا منك شخص حاليا نفسيا مش احسن حاجه. وده كان بسبب تعاملهم الغلط معاك. لكن انت محتاج تتصالح مع ده. الا هتفضل ديما عايش دور الضحية ومش عايز تخرج منه. اتكلم معاهم ووضحلهم اللي جواك. هتسمع منهم وجهة نظرهم. هتفهم هما ليه كانوا بيعاملوك كده. اتمنى انهم يقولوا ان تعاملهم ده غلط. لانك وضحت انهم غيروا معاملتهم مع اولادهم. حاول تسمع منهم، ومتعاندش مع نفسك، لان العند مش هيوصلك لحاجه.
تم النشر السبت، ١٣ أبريل ٢٠٢٤
انا مرة سافرت من وراهم قبل كده ومكنوش يعرفو عشان كانو خايفين عليا🙂
تم النشر السبت، ١٣ أبريل ٢٠٢٤
انا كبرت ف نظرهم دلوقتي الحمدلله يعني وتقريبا لما اتجوز هيخافو عليا برضو ..هو مفيش حد بيتكلم معايا عشان اسمعله كل ده كان زمان ...وفي فرق بين الاب والام والاخوات لو امي او ابويا عايشين كنت هقبلها منهم لكن اخت او اخويا لا مكنتش قابلها هما السبب ف نفسيتي حاليا..وبالذات اصلا ان محدش منهم وقف معايا نفسيا كانو بيقولولي عندنا شغل وعيال طب فين بقا اني اخوهم الصغير ؟! محدش فضيلي اصلا هما بس كانو فاضيين انهم يخافو عليا
تم النشر السبت، ١٣ أبريل ٢٠٢٤
طيب ايه رايك تحاول تسمع من اخواتك الشباب ..! وعلى فكرة هو لو قالوا ليك انهم خايفين عليك صدقهم. عندك الام او الاب بيكونوا شايفين ولادهم مهما كبروا صغيرين وبيفضلوا خايفين عليهم. وبما انك اصغر واحد فيهم. احتمال كبير بيكونوا شايفينك بنفس النظرة. انت طبعا كان ليك حق انك متفكرش فيها التفكير ده لانك كنت لسه صغير. وحاسس انك عايز عايز تتمرد عليهم بأي شكل علشان تثبت ليهم انك كبير وتقدر تعمل اي حاجه. ولكن للاسف كنت غلطان.
تم النشر السبت، ١٣ أبريل ٢٠٢٤
لا مش مقتنع ان حد كان ٢٠ سنه يتخاف عليه بس تقريبا بسبب اسلوبهم معايا عايز اقول لحضرتك شربت انواع دخان ومسكرات الي هي الحاجات الي يتخاف منها ف خوفهم ده كان تحكم ف وجهة نظري مش خوف وعشان اثبت لنفسي ان محدش متحكم فيا انا عملت الحاجات دي للاسف وكانو هما السبب لانهم كانو مخليني افكر اني متقيد ب خوفهم عليا لدرجه اني حسيت اني بنت اقول لنفسي هو انا بنت عشان يتقالي خايفين عليك !!
تم النشر السبت، ١٣ أبريل ٢٠٢٤
طيب كويس جدا. انت طيب مقتنع انهم كانوا خايفين عليك؟
تم النشر السبت، ١٣ أبريل ٢٠٢٤
اتكلمت مع اختي ف ان السبب ف شخصيتي الحالية دي هما وانتو الي خلتوني كده بس كان الرد ان قدام ربنا احنا كنا خايفين عليك وانا قولتلها ان قدام ربنا انتو بوظتو شخصيتي ف الاخر مفيش حل والي حصل حصل انا باخد حب عشان انا محدش اداني ف متعلمتش ادي حب
تم النشر السبت، ١٣ أبريل ٢٠٢٤
طيب هل تعتقد لما تحاول تعترف ليهم بكل الاذي النفسي اللي انت عليه حاليا .. هل ده ممكن يحسن من علاقتك بيهم؟ لأنك و لقيت الشخص اللي يديك ده المشكلة اساسا متحلتش. لانك لتحاول تعوض اللي انت اتحرمت منه. بس انت معالجتش مشكلتك بأهلك. خصوصا انك بتحاول تاخد من الشخص حب مش بتدي .. وده ف حد ذاته خطر ع الناس التانية.
تم النشر السبت، ١٣ أبريل ٢٠٢٤
انا امي اتوفت من وانا ١٧ سنه ف نقلنا للبيت الي ساكنين فيه اخواتي من ساعتها وانا معاهم كلهم متجوزين انا اصغرهم بس محدش بيتكلم معايا قالولي عشان شغلهم وعيالهم معندهمش وقت تعاملي معاعهم بكسوف او احراج كان مع حد غريب مش برتاح يعني بحس انهم ميعرفونيش ف لما بيكلموني بكلمهم كانهم اغراب عني بحس بعطف منهم عشان الاكل والشرب مضطر انهم يبقا معاهم هما كويسين مش بيكهربوني بس كنت بتمني اتولد ف عيلة تانية او مكنتش اتولدت اصلا لان هنا ف النهاية مش بيدوني اهتمام ولا سؤال ولا اي شعور احتواء انا بنزل برامج تواصل عشان اتكلم مع ناس او احاول ارتبط ع اساس ان الاقي حد يوفرلي حنية او حب حتي لو كان حد مش من ديني المهم ان بلاقي حد بيديني ده انا عارف اني كبير ع كده بس انا نفسيتي مبهدلاني والتفكير مش سايبني
تم النشر الخميس، ١١ أبريل ٢٠٢٤
طبعا كان فرق معاك ف ده جدا. طيب علاقتك ايه بيهم حاليا؟
تم النشر الخميس، ١١ أبريل ٢٠٢٤
لو هبص من وجهة نظري دلوقتي علي المعاملة كنت استاهل اتحضن ساعتها يطبطب عليا مش اترزع علي وشي بالالم وانا طفل او وهو بيذاكرلي يتقالي ياغبي واعيط ويضربني علي دماغي واعيط اكتر واصلا هما مش بيعاملو عيالهم بالطريقة دي دلوقتي ..لما كنت ٢٠ سنه كنت عايز اسافر مع واحد صحبي محافظه تانية مرضوش ووقفو كلهم ضدي بسبب انهم خايفين عليا انا بسبب طريقة الخوف دي مش موزون نفسيا ومش بعرف اعتمد ع نفسي وبخاف ومش بعرف اتكلم ولا حتي اني اتخانق بحاول اتجاوز اني اتحط ف مشكلة عشان عارف اني مش هعرف اتصرف بشكل ينصفني .واه انا عارف ان دي كانت فترة مراهقة بس هو لو كان كان فهمني براحه كان الموضوع فرق معايا نفسيا وبالذات ان انا نص عمرو
تم النشر الخميس، ١١ أبريل ٢٠٢٤
لا مطولتش ولا حاجه .. انا فهمتك تمام - طيب اللي بتمر بيه حاليا هو ملخص ل اليل حضرتك حكيته دلوقت. يعني كل المشاكل اللي حضرتك ذكرتها ما هي الا نتيجة ل اللي بيحصل. ف حاليا ممكن اعرف راي حضرتك في اللي عملوا اخواتك ايه؟ حاول تنظر ل اللي حصل بعين الشخص اللي 26 سنىة .. وحاول مرة تانية تنظر للموضوع بسن المراهق والطفل ..
تم النشر الخميس، ١١ أبريل ٢٠٢٤
هو انا كان والدي متوفي من وانا ٣ سنين ف الي كانت معايا امي بس كان كل الزعيق والضرب من اخواتي بسبب اني كنت شقي وانا صغير بس لغايت دلوقتي انا شايل منهم بسبب الضرب والزعيق ..اه كان في تنمر من ناحية اجتماعية بالذات ان كنت حاطت نفسي ف مجتمع غني وحالتي المادية كانت وحشه ف اه الي حوالين مني كنت بحس اني قليل معاهم وبيتكلمو اني فقير انا لو دخلت علاقة حب بقول للشخص ده اني بحبك من ٣ يوم مثلا بتكلم معاه مثلا ببقا عايز اتحب وبظهرلو اني ضعيف وان الدنيا جيا عليا علي اساس انه يحبني يعني اكيد ده غلط بس ببقا عايز ان الشخص ده يحبني انا وحش اصلا ف العلاقات ده بسبب ان ف وقت مراهقتي كنت بحب بنت وقولت لاخويا اني اروح اخطبها ف اخويا بهدلني زعيق قدام مراته وعياله الي المفروض انا عمهم وخلاني اعيط قالي كلام قاسي الي هو انت رايح مدرسة تتعلم مش رايح تتعرفني ع بنات ..طلعت الكلية اتعقدت من البنات كانت في بنت عجباني معرفتش اتكلم معاها ولا قدرت اصاحب بنات اصلا اتعقدت كتير من الكلية للبيت بس معلش لو طولت ع حضرتك
تم النشر الخميس، ١١ أبريل ٢٠٢٤
لعرض الإجابة في فدني اضغط هنا