السلام عليكم مشكلتي اني معنديش أصحاب وشخص انطوائي وبقالي فتره كبيره بحاول اتغير واعرف ناس بس كل لما اعرف حد اثق فيه وأحبه جدا واعمل أقصي ماعنديش عشان يبقا مبسوط بس كل ده بيروح بسرعه وبيبقا ف أفعال منهم مش متوقعه ف بزعل ولما اتكلم واحاول افهم اللي قدامي اللي بيدايقتي مش بلاقي الرد المنتظر ف بزعل وببعد ابعد وادخل ف فتره صراع مع نفسي اني مكنش ينفع من الاول اني اعرفه طب لا يمكن ظلمته طب كنت صبرت شويه يمكن يبقا كويس وببقا عياط ومش قادره اقوم من مكاني بتبقا فتره صعبه عليا جدا اعمل لي
مسألتيش نفسك في يوم .. انك ممكن تكوني السبب في كده؟ يعني انك تكوني السبب ف خذلان نفسك بنفسك؟ طيب ازاي؟ كويس اوي انك تحاولي تعرفي ناس جديدة، ولكن ليه تدي اقصى ما عندك اساسا لحد؟ ويمكن هو مش بيدي نفس اللي بتديه. طبيعي ان النتيجه تكون سيئة. تاني شئ .. انتي بتثقي في الناس علطول كده اول ما تعرفيهم ده تاني خطأ .. مش بقولك تخاوني حد، بس احنا مش بنفرق الثقة على الناس واحنا ماشين علشان يحبونا؟ الثقة بتبني بالمواقف والعشرة .. مينفعش ادي ثقة لحد من مفيش واجي اقول هو السبب، لا انتي السبب لانك اديتي ثقة لشخص مش ف محلها. مهم اوي في العلاقات ان يكون فيه توازن .. وده مهم ف اي حاجه عموما لو اختفي التوازن ده هتشوفي المشاكل. وهو ده اللي حصل .. انتي بتكوني بتدي اوي لكل اللي حواليكي علشان يكونوا مبسوطين، وهما مش بيعملوا ده. طالما مفيش حد بيعمل ده نفس الشئ اعرفي ان فيه حاجه غلط، اعرفي ان فيه خلل في العلاقة. بالنسبة بقى للافعال الغير متوقعة .. احنا مينفعش نتوقع حاجه من حد. يعني مينفعش نبقى انا وانتي اصحاب وانا اعمل حاجه وحشة ف تيجي تقولي انا مكنتش متوقعة ده منك. طيب ليه؟ هو المفروض متتوقعيش مني اي حاجه حلوة ولا وحشة. اي حاجه ممكن تحصل .. ف متعمليش توقع لحد. حطي ببالك ان اي شئ ممكن يحصل. وفكرة انك تصبري ع الشخص علشان يبقى شخص كويس، ديه متعملهاش توفيرا لطاقتك .. الشخص زي ما هو كده لما تاخديه خديه زي ما هو لو متقبلاه متحاوليش تغيري من حد، مفيش حد هيتغير. ل اما توافقي او تبعدي. بتمنالك التوفيق
تم النشر الأربعاء، ١٣ سبتمبر ٢٠٢٣
متعمليش أقصى ما عندك كل واحد عامليه بقيمته متزوديش اوي في الاهتمام و الود إليه لأنه هيغتر وهيشوف نفسه عليكي وهيتغير تعامله معاكِ دا أغلب الناس كده قلة قليلة اللي لما تقدم لها كل الاهتمام والحب ميغترش ويفضل معاكِ زي ما هو ومتثقيش في حد بسهولة كدا
تم النشر الأربعاء، ١٣ سبتمبر ٢٠٢٣
لعرض السؤال في فدني اضغط هنا