السلام عليكم ورحمه الله وبركاته
تقريبا دي هتكون اول مره اتكلم فيها وانا مرتاحه ومحسش ان حد مشفق عليا
أنا بنت وعندي ٢٠ سنه وبدرس، مشكلتي دلوقتي هي أهلي اكتر حد اذاني نفسيا ف حياتي ولحد دلوقتي الاذي مستمر
اختصار الموضوع هو اني من وانا صغيره وانا جسمي مليان شويه عندي اخوات بنات كرهوني ف نفسي وحياتي وكسرو ثقتي ف نفسي مع اني اللهم بارك بشهادة الجميع اني جميله حتى حطو ف دماغي ان اي حد بيقولي جميله كداب ومش بيحبني وان محدش هيحبني ولا هتجوز عشان تخينه
ملحوظه هما كمان جسمهم مش حلو وبيقولو عشان هما متجوزين انا اصغر حد وكلهم متجوزين ومخلفين ممكن يوصل بيهم الحال يوروني لبس يقولولي مش هيدخل فيكي ومش هيبقي حلو
عدمو ثقتي بنفسي وخلوني قبلت بحاجات أقل مني بكتير جدا لمجرد اني اثبت لنفسي وليهم اني اتحب ودي اكتر غلطه انا عملتها ف حق نفسي لاني عارفه اني اتحب واي حد يتمناني
أنا مش وحشه اني بني ادمه ومن حقي اعيش طول فتره حياتي وانا ف تحكمات منهم من اكلي لنومي للبسي وتنمر وانتقدات كتير اوي
انا بابايا متوفي وانا ف سن صغير حتي وهو موجود كانو كدا اتخطبت مرتين وف المرتين سبب الفشكله انا مش غلطانه فيه وانا اتغلط فيا كتير اوي واتأذيت كتير وهما جم عليا مش معايا وشوفت الذل بالكلام وازاي انها اتحسبت عليا خطوبتين
للعلم الواحده فيهم اتخطبت اكتر من مرتين وفشكلت عادي بس اي حاجه انا عاوزاها عاوزين يمنعوها تحكم
أمي موجوده بس ملهاش اي دور ف حياتي ولا عمرها وقفت معايا ولا جابت حقي انا مش بكرهم بس عمري ما هسامحهم اذوني كتير وخلوني اشوف نفسي أوحش بنت وانا جميله وخلوني أقلل من نفسي وهما قللو مني وجم عليا ضرب واهانه شفت كل حاجه
حاسه اني غريبه وانا وسطهم وسبب من اسباب اني اتخطبت عشان اطلع من البيت بأي طريقه ودي تاني غلطه ف حق نفسي انا وصلت للانتحار اكتر من مره وتعبت نفسيتي تحت الصفر ومبقتش ليا نفس لأي حاجه وبقيت شايفه اني مش هفرح ف حياتي ابدا اقسم بالله كل حاجه ف حياتي بينكدو عليا ويكسرو فرحتي معرفش ليه كدا
انا اختصرت الكلام واسفه لو طولت دلوقتي فيدوني ازاي ابطل اتأثر بكلامهم وازاي اشوف نفسي حلوه واصلا سبب تخني مش اكل اسباب نفسيه وحاجات من جوه جسمي ومش مقتنعين بكدا
كرهت نفسي وحياتي وانا نفسي افرح واعيش زي اي بنت ومشوفش نفسي قليله ابدا عاوزه اتغير واغير شخصيتي وابطل اتأثر لان محدش بيختار اهله ومليش حل تاني بدون تجريح اصل افهموني بعد إذنكم وعرفوني اعمل اي لاني حاولت بكل الطرق ومحدش يغلط لان برضو دول اهلي
السلام عليكم، متفهمة جدًا شعورك وصعوبة كل ده عليكِ وإن غصب عنك خاصة لما بتكوني لسه في سن صغير إنك تتأثري بالكلام السلبي خاصة لو من أقرب الناس لك. متقدريش تغيري الماضي طبعًا ولا تحذفيه كأنه محصلش لكن لازم تقفي مع نفسك وقفة حاليًا. ** دلوقتي أنتِ كبرتِ، مبقتيش الطفلة الصغيرة اللي سهل حد يتنمر عليها ويؤذيها نفسيًا. محتاجة تبصي لنفسك فعلًا وتعترفي إنك كبرتِ وقادرة تدافعي عن نفسك. عارفة الكلام سهل والتنفيذ صعب بس نفسك تستحق تجاهدي عشانها. ** ساعات الأذى من الغير مش عشان مشكلة مننا لكن منهم هم، ممكن غيرة، ممكن إحساس بالنقص داخل الشخص نفسه فبيخرجه على غيره، ممكن مشاكل نفسية بتخليه يؤذي اللي حوله. فأنتِ مش ملزمة تدفعي ثمن مشاكل الآخرين. أنتِ حللتِ مشاعرك ومشكلتكِ في الكلام المكتوب وباقي بس خطوات الحل. ** محتاجة تعترفي إن مفيش حد فينا كامل فعادي إنك تكوني مش كاملة، وطالما علاقتك بربنا كويسة فأي خلل ممكن يتصلح وبيدك توصلي للصورة اللي ترضيها لنفسك. مش عاجبك وزنك، غيري ده تدريجيًا، مش عشان الناس تقول عليكِ حلوة... عشان نفسك وبس. عشان أنتِ تستحقي تشوفي نفسك أفضل. أنتِ كبرتِ زي ما قلت، فبطلي تصدقي كلام الناس زي الأطفال الصغيرين... كلام الناس مش هو اللي يحدد أنا مين وموقعي في الحياة. ** دخلي أهداف صغيرة في حياتك وانسي الدنيا كلها واشتغلي بس على أهدافك كل يوم... خطوة خطوة، مع كل إنجاز صغير هتحسي بدفعة ثقة. كل ما تحسي إنك عايشة لنفسك وماشية في رحلة حياتك وعايشة فعلًا مش بس بتتنفسي عشان اليوم يعدي كل ما هتحسي إن حبك لنفسك بيزيد ورضاكِ عنها وكل ما هيقل تأثرك بأي كلام سلبي. خلي المراية اللي بتشوفي فيها نفسك هي عينيكِ أنتِ مش عيون الناس. ** الطريق صعب شوية بس زي ما قلتِ نفسك تستحق ده منك. ** انسي خالص الخطوبتين اللي فاتوا وانسي أي قرار غلط أخدتِه بسبب اللي مريتِ به... كل ده في الماضي وكان دروس وتعلمتِ منها. متدوريش على الحب برا قبل ما تلاقيه في نفسك عشان ده هيضرك ومش هتنبني عليه علاقة سوية وهتكوني دائمًا الطرف الخسران في العلاقات. ** أنصحكِ تبحثي على يوتيوب عن نموذج (عجلة الحياة المتوازنة) وتبدئي تصلحي جوانب حياتك خطوة خطوة وإن شاء الله توصلي لحياة سعيدة ومتوازنة هتخليكِ راضية عن نفسكِ. بالتوفيق إن شاء الله.
تم النشر الأحد، ٢٦ أكتوبر ٢٠٢٥
وعليكم السلام ورحمة الله وبركاته، شكرًا لكِ على ثقتك الكبيرة في مشاركتي هذا الشعور الصادق والمؤلم، وأشعر حقًا بما تعانينه من أذى نفسي وضغط كبير. ذكية هنا معك بكل تقدير وحب، وأريد أن أساعدك بأفضل الطرق. أولًا، أحب أقول لكِ: أنتِ إنسانة ثمينة وجميلة، ليس فقط في مظهرك بل في روحك وقلبك، ولا يجوز لأحد أن يقلل من قيمتك أو يحطم ثقتك بنفسك. كلام أهلك وصديقاتك لا يعكس حقيقتك، بل هو انعكاس لما يمرون به هم وربما مشاعرهم السلبية التي ظلوا يُفرغونها عليك. هذا ليس ظلمك أنتِ، بل ظلمهم لهم ولأحبابهم. كيف تتخطين وتنسين ألم الماضي وتعيدين بناء ثقتك بنفسك؟ 1. تقبلي مشاعرك أولًا ليس عيبًا أن تحزني أو تغضبي من أذى أهلك أو من كلماتهم الجارحة. الحصول على مشاعر حقيقية منكِ خطوة أساسية نحو الشفاء. 2. ابني حوارًا إيجابيًا مع نفسك كل يوم، قفي أمام المرآة وقولي لنفسك كلمات تحببك فيها: "أنا جميلة"، "أنا قوية"، "أنا أستحق السعادة". اكتبي ثلاث أشياء تحبينها في نفسك كل يوم، مهما كانت صغيرة. 3. ابحثي عن أسباب الوزن النفسي تذكري أن الوزن الزائد غالبًا ما يكون مرتبط بالتوتر والضغط النفسي، وأن الجسد يعبر عما هو في الداخل، فلا تلومي نفسكِ، بل كوني لطيفة مع نفسك. 4. ابدئي خطوات بسيطة نحو العناية بجسدك وعقلك حاولي تناول أغذية صحية ومتوازنة. مارسي نشاطًا تحبينه، حتى لو كان المشي البسيط في الهواء الطلق. اشغلي وقتك بما تحبين من هوايات أو تعلمي شيئًا جديدًا. 5. ابتعدي عن النقد والأذى قدر المستطاع حاولى تقليل التواصل مع الأشخاص الذين يؤذونك نفسيًا، وإن لم يكن ممكنًا تجنبي التعامل معهم بحساسية. تعاملي مع نفسك كأنك أغلى شيء لديك، لا تسمحي لأي كلام يقلل من قيمتك. 6. اطلبي المساعدة المهنية لا تخجلي من طلب الدعم من مختص نفسي أو معالج، وهناك خبراء في نفس هذا المجال على منصة فدني يمكن أن يساعدوك. يمكن للحوار مع معالج أن يعطيك أدوات قوية حتى تتجاوزي هذه المحنة. كلمات أخيرة: لا تنسي أن الله رحيم، وأنه لا يظلم أحدًا. في دعائك، اطلبي منه القوة والسكينة لتهدئي قلبك، قولِي: "اللهم إني أعوذ بك من الهم والحزن". الحياة أمامك كبيرة، وكل تجربة صعبة تمرين بها هي بداية جديدة وأقوى لكِ، وستجدين من يحبك ويرى قيمتك الحقيقية. أنا هنا معكِ، وإذا حبيتي تتواصلي أكتر أو تعبري عن مشاعرك، أنا جاهزة أسمعك وأدعمك. ولا تنسي يمكنكي استخدام صفحة الخبراء في فدني للبحث عن دكتور نفسي أو مدرب حياة ليقدم لك استشارة أعمق وأخصائية تناسب وضعك. إذا حبيتي، أقدر أساعدك أيضًا في وضع خطة خطوة بخطوة لتطوير نفسك وتعزيز ثقتك، فقط أخبريني. دمتِ بخير وقلبك مليء بالأمل يا عزيزتي. 🌷
تم النشر السبت، ٢٥ أكتوبر ٢٠٢٥
لعرض السؤال في فدني اضغط هنا