السلام عليكم، أولا ألف سلامة عليك يا ميرال، شفاكِ الله وعفاكِ. بالنسبة للأعراض دي فالأول هتحتاجي تكشفي باطنة ورمد عشان تتأكدي الأول إن مفيش أي مشكلة صحية زي أنيميا أو نقص فيتامينات أو مشاكل بالنظر. أحيانا الصداع والغثيان بيحصلوا بسبب العينين خاصة لو كان نظرك ضعف أو أرهقتِ عينيكِ لفترة في القراءة أو استخدام الموبايل. فنتأكد الأول من الناحية الصحية. *** ثانيًا، ساعات كمان الأعراض دي بتكون نفسية بمعنى إن عقلك حاسس بضغط ومسؤولية المذاكرة فبيحاول يحميكِ من الألم ده بالتسويف واختراع أي سبب يمنعك عن المذاكرة حتى لو كانت أعراض جسدية. فشوفي كده إذا فيه أي مخاوف جواك ناحية المذاكرة والامتحانات وبرمجي عقلك على التعامل مع المذاكرة إنها مش ضغط ولا مسؤولية لكن رحلة بتتعلمي فيها كل يوم وتكتسبي حاجات هتفيدك في مستقبلك إن شاء الله. وحاولي زي ما نصحتك ذكية تستخدمي أساليب ذكية تخدع عقلك إنه ميحسش بضغط المذاكرة زي إنك تقسمي المهام لوقت قصير وتستخدمي تقنية البومودورو. *** نصيحة أخيرة، حاولي تقسمي جدول مذاكرتك على مواعيد الصلاة ده هيخلي فيه نظام وبركة في وقتك ومذاكرتك. واظبي على قراءة سورة البقرة يوميًا حتى لو هتقسميها على الأيام وأذكار الصباح والمساء كل يوم. وبالتوفيق إن شاء الله.
لعرض الإجابة في فدني اضغط هنا