السلام عليكم، حاول تتعلم تكون وسطي في كل علاقاتك، متتعلقش بحد زيادة ولا تخلي شخص هو كل حياتك فلما تخسره تخسر ثقتك بالكل أو تحس حياتك واقفة بخسارته، ولا تبدأ صداقة بتوقعات عالية وتفهم إن الناس شخصياتهم مختلفة وطبيعتهم الاجتماعية مختلفة. أنت طبيعتك معطاءة واجتماعية بزيادة وبتحب تهتم جدا بالشخص اللي معك وغيرك طبيعته متلقية أكتر أو انطوائي أو مش عنده ذكاء اجتماعي أو عنده أولويات تانية. أنت بتنتظر منهم يعاملوك بنفس طريقتك وهم مش نسخة منك فبتحس بخذلان لما مش بتلاقي منهم نفس التعامل ومش كل الناس بتفهم التلميحات، لو حاجة ضايقتك خليك صريح مع اللي قدامك. حاجة كمان بتحصل، التعلق الزيادة بالناس وطلب اهتمامهم والخوف من خسارتهم ممكن بيسبب نفورهم وابتعادهم لا شعوريًا، على عكس إنك تركز على نفسك وتنشغل بحياتك مع جعل التعامل بتوازن دون إفراط أو تفريط، بيخلي الناس تقرب من دون أنت ما تبذل جهد في إرضائهم أو البحث عن اهتمامهم. بدل ما تقطع علاقاتك بالناس كلها، اتعلم التوازن في العلاقات. ممكن تشوف بودكاست عن العلاقات الناجحة وتدرب نفسك وإن شاء الله مشكلتك تتحل عن قريب. https://youtu.be/pJ0auP7dbcY?si=h9c5nBGvKR17LloS بالتوفيق.
العفو، بالتوفيق.
تم النشر الثلاثاء، ٤ أغسطس ٢٠٢٦
وعليكم السلام ورحمة الله وبركاتة شكرا لحضرتك
تم النشر الثلاثاء، ٤ أغسطس ٢٠٢٦
لعرض الإجابة في فدني اضغط هنا