عندي مشكله عاوز اطرحها عليكم لاننا هنا اخوات ف الله قبل اي شئ
عندي اهل ربنا يهديهم لا في عقل يستخدموه ولا شئ وللاسف انا بتضر منهم وبتأذي لامهم بيغيروا حجات كتير تخصني فحياتنا وطبعا لازم انتقاد ليهم لاني ابنهم هل في حل مع الناس دي
السلام عليكم ورحمه الله وبركاته في كذا نقطه عايز اقول لك عليها وهي: ١. دي مش مشكلتك لوحدك دي مشكله ناس او جيل بحاله. ٢. هي اني ممكن يبقى انت هم بيعبروا عن حبهم بس انت فاهمه بطريقه ثانيه يعني مثلا مامتك بتعبر عن حبها ليك بان هي بتعمل لك الاكله اللي بتحبها ،والدك بيعبر عن حبه لك ان هو بيشتغل وبيديك المصروف،وهكذا فمش لازم يعبروا عن حبهم لك بالطريقة اللي في دماغك. ٣. بالنسبه لموضوع الدين مش شرط تقول لهم انت رايح تعمل ايه بالظبط يعني مثلا انت رايح تصلي هم مش عايزينك تصلي قولهم رايح السوبر ماركت وروح صلي واشتري حاجه من السوبر ماركت وهات لهم بالمرةاللي هما عاوزينه وضف على كده ب٢ج ملبس (tofie)، وهكذا اي حاجه بقى تنطبق على الموضوع ده. ٤.حاول انك تختار الاسلوب المناسب والمكان المناسب في انك تتكلم معاهم في مواضيع ،ما تجيش مثلا تقول لوالدتك وهي والدك لسه مخانق معاها وتقولها عامليين أكل أيه فطبيعي تزعق لك. أو مثلا والدك لسه جي مضايق من الشغل فتقوله مثلا أنا عاوز فلوس. ٥. هم اهلك فمهما حاولت ان انت تغيرهم مش هتغيرهم مش مثلا اسمك احمد ابراهيم فمش يبقى اسمك احمد حسن هو اسمك زي ما هو وهم اهلك زي ما هم، فاما ان انت تغير أسلوبهم أو تتغير وتتأقلم مع أسلوبهم ودي الأسهل. ٦.حاول تشوف بيعملوا ايه وساعدهم مثلا انت تغسل المواعين يوم في الأسبوع بدلا من والدتك او ان انت مثلا تساعدها في الطبخ او ايا يكن حاجه من حاجات البيت يوم واحد في الاسبوع ،و في كذا تكنيك تقدر تبحث عنه او تلاحظها منهم. ٧. أنصحك ببرنامج أنا مش فاهمني للدكتور حازم شومان هيعجبك جدا ومش هيأخد منك وقت كتيير
تم النشر الأربعاء، ٩ أكتوبر ٢٠٢٤
محدش فينا بيختار اهله ولا بيختار نفسه ولا ظروفه بس ربنا قالنا " وبالوالدين احسانا" يعني كلنا مضطرين نتحمل اي امور بتحصل منهم وكلمة الاضطرار هنا مش اننا نعاملهم من تحت الضرس لا بمعنى اننا ملزمين بكدة .. وجايز يكون ضررك من افعالهم هو باب ليك عند ربنا كون انك صابر ومتحمل الاذى احتراما وتقديرا ليهم ربنا فاتحلك الباب ده تزود بيه رصيدك من الحسنات والصبر على البلاء حاول متزهقش على قد ما تقدر واحتسب الامر لله واكيد مسيرك هيبقالك حياة والامور هتخف لكن متقطعش بيهم لان عقوق الوالدين شر وشر مؤذي.
تم النشر الاثنين، ٧ أكتوبر ٢٠٢٤
السلام عليكم ورحمه الله وبركاته. طبعا يسعدني ان انا بحاول اساهم برايي علشان حل المشكله دي. اييي الاول علشان نتاكد انه احنا الاسوياء واحنا بنتكلم لازم نشوف احنا بنتكلم على الاخرين ازاي؟ دلوقتي احنا بنقول على الاهل وبنقول ان دول اهل سلوكهم غير سوي طب تعالى كده نحلل الموضوع شويه لو الاهل دول سلوكهم غير سوي. ازاي وصلوني لدرجه ان انا ابقى انسان زي ما انا بكام الجسد يعني مش ناقصني حته بقى يعني لانه الناس دي لو سلوكها غير سوينا كان زماني دلوقتي مشوه باشكال كثير. فخلينا نعيد صياغه الموضوع ونقول ان حاليا وبعد ما انا وصلت لمرحله من النضج وبقى معايا شويه معلومات اكثر من اللي عندهم وشويه وعي اكثر من اللي عندهم في سنهم الحالي وبالمناسبه مفيش مقارنه يعني حضرتك سن اصغر وهما في سن اكبر هم عدوا بحاجات انت اصلا لسه ما تعرفش عنها حاجه وما تعرفش انت لو عديت بيها زيهم هتقدر تعديها ولا لا هم شايلين مسؤوليات انت شخصيا برده ما تعرف. اذا حطيت في المسؤوليات دي تقدر تركز في نفس الوعي بتاعك اللي انت فيه الحالي وانت خالي من المسؤوليات ولا لا؟ ضروري كل الحاجات دي نبقى حاطينها قدام عينينا وشايفينها ليه عشان نكون فعلا احنا اشخاص اسوياء لانه اللي بيبص من زاويه ضيقه ده كده مش شخص سوي لانه هيحكم حكم غلط فاللي بيحبوهم حكم غلط فكده مش قوي لان هو بيظلم وبيضر اللي قدامه. فدلوقتي وانا ببصلهم وهما عندهم حاجه اقل من اللي عندي دلوقتي اللي هو شويه الوعي وشويه المعلومات فانا ببدا ابص لهم نظره دهنيه وده مش من حقي. مش من حقي ان انا ابص لهم انه انتوا تصرفاتكوا غير سويه واحط اللقب ده طبعا انا معرفش ايه تفاصيل التصرفات اللي انت بتتكلم عنها ااا بس انا بتكلم على الوصف بتاعك للتصرفات دي. طب نعمل ايه لما نكون احنا مختلفين مع اهلنا يعني خليني انا اقولها بصيغه اخرى ااا انا ليا راي وليا وجهه نظر واهالي لهم راي وليهم وجهه نظر وبسبب دلوقتي فرق السلطه او انه هم اللي ليهم المسؤوليه هم اللي لهم السلطه فبلاقيهم حتى لو انا ليا وجهه نظري وقرار مختلف بيمشي وجهه نظرهم مقرر اعمل ايه في الوضع اللي زي ده خليني اقول لك انه في الاوضاع اللي زي دي بنحتاج نحترم السلطه اللي احنا محطوطين تحتيها لان انا لو اخذتك لمثال اخر وانت مش عاجبك النظام اللي ماشيه بيه الجامعه هتقدر تغيره ولا هتقضي سنين الجامعه بالنظام اللي فيها حتى لو انت معترض عليه هتقضي سنين الجامعه بالنظام اللي فيها حتى لو انت معترض عليه هتحاول تروح جامعه ثانيه هتبقى موجود في نفس البلد الا غالبا فيها حاجه في النظام بتاعها انت معترض عليه بس انت موجود فيها ونكمل فيها لان احنا بنبقى مش دايما هنلاقي المكان اللي فيه كل حاجه زي ما احنا عايزين بالظبط في الغالب هيكون لينا وجهه نظر مختلفه مع اي شيء من اللي موجود. فالاوضاع دي لما تكون في البيت مع الاهل والله بنحاول محاولات والمحاولات دي على فكره هي بانك تتعلم طرق ثانيه توصل بها وجهه نظرك تتعلم انت تقرب منهم علشان تعرف ايه الطريقه اللي هم بيسمعوا بيها لانه ممكن تكون انت بتوصل كلامك بطريقه غلط برضه فلذلك بيكون مرفوض في حاجات كتيره جدا جدا انا بقول كل حاجه لان انا مش شايفه ان تحت في السؤال تفاصيل كتير فلو في تفاصيل ثانيه تحب ان انت تحطها عشان نناقش الموضوع اكتر انا هحب ان انا اساعدك فيه ان شاء الله.
تم النشر الاثنين، ٧ أكتوبر ٢٠٢٤
أخي العزيز، أشكرك على مشاركتك لمشكلتك، وأتفهم تمامًا ما تمر به. العلاقات الأسرية قد تكون معقدة، خاصةً عندما يتدخل الأهل في حياتنا بشكل يؤثر سلبًا علينا. أولاً، من الضروري أن تحاول فهم دوافعهم. أحيانًا، قد تكون تصرفاتهم ناتجة عن قلق أو حب زائد تجاهك. حاول أن تتحدث معهم بهدوء، وعبّر عن مشاعرك واحتياجاتك بطريقة لطيفة وصادقة. عليك أن توضّح لهم كيف تؤثر تصرفاتهم عليك، وأنك بحاجة إلى مساحة لتحقيق ذاتك. ثانيًا، حاول أن تحدد حدودك الشخصية. لا تتردد في وضع قيود على الأمور التي تهمك واحتياجاتك الخاصة، ولكن افعل ذلك بطريقة محترمة. قد تحتاج إلى بعض الوقت لتغيير سلوكياتهم، لذا كُن صبورًا. أخيرًا، إذا كنت تشعر بإنك لا تستطيع التعامل مع الوضع بمفردك، قد يكون من المفيد التحدث مع مستشار أو معالج نفسي يمكنه مساعدتك في فهم مشاعرك وطرق التعامل مع الموقف. تذكر، أنت لست وحدك، واحرص على رعاية نفسك نفسياً وعاطفياً. وفقك الله وهداهم جميعًا إلى الخير.
تم النشر الاثنين، ٧ أكتوبر ٢٠٢٤
المشكلة مش كثير واضحة هل تقصد الجانب الديني؟
تم النشر الاثنين، ٧ أكتوبر ٢٠٢٤
شوف اخي بتفهمك جدا، انت اهم اشي تكون ماشي بالطريق الصح وضلك انصحهن لآخر يوم، وبالمقابل كمان ادعيلهن... كثير في اشخاص مثلك، في بنات اهلهن ما بيقبلو يتحجبو بتصدق؟ في بيصرو على الموسيقى والمعازف مهما انذكر الحديث النبوي الشريف.. فش غير انو ندعيلهن ونحاول ما نتأثر. ما بتعرف يمكن يتغيرو للأحسن على ايدك، الله يرزقك الزوجة الصالحة الي تدعمك للأحسن
تم النشر الثلاثاء، ٨ أكتوبر ٢٠٢٤
متقدرش تغير تفكير كل واحد ، لكن تقدر تبحث عن الموضوع اكتر وتنصحهم مرتين وتلاته ، لكن لو مافي نتيجه ، تغاضي عن الموضوع ولا تتحمل مسؤولية أحد ، واذا قدرت غير مكانك ، وإذا ماقدرت افصل نفسك عنهم بمعني انك متتاثرش بكل حاجه بتحصل في البيت ايا كانت المشكله وكلتا الحالتين هما واعيين وناضجين وعندهم عقل وعارفين الصح والغلط وايه اللي مفروض يتعمل وايه لا
تم النشر الثلاثاء، ٨ أكتوبر ٢٠٢٤
الديني فيه اشياء كتير للاسف غير موجوده وهيا من ضمن ثوابت الاسلام ثانيا الامور الدنيويه فيها ايضا اشياء غير مستحبه لاي بشر يقومون بفعلها دون النظر لعواقبها ويجتاحهم الغضب في كل حين حتي انني احيانا لا استطيع النوم من كثره التفكير في حل مشكلاتهم التافهه التي دائما ما ينتج عنها صوت عالي في المنزل من الطرفين مما يجعل حياتي غير مريحه ففي كل يوم مشكله هل يتحمل هذا احد💔
تم النشر الثلاثاء، ٨ أكتوبر ٢٠٢٤
لعرض السؤال في فدني اضغط هنا