Abdallah Mostafa

عليكم السلام ورحمه الله وبركاته اولا بالنسبه لموضوع التنمر فالتنمر ده طبيعي جدا وناس كتير بتتعرض للتنمر وانا كنت من ضمنهم اولا حاولي تنسي الموضوع ثانيا ان ما نسيتيش حاولي ان انت تواجهيه اي حد يتنمر عليك لاني لما انت بتسيبيه هو بيزداد تنمر فلازما تعرفيه وتقولي له ان اللي انت بتعمله ده غلط وانا مش قابله ده . لان لو انت سبتيه كده فهو في اعتقاده ان هو بيهزر او هي بتهزر فلازما ان انت تحطي حد فاصل وتبيني لهم ان انت مش شخصيه توكسيك بتتاثر ايجابيااو بتستمتعي بالناس اللي بتتريق عليكي وبتتنمر عليكي. واخيرا لو ما فيش فايده ابعدي عنهم واعتذري لو هتتقابلوا في تجمع واعتزليهم وكوني صحبه صالحه تنفعك في دينك ودنيتك وحاولي ان انت تمنعي هم ان هم يبتدوا يتنمروا عليك. طبعا بنمنع التنمر باسلوب لبق وبطريقه محبوبه بدون عصبيه او بدون ما تزعلي اللي حواليك.

انصحك ان تذهبي الى مكان استشاري وإلى متخصصين دون تضييع وقت. وبالصورة مرفق المركز العلاجي بكلية خدمة إجتماعية جامعة حلوان،(لم أجربه صراحة،لكن كنقطة بداية وحتى تجدي معالج فشئ ما أفضل من لا شيء)يمكنك أن تبدأي به فإن لم تشعري بتحسن إذهبي إلى معالج نفسي وهذا ليس بعيب ولا حرام فقد قال تعالى فأسألوا أهل الذكر إن كنتم لا تعلمون.

السلام عليكم ورحمه الله وبركاته في كذا نقطه عايز اقول لك عليها وهي: ١. دي مش مشكلتك لوحدك دي مشكله ناس او جيل بحاله. ٢. هي اني ممكن يبقى انت هم بيعبروا عن حبهم بس انت فاهمه بطريقه ثانيه يعني مثلا مامتك بتعبر عن حبها ليك بان هي بتعمل لك الاكله اللي بتحبها ،والدك بيعبر عن حبه لك ان هو بيشتغل وبيديك المصروف،وهكذا فمش لازم يعبروا عن حبهم لك بالطريقة اللي في دماغك. ٣. بالنسبه لموضوع الدين مش شرط تقول لهم انت رايح تعمل ايه بالظبط يعني مثلا انت رايح تصلي هم مش عايزينك تصلي قولهم رايح السوبر ماركت وروح صلي واشتري حاجه من السوبر ماركت وهات لهم بالمرةاللي هما عاوزينه وضف على كده ب٢ج ملبس (tofie)، وهكذا اي حاجه بقى تنطبق على الموضوع ده. ٤.حاول انك تختار الاسلوب المناسب والمكان المناسب في انك تتكلم معاهم في مواضيع ،ما تجيش مثلا تقول لوالدتك وهي والدك لسه مخانق معاها وتقولها عامليين أكل أيه فطبيعي تزعق لك. أو مثلا والدك لسه جي مضايق من الشغل فتقوله مثلا أنا عاوز فلوس. ٥. هم اهلك فمهما حاولت ان انت تغيرهم مش هتغيرهم مش مثلا اسمك احمد ابراهيم فمش يبقى اسمك احمد حسن هو اسمك زي ما هو وهم اهلك زي ما هم، فاما ان انت تغير أسلوبهم أو تتغير وتتأقلم مع أسلوبهم ودي الأسهل. ٦.حاول تشوف بيعملوا ايه وساعدهم مثلا انت تغسل المواعين يوم في الأسبوع بدلا من والدتك او ان انت مثلا تساعدها في الطبخ او ايا يكن حاجه من حاجات البيت يوم واحد في الاسبوع ،و في كذا تكنيك تقدر تبحث عنه او تلاحظها منهم. ٧. أنصحك ببرنامج أنا مش فاهمني للدكتور حازم شومان هيعجبك جدا ومش هيأخد منك وقت كتيير

وعليكم السلام ورحمه الله وبركاته اولا اقدر ما تمر به ولكن اود ان اقول لك ان هذه المشكله ليست مشكلتك وحدك وهناك مشاكل اكبر فكونه يسال عن واجباتك او ما فعلته في هذا اليوم فهذا امر جيد وقد يكون في اعتقاده وان كان هذا خاطئا انه يعبر عن حبه لك عن طريق انه يحضر لك المال ويسالك عن واجباتك او ما فعلت في هذا اليوم فهو في اعتقاده انه هكذا يقوم بدوره كأب. وكونك تهرب منه او لا تريد ان تجلس معه لانه ينفر فهذا امر خاطئ ايضا فيجب ان تعلم ماذا يحب وماذا يكره وما الوقت المناسب للتحدث معه فلا تتحدث معه وهو مرهق او لديه مشكله في العمل ضيف على ذلك انه عليك ان تعلم ماذا يحب لكي تعمله فيزداد اهتمامه بك ضف على ذلك انت تريد منه ان يهتم بك ولكن لما انت لا تهتم به لماذا لا تكون انت الافضل لما لا تساله ماذا فعلت اليوم ماذا تريد ان تفعل غدا اعامله كانك انت الاب وانه هو ابنك . اما بالنسبه لموضوع انه قد نسى سنك فهذا امر يحدث كثيرا حتى حتى انا شخصيا ابي لا يعلم كم عمري بالضبط اريد ان ابشرك عندما تدخل الجامعه ان شاء الله فقد تكون في العام الثاني الدراسي وابيك او امك ومن حولك يحسبون انك في العام الثالث الدراسي وكل من حولك كذلك لذا هذه ليست عائقا كبيرا لذا اول ما عليك ان تفعله الان هو: ١. ان تدعو الله ان يوفقك لهذا وتستمر في الدعاء ٢.ان تعلم ماذا يحب وتسعى في ان تفعله وليس ان تفعله مره واحده ولكن بل تستمر عليه. ٣.ضف على ذلك ان تعامله كما يحب ان يعاملك. ٤.أما بالنسبه للمشاكل التي بين ابيك وبين امك فان كانت المشاكل بينهما فاخرج منها ان لم تستطع حلها فلا تشغل بالك بها وكن حياديا دون تحايز لهذا او ذاك حتى وان كان هو خاطئا فلا تتدخل في هذا المشاكل او تضع نفسك طرفا في هذا الصراع لقد واجهت مثل هذا ولكن بالدعاء ومحاوله ان اسعى في ان افعل ما علي فعله مهما كانت النتيجه فانا سعيد والله طلب منا السعي ولم يحاسبنا على النتيجه فقد قال تعالى وان ليس للانسان الا ما سعى وان سعيه سوف يرى ثم يجزاه الجزاء الاوفى لذا لن يحاسبك الله على النتيجه ولكن سيحاسبك على السعي،لذا فأسعى الى ان تكون قدوه لغيرك والى ان تحل المشاكل . ٥. الأمور لن تتحل في ليلة وضحها الأمر يحتاج إلى صبر واستمرارية،لذا فأصبر واستمر في الخطوات التي ذكرتها وابحث عن طرق حلها. والله المستعان ووفقك الله واسال الله العظيم ان يصلح لك جميع امورك.

اولا ارجوا من الله ان يوفقك للخير حيثما كان ويرضيك به، ثانيا انا جربت الأتنين واللي قلب متعلق بيها اكتر هي الريف رغم إن مقدرش انكر مميزات وعيوب الأتنين،واعتقد إن من عيوب الريف إن الناس مش بتسيب بعض في حاله خاصة بالكلام وبالحسد وبيدوروا في عيوب الناس وبينسوا نفسهم،لكن في المقابل في ناس مهتميه بيك وبتسأل عليكي ...إلخ.،ثالثا خطأ شنيع وكبيييير جدا هو إنك تربطي حياتك وسعادتها بكلية وهي طب مش هي اللي بتسعد والله ،السعادة جواك وانت اللي بتصنعيه من خلال علاقتك مع ربنا ومع اللي حواليكي ومع افكارك،لكن مش معنى كلامك انك تعدي كده لأ خالص بالعكس اسعي واعملي اللي عليكي جت اللي نفسك فيها الحمد لله مجتش بردوه الحمد لله قضاء الله خير ،وأنصحك بالقرب من الله وبسماع فيديو د.علي حسيب قضاء الله خير خطبة جمعة،واول ما تخلصي امتحانات اسمعي فيديو مبروك ٥٠ %لأحمد ابو زيد،وفيديو ماذا بعد الثانوية العامة من القاع للقمة ، وختاما وفقك الله لما يحبه ويرضاه

وعليكم السلام ورحمة الله وبركاته أولا ربنا يثبتك على الخير ويرزقك بالزوج الصالح والذرية الصالحة، ثالنيا بالنسبة للشاب هل هو فعلا كان ظاهر عليه انه كان بينصحك وخلاص ولا استغلال النقطة دي عشان يتواصل معاكي،إن كان ناصح ومتكلمش غير في الموضوع ده وقدم النصيحة واختفى فأنا شايف إن الموضوع ده عادي والله أعلم،أما لو هو كان واخد النقطة دي مدخل فده هو قمة الغلط المتاجرة والتستر برداء الناصح عشان يتكلم براحته وده إن كان كده فالحمد لله أنك انهيتي العلاقة بينك وبينه،وبعدين إذا استعان حد من اهلك مثلا باباكي او مامتك بيه فنيتهم والله اعلم تمني الخير ليكي حتى لو فعلهم ده غلط فده بسبب جهل منهم في النقطة دي ،وعلى كل حال انت انهيتي العلاقة دي،فمدخليش الشيطان يوقعك في مشكلة اكبر من اللي انت فيها ومعصية اكبر وهي الحزن والقنوط من رحمة الله يقول تعالى ﴿ قَالَ وَمَن يَقۡنَطُ مِن رَّحۡمَةِ رَبِّهِۦٓ إِلَّا ٱلضَّآلُّونَ ﴾ [ الحجر: 56] وختاما وفقك الله للخير حيثما كان وأرضاك به

اولا مين قالك أنه عنده adhdهل شوفتي اعراض من على موقع مثلا ولا عملتيله اختبار،ثانيا مش معنى انه عنده adha يبقى مريض كل الفكرة إن أنت تعرفي تدخلي عالمه مش يبقى كل هدفك أن هو اللي يطلع للعالم بتاعك،ثالثا في أدوية كتير اولها الدعاء ودهم من اهم الأدوية ، الدواء الثاني التعلم شوفي طرق التعامل معاه سواء هو فعلا عنده adhdاو لأ،تالت دواء هو استغلال قدراته في حاجة مفيد خليه يطلع طاقته في الجري او السباحة ....إلخ.

يكفيكي حديث ابو سعيد الخدري عن النبي صلى الله عليه وسلم أنه قال :من رأى منكم منكرًا فليغيرْه بيدِه فإن لم يستطعْ فبلسانِه . فإن لم يستطعْ فبقلبِه . وذلك أضعفُ الإيمانِ الراوي : [أبو سعيد الخدري] | المحدث : ابن تيمية | المصدر : مجموع الفتاوى | الصفحة أو الرقم : 10/460 | خلاصة حكم المحدث : صحيح،فأنت أعمل اللي تقدري عليه فإن مقدرتيش فكفاية أنك تنكري بقلبك وأدع ربنا يهديهم وإن يأست منهم فأدع ربنا يريح العباد منهم

ويهون عليك الامر ان انت كسبتي حسنات وهم يخسروا حسنات وياخدوا سيئات ويكفيك حديث سيدنا محمد صلى الله عليه وسلم عندما قال أتَدرونَ ما المُفلِسُ ؟ إنَّ المُفلسَ من أُمَّتي مَن يأتي يومَ القيامةِ بصلاةٍ وصيامٍ ، وزكاةٍ ، ويأتي وقد شتَم هذا ، وقذَفَ هذا ، وأكلَ مالَ هذا ، وسفكَ دمَ هذا ، وضربَ هذا ، فيُعْطَى هذا من حَسناتِه ، وهذا من حسناتِه ، فإن فَنِيَتْ حَسناتُه قبلَ أن يُقضَى ما عليهِ ، أُخِذَ من خطاياهم ، فطُرِحَتْ عليهِ ، ثمَّ طُرِحَ في النَّارِ الراوي : أبو هريرة | المحدث : الألباني | المصدر : صحيح الجامع | الصفحة أو الرقم : 87 | خلاصة حكم المحدث : صحيح | التخريج : أخرجه مسلم (2581)،ويا ريت تنشغلي بما ينفعك وساعتها مش هتلاقي وقت تفكري فيه

افتيكري المواقف اللي كانوا بيتنمروا عليك فيها وايه كان الجواب المناسب في الوقت دوت ولو تعرضتي لحاجه من اي حد في الفتره الجايه فساعتها تبقى مهيئه وهتقدر ي تنسي الموقف القديم بالموقف الجديد اللي انت عرفتي تردي فيه وتمنعي التنمر انه يحصل.

بالتوفيق إن شاء الله وربنا يصلح لك جميع امورك الدينية والدنيوية

وفقك الله لم يحب ويرضاه ورزقك أسباب السعادة في الدنيا والآخرة.