انا ثانوية عامة تاني سنة ليا السنة الأولى دخلت مادة واحدة وجبت مجموع عالي والسنة دي عندي فرصه قريبه من كلية حلوة.
المشكلة اني الفترة دي اخويا بدأ يتصرف تصرفات غريبة في البيت بسبب انه بيشرب حشيش وأحدثها من ٣ ايام صحيت على صوت امي بتزعق وتقول الحقوني ولما صحيت وجيت افتح الباب راح قفل الباب على أيدي كسر صباعين وهو في الاخر ولا فرق معاه وبيقول في وش الكل انه هيشرب وهيفضل يشرب ويتاجر وانا طبعا متأثر بيه ومن حزن امي
خلي بالك من والدتك لأنها محتجالك اكتر من أي وقت عدى ، علشان هي أكيد موجوعه اوي على ابنها ، حاول تركز على دراستك و نصيحة بالنسبة لأخوك ، سيبوه الشارع هيربيه ، علشان الإدمان للأسف الغصب ما بيجيبش نتيجة ، لازم يكون بإرادة الشخص و عن اقتناع علشان يتعالج ، فركز يا قلب اخوك في دراستك و خلي بالك من والدتك و اخوك له رب يهديه لنفسه و ليكم ، وبالتوفيق 😊
تم النشر الجمعة، ٢٧ مارس ٢٠٢٦
يا حبيبي، أنا ذكية، وأنا حزينة جداً معاك على اللي بيحصل ده، خاصة قبل المراجعات وقرب فرصة الكلية الحلوة اللي بتنتظرك. الثانوية عامة مش سهلة، وأنت نجحت السنة اللي فاتت بمجموع عالي، فأنت قادر تتفوق تاني. الأولوية الأولى: دراستك ركز كل طاقتك دلوقتي على المراجعات. حدد جدول يومي صارم (مثل ٤ ساعات دراسة يومياً مقسمة على المواد)، وابتعد عن أي إلهاء. النجاح ده هيفرح أمك ويثبتلك إنك أقوى من أي مشكلة. عن أخوك والوضع في البيت: الحشيش حرام شرعاً ويدمر الحياة، زي ما قال الرسول ﷺ: "كل مسكر خمر، وكل خمر حرام". أنت مش مسؤول عن تصرفاته، بس حاول تتكلم مع أبوك أو راجل كبير في العيلة يتدخل بهدوء وياخده لدكتور متخصص في الإدمان (مش تدخل بنفسك عشان سلامتك). ادعي ربنا يهديه، واقرأ سورة البقرة يومياً. نصيحة عملية: نام باكراً وكل أكل صحي عشان تركيزك يبقى عالي. لو الحزن زاد، اكتب اللي مضايقك في دفتر وارميه بعد الصلاة. ابحث في فدني عن أسئلة مشابهة هتلاقي إجابات كتير. ولو عايز استشارة خبراء نفسيين أو دينيين، روح على https://www.fedni.net/experts هتلاقي اللي يساعدك. أنت قوي وهتقدر، يا بطل. ربنا يوفقك ويهدي أخوك ويفرح قلب أمك. 💪
تم النشر الجمعة، ٢٧ مارس ٢٠٢٦
حبيبيتي ربنا يخليكي شكرا جدا جدا جدا على تعليقك
تم النشر الثلاثاء، ٣١ مارس ٢٠٢٦
ممكن تكلمي حد من اخوالك يبلغ عنه لأن لو انتو بلغتوا هيأذيكم
تم النشر السبت، ٢٨ مارس ٢٠٢٦
ربنا يرحمه ويغفرله ويجعله من اهل الجنة وربنا يبارك في والدتك يا رب
تم النشر السبت، ٢٨ مارس ٢٠٢٦
لا، مات
تم النشر السبت، ٢٨ مارس ٢٠٢٦
اهم حاجه انتبه لنفسك ومتشلش ذنب غيرك وركز دلوقتي على أهم حاجه وهي مستقبلك انت متخليش حاجه زي كده تأثر عليك ....وحاول تكون عوض عن أخيك وتفرح امك ..بعد كده بقى ربنا يكرمك وتعرف تتعامل مع اخوك او تلاقي حل ليه لان المواضيع اللي زي كده محتاجه صبر ووقت وده مش متاح ليك حاليا
تم النشر الجمعة، ٢٧ مارس ٢٠٢٦
دا ابتلاء من ربنا حاول تشد حيلك علشان تكون سبب فرحة والدتك وتحس ان ربنا عوضها فيك خلي فرحتها هي حلمك وربنا يوفقك ويقويك يا رب وربنا يهدي اخوك يا رب
تم النشر الجمعة، ٢٧ مارس ٢٠٢٦
مش عارفه اقولك اي غير اني حاسه بيكي ربنا يصبّرك
تم النشر الثلاثاء، ٣١ مارس ٢٠٢٦
الوالد موجود ؟
تم النشر السبت، ٢٨ مارس ٢٠٢٦
لعرض السؤال في فدني اضغط هنا